ЯҢАЛЫКЛАР
Аның үсеше нәтиҗәсендә дөньяда кеше тормышын җиңеләйтә һәм яхшырта торган бик күп югары технологияләр, медицина ачышлары, көнкүреш һәм сәнәгать приборлары бар. Казаклар авылы китапханәсендә клуб белән берлектә яшүсмерләр өчен “Фән үсеше – җәмгыять үсешенең күрсәткече ул” исемле әңгәмә үткәрелде. Алар белән төрле ачышлар ясаган галимнәр турында сөйләштенде, китап күргәзмәсенә күзәтү ясалды.
Югары Кибәхуҗа авылы китапханәчесе 21 нче сентябрь көнне “Без тынычлык яклы” дип исемләнгән тематик дәрес үткәрде. Әлеге дәрес дәвамында балалар бәйрәм тарихы турында мәгълүмат тыңладылар, тынычлык символы булган күгәрченнәр ясадылар, тынычлык темасын яктырткан шигырьләр, мәкальләр һәм әйтемнәр укыдылар. Чара “Тынычлык синең өчен нәрсә ул?” дигән сораштыру белән дәвам итте. Сораштыру нәтиҗәләре буенча, балалардан “Тынычлык - ул халыклар дуслыгы, сугышларсыз дөнья, игелекле, яхшы кешеләр” дигән җаваплар тыңланды.
2024 елның 20 сентябрендә Теләче районында беренче ярдәм күрсәтү буенча мастер – класслар узды. Баландыш төп гомуми белем бирү мәктәбе «Алдынгылар хәрәкәте» оешмасының беренчел бүлекчәсе активистлары бу чарада актив катнаштылар.
21 сентябрьдә Теләче авылы стадионында 2024 елның көзге Милләтләр кроссы узды. Ярышларда безнең мәктәп укучылары да катнашты. 5 сыйныф укучысы Гыйләҗиева Мәдинә һәм 8 сыйныф укучысы Заббарова Фәридә үз категорияләрендә чемпион булдылар. Котлыйбыз!
Шул уңайдан Иске Җөри авылы модель китапханәсе китапханәчеләре балалар бакчасына йөрүче балалар белән “Шигъри әкиятләр остасы” дип исемләнгән әдәби сәгать үткәрделәр. А.Алишның күп кенә әкиятләрен искә төшереп сорауларга җаваплар эзләделәр, әкият персонжларына кагылышлы табышмаклар чиштеләр һәм “Куян кызы” әкиятен кычкырып укыдылар. А.Алишның әкиятләре балаларны кечкенәдән үк яхшы гадәтләргә, хезмәткә өйрәтә, әти-әниләрне хөрмәт итү, гаделлек, намуслылык, батырлык кебек күркәм сыйфатлар тәрбияли, ә инде мондый чараларда катнашу нәниләрнең иҗади сәләтләрен һәм сөйләмен үстерүгә ярдәм итә.
20 сентябрь көнне, Алан урта мәктәбендә китапханә белән берлектә, районкүләм “Сүзләр балкышы” дип исемләнгән шигырь сөйләүчеләр конкурсы кысаларында, сайлап алу туры узды. Мәктәбебезнең 11 талантлы укучысы районыбыздан килгән хөрмәтле жюри әгъзалары каршында үзләренең яраткан шигырьләрен тәкъдим иттеләр. Укучылар авылдашыбыз, язучы Равилә Шәйдуллина һәм патриот шагыйрь Муса Җәлил шигырьләрен яратып башкардылар.
20 сентябрь көнне Теләче балалар китапханәсенең уку залында Татарстанда фәнни - технологик үсеш елына багышланган «Бөек галимнәр һәм аларның ачышлары» исемле китап күргәзмәсе оештырылды. Балалар даһи рус галимнәре -Иван Кулибин, Павел Яблоков, Александр Попов, Николай Зелинский һәм башкаларның ачышлары белән таныштылар, гаҗәеп ачышлар, иң әһәмиятле һәм кызыклы технологик казанышлар турында белделәр.
20 сентябрь көнне Теләче җирлекара китапханәсендә хәзерге заман чиренә әйләнгән коррупция, ришвәтчелек темасына багышланган “Без - коррупциягә каршы” исемле китап күргәзмәсе төзелде һәм күргәзмәгә куелган вакытлы матбугат материалларына күзәтү ясалды. Матур әдәбият әсәрләрендә коррупция темасын чагылдырылган Крыловның “Басни”, Пушкинның “Дубровский”, “Сказка о рыбаке и рыбке”, Гогольның «Ревизор», М.Горькийның “На дне”, Достоевскийның “Преступление и наказание” әсәрләре урын алды.
Әбде авыл китапханәсендә мәктәп һәм мәдәният йорты директоры белән берлектә цифрлаштыру елы уңаеннан «Искусственный интеллект: промпт‑инжиниринг» дәресе үткәрелде. Укучыларның цифрлы грамоталылыгын арттыруга юнәлдерелгән «Урок цифры» дип исемләнгән чара Бөтенроссия мәгариф проекты кысаларында узды.
19 сентябрь көнне «Солдатка хат» акциясе кысаларында Теләче балалар китапханәсенең яшь китап укучылары арасында МХО солдатларына рәхмәт белдерү максатыннан хат язу оештырылды.