ЯҢАЛЫКЛАР

Бу бәйрәм җәмәгатьчелек игътибарын волонтерлык — җәмгыять файдасына түләүсез ярдәм итү кебек мөһим эшкә җәлеп итүне максат итеп куя. Шармаш авыл китапханәсендә 4 декабрь көнне «Волонтер – горур яңгырый " дип исемләнгән аралашу сәгате үткәрелде. Китапханәче волонтерлык хәрәкәтенең кайда һәм кайчан барлыкка килүе, аның безнең илдә ничек барлыкка килүе турында сөйләде. Балалар Тимур хәрәкәте, волонтерларның бүгенге эшчәнлекләрендә файдалана торган эш юнәлешләре, кешеләргә риясыз ярдәм итүләре турында белделәр. Волонтерлык хәрәкәте турында фикер алышканнан соң, әлеге юнәлеш телгә алынган әсәрләрне искә төшерделәр.

Чарада укучылар әлеге истәлекле датаның барлыкка килү тарихы белән таныштылар, ни өчен нәкъ менә 3 декабрьнең Хәрби батырлык истәлеген саклау өчен сайлануын белделәр. Китапханәче «Билгесез солдат кабере» мемориалы турында сөйләде, сугыш еллары шигырьләре һәм прозалары, илебезнең төрле шәһәрләрендә урнашкан Билгесез солдат һәйкәлләренең иллюстрацияләре белән таныштырды.

Инвалидларның өйләренә барып кайту - чын күңелдән ихтирам, нык сәламәтлек,чыдамлык, зур сабырлык теләү ул. Акция алар якты киләчәккә өметләрен югалтмасын өчен билгеләнгән.

Билгесез солдат көне - Россиядә, 2014 елдан башлап ел саен 3 декабрьдә ил территориясендә яки аннан читтә сугыш хәрәкәтләрендә һәлак булган Россия һәм Совет сугышчылары истәлегенә билгеләп үтелә торган истәлекле дата. Бу көн уңаеннан Олы Нырсы авылы хезмәткәрләре Билгесез солдат һәйкәленә чәчәкләр салдылар.

Теләче җирлекара китапханәләре директоры Давлиева Р.М.  китапханәбезнең якын дусты – мөмкинлекләре чикле булган китап укучыбыз Якупов Айрат белән очрашып аңа үзенең ихлас теләкләрен җиткерде.

Шулай ук китапханәнең уку залында «Дөньяда мин һәр нәрсәгә гашыйк күзләр белән багам...» дип исемләнгән китап күргәзмәсе оештырылды. Күргәзмәдә аяныч язмышка дучар булган талантлы язучылар: Г.Сәгыйров, Ф.Яруллин, Г.Галимуллина китаплары белән беррәттән, төрле авыруларны җиңгән кешеләр турындагы журналлар да урын алды. Бу китаплар һәммәсе яшәешнең мәгънәсен югалтмыйча тормышка өмет белән карарга өндиләр.

Бу көн календарьда үзгә урын алып тора һәм физик-акыл мөмкинлекләре чикләнгәннәрнең проблемаларына игътибарны җәлеп итү максатында билгеләп үтелә. Тормышта һәрбер адым авырлык белән бирелсә дә, сынмыйлар-сыгылмыйлар, кечкенә генә җиңүнең дә тәмен белеп яшиләр. Көндәлек тормышларында, эшләрендә аларга һәрвакыт ярдәм кулы сузучыларга рәхмәтләрен белдерәләр. Янәшәбездәге болай да үзләрен кимсетеп тойган дусларыбызга игътибарлырак булыйк, хәлләрен аңларга, күңел авазларын ишетергә тырышыйк, авыр тормышларына — терәк, сырхауларына — шифа, кайгы-хәсрәтләрендә юаныч булып хәлләрен белеп йөрик. 4 декабрь көнне Олы Мәтәскә авылы    мәдәният хезмәткәрләре “Гомерләрнең һәрбер көне матур, матур итеп кеше яшәсә” дигән исем белән мөмкинлекләре чикләнгәннәрнең өйләренә баруны оештырдылар.  Аларның хәлләрен белеп алып килгән күчтәнәчләрен тапшырдылар.

Билгесез солдат көне - безнең халыкны берләштерүче, безгә үз тарихыбызны онытмаска, бабаларыбызның батырлыкларын истә алырга мөмкинлек бирүче тагын бер истәлекле дата.

3 декабрь илебез территориясендә яки аннан читтә сугыш хәрәкәтләрендә һәлак булган Россия һәм совет сугышчыларының хәрби батырлыгын мәңгеләштерү көне булып тора.

Шул уңайдан Баландыш авыл китапханәсендә “Билгесез солдат-билгесез герой” дигән батырлык дәресе уздырылды.

Инвалидлар — алар көчле ихтыярлы, батыр, дөньяны аерым күрүче, эчке яктан бай кешеләр. Аларның берсе хәрәкәт итүдә чикләнгән, икенчеләре дөньяның төсләрен күрү, аның күптөрле тавышларын ишетү мөмкинлегеннән мәхрүм. 

1нче декабрь көнне Баландыш авыл китапханәчесе авыл мәдәният йорты директоры белән берлектә, сәламәтлеге чикләнгән авылдашыбыз Рәмис Гарипов белән очрашып, хәлләрен белеп, аларның өйләрендә булып, күңелләренә җылылык өстәп күчтәнәчләр тапшырып кайтты.

Бу истәлекле көн илебез территориясендә яки аннан читтә сугыш хәрәкәтләрендә һәлак булган Россия һәм совет сугышчыларының хәрби батырлыгын мәңгеләштерү көне булып тора. Әлеге тарихи дата уңаеннан, 4 декабрь көнне Айдар авыл китапханәсендә «Дан сиңа, солдат-җиңүче!» дип исемләнгән күргәзмә тәкъдим ителде. Күргәзмәдә совет сугышчыларының дошман белән каты бәрелешләрдә күрсәткән каһарманлыклары, батырлыклары турында шигырьләр, мәкаләләр, хикәяләр урын алды.

Халыкара инвалидлар көненә багышланган чара кысаларында Кукчә авылы мәдәният хезмәткәрләре очрашу үткәрделәр. Очрашу тирә-юньдәгеләргә кайгырту, игътибар һәм ярдәм күрсәтү күренешенең мөһимлеген хәтерләтте. Мәдәният хезмәткәрләре чарада катнашучыларга җылы сүзләр һәм теләкләр бүләк иттеләр. Акциядә катнашып, алар сәламәтлеге чикләнгән балаларны социальләштерүгә ярдәм итә, аларның мәгълүмати, мәдәни һәм рухи ихтыяҗларын канәгатьләндерергә мөмкинлек бирә торган шартлар тудыралар.