ЯҢАЛЫКЛАР

2 апрель көнне  Сауш авыл китапханәсендә  «Син кадерле, син якын - минем сөйгән китабым» темасына  тематик  кичә үткәрелде. Китапханәче балаларга Халыкара балалар китабы көне ел саен бер үк көнне — 2 апрельдә билгеләп үтелүе, бу дата очраклы түгел - ул тарихта иң танылган әкиятчеләрнең берсе — Ганс Христиан Андерсенның туган көне белән туры килүе турында сөйләде. Балалар китапханәче биргән китапларны зур кызыксыну белән карадылар, төрле конкурсларда катнаштылар, табышмакларны чиштеләр, яраткан әкиятләре  турында сөйләделәр.

Тирә-ягыбыз мөһитен саклау, кошларга кулыбыздан килгәнчә ярдәм итәргә өйрәтү максатыннан   Сауш  авыл китапханәчесе  китап укучылар өчен “Кошлар – безнең  дуслар” –   темасына  китап күргәзмәсе оештырды. Китапханәгә килгән укучы балалар кошлар турында презентация карап, кошлар дөньясы белән бәйле викторина сорауларына җаваплар бирделәр, ребус-красвордлар чиштеләр.

Шуңа күрә, кар эри башлагач һәм беренче инешләр барлыкка килгәч,  «Карга боткасы» бәйрәме оештырылган. Безнең көннәрдә дә бу традиция дәвам итә. 2 апрель көнне Олы Нырсы авылында «Карга боткасы» бәйрәме узды. Биредә ритуаль сүзләр, чакырулар, җырлар, уеннар, биюләр башкарылды, казанда карга боткасы пеште. Бәйрәм төрле татар халык уеннары: «Түбәт, Йөзек салыш, Мәче, тычкан, Очты, очты» белән үрелеп барды.

Икенче апрель - Балалар китабы көне. Әлеге көннең нәкъ шул датада билгеләнүе дә очраклы түгел. Ул, балалар яратып укый торган эчтәлекле дә, кызыклы да булган бик күп балалар китабы авторы, әкиятче Г. Х. Андерсен исеме белән бәйле. Бу бәйрәмне 1967 нче елдан алып, Г. Х. Андерсен туган көнендә бөтен дөнья бәйрәм итә.

Шул уңайдан, Югары Кибәхуҗа авыл китапханәсендә балалар өчен “Балалар китабы –сихри бер дөнья” дип исемләнгән библиографик дәрес үткәрелде. Китапханәче әлеге дәрестә  язучы Х.К.Андерсенның тормыш юлы һәм иҗаты турында кыскача белешмә бирде, балалар өчен басылган яңа китаплар белән таныштырды. Катнашучылар китапханәче белән бергә яңа китаплардан шигырьләр, әкиятләр укыдылар.

Һәм шушы көннәрдә аларның берсе, Шингарев Рәхимҗан, кыска вакытлы ялга кайтты. Шул уңайдан 1 апрель көнне Урта Мишә авылы мәдәният хезмәткәрләре Рәхимҗанны чакырып “Бердәм көч белән без көчле” дигән исем астында батырлык сәгате үткәрделәр. “Безне мөһим булган бар нәрсә белән Россия Кораллы көчләре тәэмин итә, әлбәттә. Әмма туган җирдән килгән ризык та, кием-салым да, башка кирәк-ярак та безгә бик кадерле, бик якын”, – ди ул. Ә без аларга һәрберсенә исән-сау әйләнеп кайтуларын теләп, көтеп калабыз. Илебез күге аяз, тормышыбыз тыныч, имин булсын!

2023 елның 09 апрелендә Казан шәһәрендә 6-7, 8-9, 10-11 яшьлек балалар арасында кул сугышы буенча «Яшь кул көрәшчесе » республика фестивале узды. Әлеге ярышларда «Балаларны сәламәтләндерү – белем бирү (профильле)  үзәгенең»  өстәмә белем бирү педагогы Виктория Евгеньевна Белоусова командасы катнашты.

7 апрель көнне Халыклар дуслыгы һәм бердәмлеге елы уңаеннан йөзү ярышлары узды. Ярышларда барлыгы 60 яшь йөзүче катнашты.

9 апрель көнне Казанда "Созвездие-Йолдызлык 2023" эстрада сәнгате республика яшьләр фестиваленең " Финал туры булып узды. Анда Балалар иҗат үзәгенең "Сюрприз" бию коллективының “Фантазия” һәм “Василек” төркеме (җитәкчеләре Баева Зилә Рафаил кызы) катнашты. “Фантазия” төркеме Фестивальнең икенче турына узды.

Иске Җөри  авыл  модель китапханәсендә "Кошлар – безнең дуслар" дип исемләнгән Кошлар көненә багышланган экологик  уен-викторина узды. Әлеге чараның максаты булып укучыларны кошларның күптөрлелеге һәм аларның тормышы белән таныштыру, кошларның кеше тормышында һәм табигатьтә әһәмияте турында җиткерү, аларга карата мәхәббәт тәрбияләү иде. Кичә барышында китапханәчеләр укучыларга кошлар турында сөйләде, алар тормышыннан кызыклы фактларны әйтеп үтте. Балалар викторина сорауларына җавап бирделәр, кроссворд чиштеләр, табышмакларга җавап таптылар, кошлар турында шигырьләр укыдылар.