ЯҢАЛЫКЛАР
2021 нче елның 14 нче маенда Иске Җөри һәм Алан урта гомуми белем бирү мәктәпләрендә Бөек Ватан сугышында Җиңүнең 76 еллыгына, Туган телләр һәм Халык бердәмлеге елына һәм Теләче районы оешуга 30 ел тулуга багышланган «Ак ладья» шахмат буенча Теләче муниципаль районы беренчелегенең зона этаплары узды
Быел берләшмәләргә йөрүче төрле сыйныф укучылары катнашында футбол уены оештырдылар. Мәдәният йорты биләмәсендә узган бу чара укучылар өчен кызыклы узды. Алар бик бирелеп туп типтеләр. Мондый спорт ярышларын мәдәният хезмәткәрләре җәй буена берничә тапкыр уздыра.
Турнирда 54 яшь шахматчы катнашты, алар үз-үзләрен тоту, хәтер һәм игътибар, логика һәм фантазия, түземлек һәм зирәклек сыйфатларын күрсәттеләр. Нәкъ менә шундый сәләтләргә әлеге мавыктыргыч уенда осталыкка ирешергә теләгән кешеләр ия булырга тиеш! Шахматның мәктәп укучылары арасында популярлык казануын аңлавы күңелле, чөнки шахмат уены сәләтләрне үстерә, мөстәкыйль фикер йөртергә һәм объектив булырга өйрәтә.
Китапханәче якташларыбызның батырлыклары турында сөйләде, соңыннан “Сугыш турындагы китапны укы” дип исемләнгән күргәзмәгә күзәтү үткәрде. Акция барышында Бөек Ватан сугышы турындагы шигырьләр укылды. Укучылар сугыш һәм тыл ветераннарына багышлап ясалган альбомнар белән таныштылар. Ахырдан Бөек Ватан сугышында һәлак булган каһарманнарны бер минут тынлык белән искә алынды.
Республика күләмендә игълан ителгән «Сугыш хатынкыз өчен түгел» социаль-гуманитар проект кысаларында Алан авылы китапханәсендә мәдәният йорты белән берлектә "Онытылмас еллар "дип исемләнгән патриотик сәгать үткәрелде. Чарага тыл ветераннары, сугыш чоры балалары чакырылды.
Сугыш һәм Совет халкының батырлыгы турында әңгәмә үткәрелде. Катнашучылар Бөек Ватан сугышына багышланган әдәбият белән таныштылар
Чараның максаты - Бөек Ватан сугышы солдатларына һәм офицерларына карата патриотлык, горурлык һәм рәхмәт хисләре тәрбияләү иде.
Әлеге акциянең әйдәп баручысы һәм оештыручысы булып «Самара өлкә балалар китапханәсе» тора. Әлеге акциянең максаты - сугыш чоры балалар әдәбияты үрнәгендә кече һәм урта яшьтәге китап укучыларда патриотик хисләр тәрбияләү. М.Җәлилнең “Кызыл ромашкалар”, “Сандугач һәм чишмә”, “Бүреләр”,“Моабит дәфтәрләре”, З.Зәйнуллинның “Сугыш алды малайлары” һәм Фатих Кәрим әсәрләре укылды.
8 май көнне Шәтке авылы китапханәсендә авылдашыбыз, Бөек Ватан сугышында һәлак булган шагыйрь Габдулла Галиевның туганнары белән очрашу булып узды. Китапханәгә Габдулла Галиевның латинча бастырылган “Яшел бөреләр”китабының күчермәсен бүләк итттеләр. Очрашу бик күңелле үтте.
12 май - Казан шәһәренең № 175 мәктәбендә һаләк булганнар истәлегенә Татарстан Республикасында матәм көне дип игълан ителде. Теләче урта мәктәбе укучылары һәм укытучылары һаләк булганнарны бер минутлык тынлык белән искә алды. Бик авыр күңелгә, бик авырта күнел... Вакытсыз һәлак булганнарның авыр туфраклары җиңел булсын... Без бу траурга кушылабыз һәм һаләк булганнарның якыннарына сабырлык һәм түземлек телибез