ЯҢАЛЫКЛАР
Теләче үзәк китапханәсе хезмәткәрләре 12 октябрьдән 20 октябрьгә кадәр ВКонтакте һәм телеграмм битләрендә әтиләр көненә багышланган «Әти белән укыйбыз»дип исемләнгән виртуаль фотоакция үткәрделәр. Чара әтиләребезнең яхшы әтиләр булуын күрсәтте. Алар көчле рухлы һәм оста гына түгел, ә балалар белән күп шөгыльләнәләр, китаплар укыйлар. Димәк, алар бергә уйныйлар, рәсемнәр ясыйлар, бу бала өчен бик мөһим. Алар уллары өчен үрнәк һәм кызлары өчен игелекле әтиләр булуын күрсәттеләр. Берникадәр вакыттан соң балалар аларга: “Әти, мин синең белән горурланам!” диячәкләр. Фотоакциядә барлыгы 23 гаилә катнашып, фотолар җибәрде.
Россиядә, 2021 елдан башлап, мөһим гаилә бәйрәме – РФ Президенты Указы белән «Гаилә институтын ныгыту һәм балаларны тәрбияләүдә әти кешенең әһәмиятен арттыру максатларында " рәсми рәвештә билгеләнгән әтиләр көне билгеләп үтелә. Аны бәйрәм итү көне-октябрьнең өченче якшәмбесе. Шушы бәйрәм уңаеннан 20 октябрь көнне Шәдке авыл китапханәсендә мәдәният йорты белән берлектә балалар өчен «Яраткан әтием» дип исемләнгән әтиләр көненә багышланган оригиналь открыткалар ясау буенча мастер-класс үткәрелде. Балалар зур тырышлык күрсәттеләр. Һәркемнең ул кабатланмас килеп чыкты. Әтиләргә үз куллары белән ясаган бүләкләрне алу бик күңелле булыр!
2024 елның 15 октябрендә XIX гасырның рус язучысы, шагыйрь, прозаик Михаил Юрьевич Лермонтовның тууына 210 ел тула. М. Ю. Лермонтов рус әдәбиятына дөньякүләм танылу китергән шагыйрьләр рәтенә керә. Шагыйрьнең 210 еллыгы уңаеннан, Күкчә авыл китапханәсе аның иҗатын популярлаштыру уңаеннан «День Лермонтовской поэзии в библиотеке» акциясенә кушылды. Акция кысаларында шагыйрь иҗаты буенча әдәби сәгать үткәрелде. Китапханәче төрле яшьтәге кешеләрне Михаил Юрьевичның әдәби мирасына җәлеп итте. Бу көнне китапханәгә килгән укучылар бөек рус шагыйренең шигырьләрен тыңладылар, тәкъдим ителгән китаплардан сайлап алынган әсәрне укыдылар.
Менә инде 28 ел рәттән Казанда октябрь уртасында Казан ханлыгының 1552 елның октябрендә Явыз Иван гаскәрләре тарафыннан җимерелүе белән бәйле «Хәтер көне " исемле истәлекле чара уза. Бу берәүләр өчен җиңү, икенчеләр өчен ачы җиңелү һәм мәңгелек тарихи чигенеш була. Шәдке авыл китапханәсендә татар халкын искә алу көненә багышланган "15 октябрь – Хәтер көне" исемле китап күргәзмәсе оештырылды. Күргәзмә татар халкы тарихы белән кызыксынучы укучылар өчен оештырылды.
Гаилә елы һәм әтиләр көне кысаларында 18 октябрь көнне Иске Җөри урта мәктәбенең башлангыч сыйныф укучылары өчен әтиләр көне уңаеннан мастер-класс үткәрелде. Чара барышында китапханәчеләр укучыларга бу бәйрәмнең кайчан һәм кайда үткәрелүе, илебездә ничек билгеләп үтелә башлавы, аның әһәмияте һәм традицияләре турында сөйләделәр. Балалар үзләренең әтиләре турында сөйләделәр, «Әти һөнәре» дип исемләнгән викторина сорауларына җавап бирделәр. Соңыннан китапханәчеләр җитәкчелегендә балалар открытка ясадылар, анда үзләренең теләкләрен һәм мәхәббәт сүзләрен яздылар. Һәркемнең уникаль бүләк килеп чыкты, аларны якыннарына тапшыру өчен өйләренә алып кайттылар.
Казан шәһәре “Сәйдәш” мәдәният үзәгендә “Татарстанның мәдәни башкаласы” конкурс фестивале кысаларында “Ныклы гаилә - ил терәге” - дигән исем астында Теләче муниципаль районы мәдәният көне узды. Әлеге бәйрәмдә китапханәчеләр дә катнашты. Алар тематик күргәзмәләр, яшь гаилә клубының осталык дәресләре буенча мастер-класслар, дөрес туклану буенча пешерелгән ризыклар тәкъдим итте.
Туган як тарихы турында сөйләгәндә, китапханәче Шармашы авылының элек Воскресенское дип аталуы турында сөйләде. Укучылар анда яшәүчеләрнең борынгы заманда нәрсә белән шөгыльләнгәннәрен белделәр, авыл атамасының килеп чыгышы турындагы тарих белән таныштылар. Шулай ук без чиркәүдә булдык, анда китапханәче Пресвятая Богородица храмына кертү чиркәве төзелеше тарихы турында сөйләде һәм П.Г. Пятницкий каберендә булдык. Балаларга авыл урамнарының кем хөрмәтенә аталганын ишетү кызык булды. Балалар җирле язучыларның һәм шагыйрьләрнең китаплары, шигырьләр җыентыклары белән кызыксынып таныштылар, шулай ук «Шармашы авылы тарихы» альбомын карадылар.
Теләче 3 нче номерлы балалар бакчасы педагог-психологы Сәетова Д.Р. сәләтлелекне ачыклау буенча диагностика үткәрде.
Сәләтле бала-ул эшчәнлекнең теге яки бу төрендә ачык, кайчакта күренекле казанышлары белән аерылып торган (яки мондый казанышлар өчен эчке алшартлары булган) бала.
Ул - Әтиләр көне. Ил терәге – ир-егетләр булса, гаилә терәге – әтиләр. Гаиләдә әти төп таяныч һәм иң якын кеше булып тора. Әлеге бәйрәм уңаеннан 17 октябрь көнне Урта Мишә авылы мәдәният хезмәткәрләре “Әтиләр илнең терәге, гаиләнең йөрәге” дип исемләнгән чара үткәрделәр. Очрашуга без Махсус Хәрби Операциягә киткән егетләребезнең әтиләрен һәм абыйларын чакырдык. Бүгенге авыр көннәрдә, туган җирләреннән, гаиләләреннән, әти-әниләреннән аерылып, куркыныч янаган җирләрдәге егетләребезгә без изге теләкләребез һәм эш-гамәлләребез белән генә ярдәм итә алабыз. Тизрәк махсус хәрби операция тәмамланып, егетләребезнең исән-сау туган өйләренә кайтуларын теләп калабыз. Очрашу чәй табыны артында дәвам итте.
Быел яңа укучылар "Библиотека – царство книг" дигән китаплар дөньясына мавыктыргыч сәяхәт ясадылар. Алар китапханәдән файдалану кагыйдәләре белән таныштылар, «формуляр», «абонемент», «уку залы» ның нәрсә икәнен белделәр. Китапханәче китапларның кайда һәм нинди тәртиптә торырга тиешлеге, теге яки бу китапны ничек табарга һәм алар белән ничек мөгамәлә итәргә кирәклеге турында сөйләде. Чара азагында балалар викторинаның кызыклы сорауларына һәм әкиятләр буенча табышмакларга җаваплар бирделәр.