ЯҢАЛЫКЛАР
Сентябрьнең өченче якшәмбесендә үзләренең игелекле хезмәтләре белән планетаның урман байлыкларын саклаучы, арттыручы һәм алардан рациональ файдалануга ярдәм итүче кешеләрнең һөнәри бәйрәме билгеләп үтелә. Халыкта бу бәйрәм «Урманчылар көне» дип атала.
Теләче балалар китапханәсендә 3 нче номерлы “Шатлык” балалар бакчасының мәктәпкә әзерлек төркеме өчен «Синең дустың - китап» дигән мәгълүмат сәгате үткәрелде. Аның барышында балалар китапның кеше тормышындагы әһәмияте, алар белән дөрес эш итү, китап продукциясенең төрлелеге турында белделәр.
Урта Мишә авыл китапханәсендә клуб белән берлектә "Коррупция - аның белән көрәш юллары" дип исемләнгән мәгълүмати күргәзмә куелып әңгәмә уздырылды. Коррупция - хәзерге заман җәмгыятенең кичекмәстән хәл итүне таләп итә торган иң җитди мәсьәләләренең берсе. Мәгълүмати күргәзмәдә коррупцияне кисәтү, аңа каршы көрәшне яктыркан материаллар урын алды. Әңгәмә барышында бу төр хокук бозуның тарихы, бөтен илләргә һәм төбәкләргә кагыла торган катлаулы күренеш икәне турында сөйләштенде. Ришвәтчелеккә каршы көрәш - һәркемнең намус эше. Һәрберебезгә аны безнең җәмгыятебезне җимерү коралы икәнен аңларга гына кирәк.
Куркынычсызлык атналыгы кысаларында бүген урта төркем тәрбияләнүчеләре (тәрбиячесе Хафизова А. Р.) Россия Эчке эшләр министрлыгының Теләче районы буенча ЮХИДИ дәүләт инспекторы, өлкән лейтенант Кыямов Л. һәм ДБУнең Казан шәһәре территориаль идарәсенең профилактика бүлеге Саба районы бүлеге җитәкчесе Ягъфәрова Г.Н. белән берлектә юл хәрәкәте кагыйдәләре буенча профилактик акция уздырдылар.
Теләче 3нче номерлы балалар бакчасының мәктәпкә әзерлек төркеме балалары (тәрбияче Хуҗина Р.Г.) мәктәп тормышының кызыклы һәм гаҗәеп дөньясына чумдылар, алар "Теләче урта гомуми белем бирү мәктәбе"ндә экскурсиядә булдылар.
Сентябрь аеның беренче ункөнлегенең бу чарасы ел саен үткәрелә торган традицион характер алды. Бу тантананы кем һәм кайчан уйлап тапкандыр, билгеле түгел. Әмма күпләр мондый китап уку бәйрәмен кирәк дип саный. Заманча дөньяда барлык тарихларны видео буенча карарга яки аудиода форматта тыңларга мөмкин булуга карамастан, тере китапны уку бернәрсәне дә алыштыра алмый. Чөнки уку хәтерне һәм концентрацияне яхшырта, шулай ук стрессны киметергә ярдәм итә. Бу бәйрәм кешеләргә һәр яшьтән укуның мөһимлеге турында искә төшерә. Укучылар бу чарада язучыларның әсәрләрен кычкырып укыдылар һәм кызыклы әңгәмә алып бардылар.
Теләче 3нче номерлы балалар бакчасында тәрбияләнүчеләре «Туган авыл» кунакханә комплексының музей һәм мини зоопаркына экскурсиягә бардылар, аның җитәкчесе-Шәфиков Рифкат Зыятдин улы .Улы үзе балаларга зоопарк буйлап экскурсия үткәрде. Теге яки бу вольерда кемнәр яшәве, нәрсә белән тукланулары, төп гадәтләре турында сөйләде. Аннары балалар музейда булдылар. Вакыт сизелми дә үтеп китте. Үсеп килүче буынга патриотик хисләр һәм туган якка мәхәббәт тәрбияләгәне өчен Рифкать Зыятдин улына рәхмәтебезне белдерәбез. Экскурсияне " ТНВ” каналы төшерде, әлеге тапшурыны 13.09.2024 елда 18:00 сәгатьтә “ТНВ” һәм “ТНВ” планета каналларында карарга мөмкин.
Сауш авыл китапханәчесе мәдәният йорты мөдире белән берлектә балалар өчен "Халкыбызның хәрәкәтчән уеннары –балалар сәламәтлегенә юл" дигән күңел ачу - уен сәгате үткәрделәр. Күп гасырлар дәвамында балалар өчен халык уеннары бәйрәмнәрнең бер өлеше һәм үсеп килүче буынны тәрбияләү элементы булган. Ә тагын халык хәрәкәтчән уеннары - ул балаларны сәламәт яшәү рәвешенә тарту ысулы. Милли уеннар балаларда тизлек, җитезлек, көч үстереп кенә калмыйча, үз-үзләрен тотуның билгеле бер нормаларын һәм кагыйдәләрен үтәргә дә өйрәтә. Чара барышында балалар борынгы халык уеннары турында күп нәрсә белделәр, уеннарда актив катнаштылар.
2024 елның 19 сентябренда Теләче 3 нче номерлы балалар бакчасы базасында тәрбияләнүчеләр өчен Гаилә елына багышланган ,Куркынычсызлык атналыгы кысаларында «Әти, әни, мин – автомобиль гаиләсе» район бәгесе уздырылды.
Ул акыл, әхлакый һәм эстетик тәрбия бирүнең нәтиҗәле чарасы булып тора, сөйләм үсешенә һәм баетылуына гаять зур йогынты ясый. 17 сентябрь көнне Әбде авыл китапханәсе мәдәният йорты директоры белән берлектә «В мире много сказок» исемле әдәби викторина үткәрделәр. Төп максат булып балалар китабына кызыксыну тәрбияләү иде. Балалар әкиятләрнең исемнәрен, геройларын искә төшерделәр, викторинаның гади булмаган сорауларына әкият сүзләре белән җавап бирделәр.