ЯҢАЛЫКЛАР

26 мартта Балалар иҗаты үзәгендә, «Иҗади табышлар калейдоскобы» методик атнасы кысаларында, Гаилә елына багышланган, өстәмә белем бирү педагогларының, фотоколлажлары күргәзмәсе оештырылды.

Тарихи, мәдәни, милли һәм башка традицияләрне саклау, авылыбызның имиджын ныгыту, халыкта кече ватанга, халык традицияләренә мәхәббәт хисе тәрбияләү, ата-бабаларның тарихи үткәнен, хезмәт һәм сугышчан данын белү максатыннан мәктәп яшендәге балалар өчен Үзәк авылы китапханәсендә туган якны өйрәнү викторинасы узды. Балалар безнең авыл урамнарының ничек һәм кем хөрмәтенә аталуын белделәр. Шулай ук алар авылның танылган шәхесләре, хезмәт ветераннары, хәрбиләр һәм дәүләт эшлеклеләре турында сөйләүче тематик китап күргәзмәсе белән дә таныштылар.

Китапханә буйлап экскурсия үткәндә китапханәче аларны  китаплар, аларның урнашу тәртибе, каталог, вакытлы матбугат исемлеге белән таныштырды. Балалар районыбыздан чыккан  танылган язучылар, галимнәр, җырчылар, артистлар һәм башка күренекле шәхесләр турында белделәр. Очрашуның икенче өлешендә китап кыстыргычы ясау буенча мастер-класс үткәрелде.  

В рамках празднования этой знаменательной даты в Старозюринской сельской модельной библиотеке была подготовлена книжная выставка.

Материалы, представленные на выставке, рассказали о событиях, которые предшествовали воссоединению Крыма с Россией. На выставке можно было познакомиться с изданиями о достопримечательностях Крыма.

Урман-табигатьнең иң бөек иҗаты, җирнең матурлыгы һәм горурлыгы. Халыкара урманнар көне яки Бөтендөнья урманнарны саклау көне 1971 елның 21 мартыннан башлап билгеләп үтелә. 23 март көнне Айдар авылы китапханәсендә «Урманнар белән данлы безнең җиребез»,

дип исемләнгән табигать һәм урманнар турында китаплар, газета-журнал материаллары урын алган күргәзмә әзерләнде. Китапханәче китапханәгә килүчеләргә урманнарны саклауның мөһимлеге һәм аларга сакчыл караш турында сөйләде. Чөнки урманнарны саклау җир экологиясенең төп кагыйдәләренең берсе һәм планетадагы тормышны саклауның нигезе булып тора.

Чарада Алан урта мәктәбенең 8 сыйныф укучылары катнашты. Әдәби кичәдә яраткан язучыларыбыз Ф. Яруллин, Р. Миңнуллин, М. Җәлил һәм башка язучыларның шигырьләре яңгырады, авылдашыбыз шагыйрә Р.Ш.Шәйдуллина иҗаты белән дә якыннан таныштык. Китапханәче катнашучыларны китап күргәзмәсе белән таныштырып, иҗади конкурслар тәкъдим итте. Килгән кунаклар бик җанлы әңгәмә алып бардылар, үзләрен кызыксындырган сорауларын бирделәр. Чара ахырында китапханәче катнашучыларга иҗади уңышлар теләп, рәхмәт сүзләре җиткерде.

 23 март көнне Урта Мишә авыл китапханәсендә Пушкин картасы кысаларында «Әдәби батл» викторинасы үткәрелде. Әдәби батлда иң актив һәм талантлы яшь укучылар катнашты. Чара барышында яшүсмерләр арасында иң популяр булган китаплар турында мәгълүмат алдылар, шулай ук яраткан әсәрләре турында да сөйләделәр. 4 турдан торган («Кем күп укый, шул күп белә», «Шигъри минут», «Мәкальне дәвам ит», «Сүзләр җый») викторинада актив катнаштылар.

Безнең Баландыш төп гомумбелем биру мәктәбенең 9 нчы сыйныф укучылары Гарипова Динә, Гайнетдинова Назлыгөл «Академик Т.К.Сираҗетдинов укулары » фәнни-гамәли конференциясендә “Физика безнең белән- физика безнең әйләнә-тирәбездә” номинациясендә җиңүче булдылар. Җиңучеләрне котлыйбыз! Җитәкчеләре: Шакирова Ә.З.

21 март  көнне "Пушкин картасы" проектын тормышка ашыру кысаларында Иске Җөри урта гомуми белем бирү мәктәбе укучылары белән Иске Җөри авылы модель китапханәсендә “Люби и знай родной свой край”  дип исемләнгән уен-сәяхәт үткәрелде.

Борын-борында кешеләр нилектән яз булганын белмәгәннәр.  Алар ямьле язны җылы яктан кара каргалар алып килә икән дип уйлаганнар. Шуның өчен көннәр җылынып гөрләвекләр ага башлагач каргалар килү хөрмәтенә бәйрәм ясый торган булганнар. Аны “Карга боткасы” дип атаганнар. Югары Кибәхуҗа  авылында “Карга боткасы” бәйрәмен үткәрү матур традициягә әйләнеп бара. Менә быел да, 21 март көнне, Югары Кибәхуҗа авылы мәдәният хезмәткәрләре кошларның җылы яктан кайтуын билгеләп үттеләр. Укучылар белән “Түгәрәк”, “Кабыргалы-камчылы” уеннары уйналды. Балалар кошларга багышланган шигырьләр сөйләделәр, мәкальләр, табышмаклар һәм сынамышлар әйтештеләр. Казанда ботка пеште. Бәйрәмгә килүчеләр барысы да (олысы да, кечесе дә) ботка белән сыйландылар.