ЯҢАЛЫКЛАР
6 март көнне балалар белән яшь әниләр өчен китаплар патшалыгына экскурсия оештырылды. Уку бала тормышында мөһим урын алып торырга тиеш. Баланы китапка тарту – эстетик-сәнгать тәрбияләүнең төп бурычларының берсе. Экскурсия барышында балалар яңа китаплар белән танышса, әни кеше баласына китап битен ачып, аңа яңа дөньяга юл күрсәтте. Китап кешене уйланырга, аннан тәм табарга һәм мөмкин кадәр күбрәк белергә өйрәтә.
Алан авыл китапханәсендә Татарстанның халык язучысы, Габдулла Тукай исемендәге премия лауреаты Әмирхан Еникинең тууына 115 ел тулу уңаеннан «Кем җырлады?» дип исемләнгән әдәби сәгать үткәрелде.
Теләче җирлекара китапханәсендә “Яшь гаилә” клубы әгъзаларына йөрүче әниләр һәм балалар шкатулка ясау буенча осталык дәресе үтте. Балалар әниләре белән берлектә кадерле кешеләренә бизәнү әйберләре салу өчен бик матур тартмачыклар ясадылар.
Бөтенроссия җирле үзидарәне үстерү ассоциациясе инициативасы белән «Служение» марафоны кысаларында старт алган «Сильнее стали» масштаблы акциясенә кушылып, Олы Мишә авылы китапханәсендә 8 март –Халыкара хатын-кызлар көне уңаеннан, мәктәп белән берлектә махсус хәрби операциядә катнашучыларның әниләре һәм тормыш иптәшләре белән очрашу булып узды. Бу очрашуда авыл җирлеге башлыгы Фиргать Җамалетдинов катнашып хатын-кызларны бәйрәм белән котлады һәм үзенең иң изге теләкләрен җиткерде.
Теләче җирлекара китапханәсендә якынлашып килүче 8 март- Халыкара хатын-кызлар көне уңаеннан “Әниләр булганда мәңгелек язларның яме бар” дип исемләнгән очрашу уздырылды. Чарада махсус хәрби операциядә катнашкан егетләребезнең әниләре – хезмәттәшләребез үзләренең уй-кичерешләре белән уртаклаштылар.
Район чаңгы базасында 1-6 сыйныф укучылары арасында, гаскәрләрне Әфганстан җиреннән чыгаруга 35 ел тулуга багышланган, чаңгы ярышлары һәм биатлон буенча Теләче муниципаль районы беренчелеге узды. Әлеге ярышларда мәктәбебезнен 7нче сыйныф укучысы Җаббарова Фәридә 3 нче урынны һәм Хәйретдинов Ибраһим 1 нче урынны яуладылар. Котлыйбыз аларны!
Теләче үзәк китапханәсендә Татарстанның халык язучысы Әмирхан Еникиның тууына 115 ел тулу уңаеннан, “Рухи матурлык җырчысы” дип исемләнгән күргәзмә эшли.
Күп гаиләләр бүгенгесе көндә якыннары өчен ут йотып торалар,чөнки аларның иң кадерле кешеләре Ватан чакыруы буенча хезмәттә. Алар безнең тынычлыгыбыз өчен батырларча көрәшәләр. Бу гаиләләргә азга гына булса да кайгыларын онытып, бер-берсе белән якыннан күрешеп, аралашыр өчен мөмкинлек булсын дигән максаттан, 2 март көнне Алан авылы мәдәният йортында китапханә белән берлектә, солдат әниләре белән очрашу үткәрелде. Мондый чаралар бүгенге көндә бик кирәк һәм бик мөһим.
2024 елның 11 мартыннан алып 2024 елның 22 мартына кадәр кулланучылар сорауларына ТР буенча Роспотребнадзор идарәсенең Саба, Мамадыш, Кукмара, Теләче районнары территориаль бүлеге белгечләре 884(362) 2-39-40 телефоны буенча җавап бирәчәк
Изге Рамазан ае мөбарәк булсын! Бу ай – бәхет, шатлык, уңыш һәм күп савапларга ирешә торган ай. Тоткан уразалар, укыган догалар кабул булсын! Ураза тотучыларга күркәм сабырлык телибез!