ЯҢАЛЫКЛАР
Безнең районыбыз зона ярышының икенче көне, ягъни 9 мартта Арча, Саба, Әтнә районнары белән “хореография”, “вокал-соло”, “вокаль ансамбль”, “конферанс” номинацияләрендә чыгыш ясадылар.
6 март көнне “Батыр” спорт комплексында шәхси эшмәкәр, иганәче Кузьмина Гөлназ Рәшит кызы призына 2006 елда туган һәм аннан кечерәк яшьтәге яшүсмер кызлар арасында волейбол буенча ачык турнир булып үтте.
Чаңгы базасында 1-6 сыйныф укучылары һәм биатлон арасында гаскәрләрне Әфганстан Республикасыннан чыгаруга 35 ел тулуга багышланган чаңгы ярышлары буенча Теләче муниципаль районы беренчелеге узды. Ярышларда районның 11 мәктәбеннән 98 укучы катнашты.
Шәтке авыл китапханәсендә 1 март көнне якташыбыз Нурислам Хәсәновның туган көне уңаеннан «Шушы яктан, шушы туфрактан без» дип аталган китап күргәзмә ясалды. Күргәзмәдә язучының 4 томлык Сайланма әсәрләре һәм башка китаплары урын алган иде. Язучының әсәрләрендә геройларның эчке кичерешләре, мәхәббәт һәм нәфрәт, кешеләрнең табигатькә булган мөнәсәбәте, тормыш яшәешебез яктыртыла. Нурислам Хәсәновның «Бәхилләрме йөрәк?», «Күрәчәк», «Җан авазы», «Хакыйкать хакы» китапларын укучыларга өйгә укырга тәкъдим ителде.
1 мартта наркоманиягә һәм наркотикларның законсыз әйләнешенә каршы Халыкара көрәш көне билгеләп үтелә. Бу көннәрдә бу проблемага багышланган чаралар бөтен җирдә үткәрелә. Шәтке авылы мәдәният хезмәткәрләре бу темага «Актив яшә, матур уйла» дигән дигән файдалы киңәшләр сәгате уздырдылар. Һәрберебезнең үзенчәлекле булуы һәм кешенең ниндидер зарарлы гадәтләре аркасында сәламәтлеген бозуы яки ниндидер куркыныч хәлләргә эләгүе турында сөйләделәр. Алар балаларга файдалы киңәшләр биреп: үз-үзеңне хөрмәт итәргә, башкаларның йогынтысына бирешмәскә һәм кирәкле эшләр белән шөгыльләнергә өйрәттеләр.
Бу бәйрәм күп кенә язучыларны берләштерә. Ул шулай ук кешеләрнең игътибарын әдәби иҗатка җәлеп итүгә юнәлдерелгән. Бу көнгә китап укырга яратучылар өчен Абде авыл китапханәсендә «Очарование забытых книг» дигән китап күргәзмәсе оештырылды. Биредә кызыклы китап сайлап, бер көн үткәрергә тәкъдим ителде. Укучылар фантастика һәм маҗаралар, детективлар дөньясына, мәхәббәт романнары, тарихи романнар дөньясына чума алды.
Әти-әни аның тоткасы булса, балалар гаиләнең көзгесе.Әгәр тотка купмасын, көзге ватылмасын дисәң, бер-береңне аңлап, хөрмәт итеп яшәргә кирәк.
Теләченең 3нче номерлы балалар бакчасында икенче кечкенәләр, уртанчылар төркемнәрендә бәйрәм иртәләре узды. Бәйрәмнәр тантаналы, шатлыклы атмосферада, матур музыкаль тамаша рәвешендә утте. Балалар үзләренең иҗади чыгышлары: актерлык осталыгы, музыкаль - ритмик композицияләр башкаруы белән сөендерделәр.
Балаларның биюләре, хәрәкәтле җырлар һәм күңелле уеннар истә калырлык мизгелләр булып тора.Бәйрәм җылы, күңелле атмосферасында узды. Балалар бик күп тәэсирләр һәм уңай эмоцияләр алдылар. Уртанчы төркем балалары "Теремкәй" әкияте буенча театральләштерелгән тамаша күрсәттеләр.
Шуннан бирле бу дата бөтен дөньядагы әлеге һөнәр вәкилләре өчен истәлекле булды һәм бәйрәмне халыкара итте. Дөнья белән ак кәгазь бите һәм каләм аша сөйләшүче, укучылар алдында күңелләрен ачып салып, хисләрен тыймый аралашучы ихлас кешеләр-язучылар бит.
Татар язучысы, прозаик, публицист, Татарстан Республикасының халык язучысы Әмирхан Еникинең 115 еллыгына Субаш авыл китапханәсендә "Уткен каләм иясе" дип исемләнгән китап күргәзмәсе оештырылды. Укучыларга аның тирән лирикалы, зур эмоциональ көче булган әсәрләре тәкъдим ителде. Шулай ук аның юмористик хикәяләре дә халыкка билгеле. Аның әсәрләренең үзенчәлекле ягы - геройларның эчке дөньясын, хисләрен һәм кичерешләрен ачу. Ә. Еники әсәрләрен укыганда, һәрвакыт яңа нәрсә ачасың һәм сихер дөньясына чумасың.