ЯҢАЛЫКЛАР
2 март көнне Югары Кибәхуҗа авылы китапханәсендә татар язучысы, җурналист, тәрҗемәче Әмирхан Еникинең тууына 115 ел тулу уңаеннан “Мәңгелек мизгел” дигән китап күргәзмәсе төзелде. Китап укучылар язучының иҗаты һәм тормыш юлы белән таныштылар. Соңыннан язучының әсәрләреннән өзекләр укып, сорауларга җавап бирелде.
2 март көнне татар язучысы Әмирхан Еникиның тууына 115 ел тулу уңаеннан Иске Җөри авылы модель китапханәсендә “Рухи матурлык җырчысы” дип исемләнгән әдәби сәгать узды. Китапханәчеләр укучыларны китап күргәзмәсе һәм Әмирхан Еникинең биографиясе белән таныштырдылар. "Кем җырлады", "Туган туфрак", "Матурлык" әсәрләреннән өзекләр укылды.
1 март - Халыкара наркоманиягә һәм наркотикларның законсыз әйләнешенә каршы көрәш көне. Наркомания - бүгенге көндә иң актуаль һәм киң таралган проблемаларның берсе булып тора. Шушы проблеманы кисәтү уңаеннан, Алан авылы китапханәсендә «Наркотиксыз тормыш!” дип исемләнгән күргәзмә әзерләнде.
1 мартта наркоманиягә һәм наркотикларның законсыз әйләнешенә каршы Халыкара көрәш көне билгеләп үтелә. Шул уңайдан, Айдар авыл китапханәсендә "Бәйле булма! Наркотикларга юк дип әйт!» дип исемләнгән күргәзмә төзелеп куелды.
1 март көнне Югары Кибәхуҗа авыл китапханәсендә “Бөтендөнья наркобизнес һәм наркоманиягә каршы көрәш көне уңаеннан “Чирдән яман дошман юк” дип исемләнгән китап күргәзмәсе оештырды. Күргәзмәнең төп максаты: укучыларыбызга наркотикларның нинди зарарлы булуын аңлату, бу көннең килеп чыгу тарихы буенча мәгълүмат бирү. Күргәзмәгә төрле китаплар, буклетлар куелды. Китап укучылар тематик әңгәмәдә катнашып, анкета сорауларына җаваплар бирделәр.
Балаларда коррупциягә каршы дөньяга карашны формалаштыру, хокукый аңны үстерү максатыннан Субаш авыл китапханәсендә «Коррупциясез уңышлы була аламы» дигән мәгълүмати почмак ясалды. Китапханәче китап укучыларны әлеге күргәзмә белән таныштырып, коррупциянең нәрсә икәнлеге һәм аның төрләре турында сөйләде.
Иске Җөри авылы модель китапханәсендә «Книги из детства мамы и папы» дип аталган әдәби баттл уздырылды. Яшь укучылар өчен кызыклы һәм мавыктыргыч китаплар белән китап күргәзмәсе оештырылды. Китап күргәзмәсендә ата-аналары балачакта рәхәтләнеп укыган китаплар тәкъдим ителде. Балалар һәм әниләр күргәзмәдә булган китапларның иң яхшы әсәрләрен искә алдылар. Чара ахырында балаларга яраткан әкият героен ясарга һәм аның сыйфатларын әйтергә тәкъдим ителде.
Шуңа бәйле рәвештә Максабаш авылы мәдәният хезмәткәрләре «Заман афәтеннан ерак булыйк!" дигән әңгәмә үткәрделәр. Чара барышында укучылар белән сәламәт яшәү рәвеше һәм организмга зарарлы наркотикларның тәэсире турында фикер алышынды. Аларга наркотикларны законсыз сатып алу, саклау, җитештерү һәм эшкәртү өчен җинаять җаваплылыгы турында сөйләделәр. Очрашу ахырында балаларга «Без наркотикларга каршы» дигән буклетлар тапшырылды.
Сауш авыл китапханәсендә «Фольклор – әдәбиятка сукмак ул» темасы белән уен-сәяхәт оештырылды. Халык зирәклеге кеше шәхесенең һәрьяклап гармонияле үсеше өчен реаль алшартлар тудыра, шуңа күрә бүген безгә ата-бабаларыбызның мәдәниятен өйрәнү мөһим.
Туган яны өйрәнү тематикасына кызыксыну һәрвакыт булачак, чөнки “кеше икмәк белән генә яшәми”. Ул шулай ук вакыйгалар һәм традицияләр, мирас һәм ата-бабалар истәлеге белән өзелмәс бәйләнештә яши. Туган якка мәхәббәт, аның тарихын белү – бөтен җәмгыятьнең рухи мәдәнияте нигезе.