ЯҢАЛЫКЛАР
Туган як! Туган җир! “Туган җир” төшенчәсе җир йөзенә тәүге аваз салган нигездән, әби-бабай, әти-әни тире тамган туфрактан башлана. Һәрбер кеше өчен нинди газиз, тирән мәгънәле сүзләр! Алар һәркем йөрәгендә яши һәм вакытлар үтү белән тагын да байый бара. Балаларга туган якка мәхәббәт тәрбияләү максатыннан 5 сентябрь көнне Олы Мәтәскә авылы мәдәният хезмәткәрләре “Туган ягым дәфтәр битләрендә”-дип исемләнгән рәсем конкурсы үткәрделәр.
Иске Җөри авылы модель китапханәсе китапханәчеләре Иске Җөри урта гомуми белем бирү мәктәбенең башлангыч сыйныф укучылары белән бергә терроризмга каршы көрәштә теләктәшлек көненә багышланган «Тормыш тамчысы» Бөтенроссия акциясенә кушылдылар. Тантананың символы булып сулы савыт тора, аннан акциядә катнашучылар кулларына су җыялар һәм терактларда һәлак булганнарның барысына да якты истәлек телиләр, чәчәкләргә су сибәләр.
Россиядә бердәмлек һәм терроризмга каршы көрәш көне уңаеннан 5 сентябрь көнне Урта Мишә авыл китапханәсендә, клуб белән берлектә "Беслан безнең хәтерләрдә" дип исемләнгән хәтер сәгате үткәрелде. 2004 елда Бесландагы хәл әле һаман да тетрәндерә. 1сентябрь көнне боевиклар бер шәһәр мәктәбендә 1200 кешене тоткынлыкка алалар, шуның 330ы һәлак була, шул исәптән 180 баланың гомере вакытсыз өзелә. Укучыларга "Нәрсә ул экстремизм һәм терроризм" дигән темага презентация, "Без тынычлык яклы" дигән темага күргәзмә тәкъдим ителде. Укучылар үзләрен кызыксындырган сорауларга җаваплар алдылар.
Бу ел да искәрмә түгел. Чара балалар бакчасына йөрүче тәрбияләнүчеләрне спортка җәлеп итү һәм сәламәт яшәү рәвешен пропагандалау максатыннан үткәрелә. “Көзге кросс - 2023 " йөгерешендә уртанчы,зурлар һәм мәктәпкә әзерлек төркемнәре катнашты. Чараны физик культура буенча тәрбияче Шакирова Г.И., музыка җитәкчесе Минһаҗева Г.Р., рус теле буенча тәрбияче Саетова Д.Р. оештырды һәм үткәрделәр. Оештыручылар башта балалар белән разминка үткәрделәр, аннары төркемнәр буенча тәрбияләнүчеләр ярышта катнаштылар. Катнашучыларга дипломнар һәм витаминнар бирделәр. Барысы да шатлык һәм яхшы кәеф алдылар.
Баландыш авылы мәдәният хезмәткәрләре "Кояшкай" балалар бакчасы белән берлектә "Капля жизни", "Тормыш Тамчысы" Бөтенроссия акциясенә кушылды. Әлеге акция 2004 елның беренче сентябрь көннәрендә Бесланда булган фаҗигале вакыйгаларга багышлана.
Икенче бөтендөнья сугышының бетүе - бөтен дөнья өчен дә зур вакыйга. Әбде авыл китапханәсендә "О героях былых времён" исемле китап күргәзмәсенә күзәтү үткәрелде. Китапханәче балаларга рәхимсез сугыш һәм бабаларының батырлыклары турында сөйләнде.
Казаклар авыл китапханәсе әлеге хәтер көненә багышланган «Капля жизни» Бөтенроссия акциясендә катнашты. Өч көн бер тамчы су да эчмәгән, Бесланда һәлак булучыларның якты истәлегенә багышлап балалар учларына су җыеп, чәчәкләргә су сиптеләр. Акция барышында террорчылык акты вакытында һәлак булганнар бер минут тынлык белән искә алынды.
Алан авыл китапханәсендә «Беслан фаҗигасе безнең йөрәкләрдә» дип исемләнгән истәлек сәгате узды. Китапханәче балаларны «терроризм» төшенчәсе, куркыныч янаганда үз-үзләрен тоту кагыйдәләре белән таныштырды, 3 сентябрьдә илдә булган барлык террорчылык актлары корбаннарын искә алу һәм терактларны булдырмау, тоткыннарны коткаруда һәлак булган көч структуралары хезмәткәрләренә хөрмәт күрсәтүебез, Бесландагы вакыйгалар турында сөйләде. Чара барышында балалар белән бергә терроризмга каршы көрәшкә юнәлдерелгән чаралар буенча фикер алышу узды. Чара өчен тематик күргәзмә оештырылды.
Инде ничә ел рәттән узган «Тормыш тамчысы» акциясе терроризмга каршы көрәштә бердәмлек көне кысаларында үткәрелә һәм 2004 елда Беслан мәктәбендә куркыныч фаҗига корбаннары истәлегенә багышлана. Нәкъ менә 3 сентябрьдә мәктәп бинасын штурмладылар, анда өч көн дәвамында террорчылар тоткыннарны тоткарладылар. Китапханәче һәм мәдәният йорты мөдире балаларга хәзерге дөньяда терроризм куркынычы турында сөйләделәр, теракт корбаннарын бер минут тынлык белән искә алдылар.
Явызлык һәм көч куллану, күп корбаннар - бу коточкыч җинаять нәтиҗәсе. Терроризмга каршы көрәштә бердәмлек көне уңаеннан, Шармыш авыл китапханәсендә "Эхо Бесланской печали" дип исемләнгән мәгълүмат сәгате үткәрелде. Чарада китапханәче "терроризм", "экстремизм" төшенчәләре һәм төрләре белән таныштырды. Дуслык, тынычлык турындагы мәкальләрне искә төшереп, "Мы за мир во всем мире!" исемле презентация күрсәтелде.