ЯҢАЛЫКЛАР

2023 елның 22 августында район мәдәният йортында «Төп юнәлешләр һәм сыйфат күрсәткечләре контекстында Теләче муниципаль районында мәгариф торышы» темасына традицион август педагогика конференциясе булып узды. Әлеге чара кысаларында Олы Мишә урта мәктәбе коллективы Укытучы һәм остаз елын, шулай ук мәктәбебезнең 40 еллык юбилеен яктырткан күргәзмә оештырды.

Шул уңайдан  Югары Кибәхуҗа   авыл китапханәчесе балалар мәйданчыгында китап укучылар өчен “ Россия флагы – безнең горурлыгыбыз”    дип исемләнгән танып - белү сәгате үткәрде. Китапханәче бәйрәм тарихы, дәүләт символлары турында сөйләде. Китап укучылар Дәүләт тарихы турындагы сорауларга җавап бирделәр, Россия символлары турында табышмаклар чиштеләр.

Бу сүзләрнең асыл мәгънәсе еллар белән ачыла гына бара. Чыннан да, яхшылык кылу, кешеләргә яхшылык теләү – олы күңел байлыгын таләп итә торган әйбер икән ул! Шуларны аңлату максатыннан 20 август көнне Олы Мәтәскә авылы мәдәният хезмәткәрләре берләшмәгә йөрүче укучылар белән “Яхшылык җирдә ятмый” - дип исемләнгән әңгәмә үткәрделәр.

Теләче үзәк китапханәсендә яшь укучылар өчен «Россия символларында – ил тарихы» дигән мәгълүмат сәгате узды. Чараның максаты – балаларда илнең дәүләт символларына ихтирамлы мөнәсәбәт формалаштыру, Ватанга мәхәббәт, патриотик хисләр тәрбияләү. Китапханәче флагның борынгы заманнардан бүгенге көнгә кадәрге тарихы турында сөйләде. Триколор төсләренең нәрсә аңлатканын, дәүләт флаглары кайчан һәм кайда эленгәнен аңлатты. Балалар флаг белән бәйле кызыклы фактларны ишеттеләр.

Еш кына төрле сораулар өстендә уйланасың: "китап укучыны китапханәгә ничек җәлеп итәргә була?» , "укучының нинди мәгълуматлар, нинди китаплар алырга теләгәнен белү бик тә зарур?».

Казаклар авыл китапханәсе урта һәм өлкән мәктәп яшендәге укучылар өчен «Ялгыш язмышлар» дип исмләнгән мәгълүмати әңгәмә үткәрде. Чарада наркотиклар һәм аларның кеше организмына тәэсире турында сөйләнде. Әңгәмә барышында балалар яшьләрне наркотик чоңгылга кем һәм ничек тарта, психоактив матдәләрне сынап карарга тәкъдим итүчеләргә ничек каршы торырга, кешенең наркотикларга бәйлелеге, аларны куллану нәтиҗәсендә шәхеснең таркалуы турында белделәр. Чара барышында «Бер ялгыш адым һәм…бер гомер» дигән китап күргәзмәсе белән таныштылар.

Баландыш авыл мәдәният хезмәткәрләре киләсе елга кадәр ямьле җәй белән хушлашырга дип балаларны үзәк ял паркына җыйды. "Хуш, ямьле җәй!" дип аталган бу кичәдә төрле мавыктыргыч уеннар, күңелле ярышлар, җыр - биюләр бик күп булды. Китапханәнең иң актив укучыларына бүләк күчтәнәчләр таратылды. Бәйрәм балаларга бик ошады.

Шармыш авыл китапханәсенә табигатьне яратучы балалар җыелып “Сюрпризы дремучего леса” исемле табигать һәм экология темасына багышланган белем турнирында катнаштылар.

Урта Мишә авыл китапханәсендә балалар язучысы Ләбибә Ихсанованың тууына 100 ел тулу уңаеннан «Балачакның тугры илчесе» дип исемләнгән әдәби сәгать үткәрелде. Язучының күп кенә әсәрләре мәктәп тормышы, балалар турында язылган. Китап укучылар язучының иҗаты белән кызыксындылар, китап күргәзмәсендәге китапларга күзәтү үткәрделәр, әсәрләреннән өзекләр укыдылар.

Һәм бу хәзинәләрнең серләренә төшенү, китапханәдә кирәкле мәгълүматны тиз арада табу өчен укучылар каталоглар һәм картотекаларны куллана белергә тиеш.