ЯҢАЛЫКЛАР
Шул уңайдан Баландыш авыл китапханә һәм мәдәният хезмәткәрләре “Кояшкай” балалар бакчасы коллективы белән берлектә балалар Сабантуе уздырды. Сабантуй булгач, милли уеннарсыз, күңел ачуларсыз буламыни ул?! Мәктәпкәчә яшьтәге балалар төрле милли уеннарда көч сынаштылар. Бер бала да бүләксез калмады. Балалар рәхәтләнеп күңел ачтылар. Җәйнең беренче көне менә шулай балалар күңеленә гүзәллеге, яктылыгы белән кереп калды. Илләр имин, еллар тыныч булып, балаларның бүгенгедәй шат авазы һәрчак яңгырап торсын иде!
Шул уңайдан Олы Нырсы мәдәният хезмәткәрләре “Кояшкай” балалар бакчасында йөрүче балалар белән “Балачак хыялы” дип исемләнгән бәйрәм чарасы уздырды. Чара барышында балалар белән төрле спорт уеннары, рәсем буенча әкият сөйләү, асфальтта рәсем ясау буенча конкурс уздырдылар. Бәйрәм азагында һәр балага бүләкләр тапшырылды.
Бу дата Бөтендөнья сәламәтлек саклау оешмасы тарафыннан 1988 елда булдырылган.
Хәзерге заманда начар гадәтләр проблемасы иң актуаль, алар белән көрәшү - дәүләт өчен генә түгел, гомумән, һәр аерым гражданның бурычы. Начар гадәтләр - ул, беренче чиратта, аларның яшь кеше организмына зыяны турында мәгълүмат бирү. Әлеге датага карата Урта Мишә авыл китапханәсендә «Тәмәке тарту - модада түгел» исемле күргәзмә куелып, күзәтү үткәрелде.
Бу истәлекле көн Россиянең барлык китапханәчеләре өчен һөнәри бәйрәм булып тора. Әлеге бәйрәм уңаеннан, 31 май көнне, Күкчә авылы мәдәният хезмәткәрләре һәм балалары Иске Җөри авылы китапханәсенә экскурсиягә килделәр. Китапханәчеләр балаларга китапханәдән файдалану кагыйдәләрен, аның заллары, китап фонды белән таныштырдылар. Китапханәнең уку залында балалар кызыклы китаплар һәм энциклопедияләр укып, үзләрен кызыксындырган сорауларга җаваплар табып булуын белделәр. Бигрәк тә балаларга “Интерактив глобус”, “Электрон китап” ошады. Экскурсия укучыларда бик күп якты хисләр калдырды һәм алар җәйге каникулда китапханәгә әти-әниләре белән кабат килүләре хакында белдерде.
Ул - хезмәт һәм дуслык бәйрәме. Сабан туе - ул һәр кемнең көтеп алган изге бәйрәме. Бигрәк тә аны балалар бик көтеп алалар. «Ак каен» балалар бакчасында да бу бәйрәм ел саен зурлап уздырыла. Бу ел да, 31 май көнне гореф - гадәтләрне саклап, балалар өчен тәрбиячеләр белән берлектә матур бәйрәм үткәрелде. Тәрбиячеләр һәм китапханәчеләр, мәйдан уртасында төрледән-төрле матур уеннар оештырдылар: аркан тару, капчык киеп йөгерү, кашыкка йомырка салып йөгерү һ.б. Барлык балалар да Сабантуй бүләкләре оттылар. Бөтен җирдә − уен-көлке, шаярулар хөкемсөрде. Сабан туе шулай шаулап-гөрләп үтте.
Алан авыл китапханәсендә бу датага багышланган «Зыянлы гадәтләрсез тормыш матур» дип исемләнгән күргәзмә эшләнде. Хәзерге заман кешесенең бик күп начар гадәтләре бар. Аларның берсе – тәмәке тарту. Бу гадәт куркыныч, чөнки ул организмдагы матдәләр алмашу процессын боза, үпкәләргә һәм башка органнарга зарарлы йогынты ясый. Күргәзмәдә тәкъдим ителгән китаплар никотинның кеше организмына зарарлы тәэсире турында тулы мәгълүмат бирә. Күргәзмәнең төп максаты - китаплар ярдәмендә зарарлы гадәтләрдән арынып, сәламәт яшәү рәвеше алып баруга өндәү. Сәламәт яшәү рәвеше турында китаплар укыгыз һәм сәламәт булыгыз!
Балачак – бу тормышта иң ваемсыз һәм бәхетле чор. Шул уңайдан Теләче үзәк китапханәсе хезмәткәрләре үзәк ял паркында үткәрелгән бәйрәмдә катнаштылар. Балаларга “Йөзек салыш”, “Түбәтәй” кебек татар халык уеннарын уйнатып күңел ачтырдылар. Әлеге уеннар аларда үз көченә ышану, бердәмлек, ярдәмләшү, кешелеклелек, шәфкатьлелек кебек күркәм сыйфатлар тәрбияли.
Бүген Алан урта мәктәбендә эшләп килүче “Акчарлак” лагеры балалары әлеге бәйрәм чарасында катнаштылар. Алан мәдәният йорты директоры Замалиева Г.Г. алар өчен төрле кызыклы уеннар, ярышлар оештырды. Балалар- безнең киләчәк тормышыбыз, кешенең дөньялыкта яшәвенең бердәнбер мәгънәсе....Иң мөһиме - балаларыбыз бәхетле һәм кешелекле булып үссеннәр.
Яшел Үзән шәһәрендә" Алга " командасы 2010-2011 елларда туган егетләр арасында футбол буенча Татарстан Республикасы беренчелегенең зона этабында беренче уенын уйнады. Безнең егетләр Васильево командасын 5:0 исәбе белән җиңде. Команда составы: Мортазин Самат, Сөнгатуллин Әмир, Зәйнетдинов Самир, Мортазин Камил, Ибраһимов Илназ, Абдуллин Самир, Әхмәтвалиев Адель, Зәкиев Илмир,Шәрәфиев Азат, Имамиев Инсаф. Голларны Зәкиев Илмир, Әхмәтвәлиев Адель, Сөнгатуллин Әмир һәм Шәрәфиев Азат кертә. Команда җитәкчесе Хәбиров Р. Г.
Теләченең үзәк паркында Балалар көне уңаеннан зур бәйрәм булып узды. Үзәк паркта балалар өчен бик күп төрле уеннар уздырылды. Балалар иҗат үзәге үзенең нәни дуслары өчен асфальтка рәсем ясау конкурсы оештырды.