ЯҢАЛЫКЛАР
Иске Җөри авыл модель китапханәсендә “Роспись футболки” дигән мастер-класс үткәрелде. Мастер-классны алып баручы балаларга эш алымнарын һәм техникасын күрсәтте, ә аннары бөтен процессны мөстәкыйль рәвештә кабатларга мөмкинлек бирде. Барлык катнашучылар да футболкаларга төсле һәм уникаль рәсемнәрне ничек ясарга, мондый эшне ничек төгәл һәм ышанычлы итеп башкару серләрен белә алдылар, Балалар футболкаларны матур һәм мәгънәле итеп бизәде, язулар язды һәм үзләрнә истәлеккә калдырды.
Түбән Кама шәһәрендә 2006 нчы елгы һәм аннан да яшьрәк яшүсмер егетләр арасында РФ, ТР халык артисты Илһам Шакиров истәлегенә көрәш буенча 3 тапкыр Республика ярышлары узды. Әлеге ярышларда республикадан 15 команда катнашты. 2007-2008 елгы егетләр арасында 65 кг. үлчәү авырлыгында Олы Мәтәскә урта мәктәбеннән Ислам Кәримуллин 1 урын яулады. Исламның тренеры- Әскәров Венер Ибраһим улы.
2023 елның 6 апреленнән 8 апреленә кадәр Байлар Сабасында өстәмә белем бирү педагогы Вафин Илнар Илфат улы командасы 2012-2013 елларда туган егетләр арасында мини – футбол буенча Татарстан Республикасы футбол Федерациясе кубогында катнашты.
Бөтендөнья сәламәтлек көне. Әлеге дата 1948 елдан бирле билгеләп үтелә. Бу көнне дөньяның барлык илләрендә дә сәламәт яшәү рәвешен пропагандалаучы төрле акцияләр, спорт чаралары үткәрелә. Сәламәтлек – ул кешегә табигатьтән бирелгән иң зур байлык. Бу көн сәламәтлекнең кеше тормышындагы ролен һәм аны ничек сакларга икәнен аңлату өчен уздырыла.
Чернобыль... 1986 елның апрелендә - бу куркыныч сүз бөтен планетага яңгырады, XX гасырның иң масштаблы фаҗигасе - дистә мең кешенең гомерен алып киткән Чернобыль АЭСының дүртенче энергоблогында шартлау. Бу фаҗигале вакыйгаларны искә алып, мәдәният хезмәткәрләре “Чернобыль - гасыр фаҗигасе” дип исемләнгән патриотик сәгать уздырдылар. Чара барышында алар балаларга Чернобыль авариясенең атом энергетикасы тарихында иң зур дип бәяләнүче шартлау булуын сөйләделәр, әлеге фаҗигале вакыйгаларның хроникасы күрсәтелде.
Бөтендөнья сәламәтлек көне - глобаль кампания, ул кешеләрнең сәламәтлеген һәм иминлеген саклау өчен уртак чаралар үткәрү максатында халык игътибарын сәламәтлекне саклау проблемаларына җәлеп итүгә юнәлдерелгән
Сауш авыл китапханәсендә "Сәламәт тәндә - сәламәт акыл" темасына сәламәтлек сәгате үткәрелде. Китапханәче балаларга Бөтендөнья сәламәтлек көне бәйрәменең барлыкка килү тарихы турында сөйләп, күңелле конкурслар һәм викториналар ярдәмендә «Сәламәтлек иле» нә кечкенә сәяхәт ясарга тәкъдим итте.
Тоталь диктант - ул бөтен дөнья буйлап рус теленә битараф булмаган кешеләр көче белән тормышка ашырыла торган иҗтимагый коммерцияле булмаган проект. Ул күптән инде "бер көн акциясе" булудан туктады һәм ел саен дистәләрчә бушлай мәгърифәт проектлары оештыра.
Бөтендөнья сәламәтлек көне. Сәламәтлек –ул кешегә табигать биргән иң зур байлык. Бу көн сәламәтлекнең кеше тормышындагы ролен һәм аны ничек сакларга икәнен аңлату өчен билгеләп үтелә. Шул уңайдан Урта Мишә авылы мәдәният хезмәткәрләре сәламәт яшәү рәвешен пропагандалау максатыннан “Уку акыл өчен, спорт сәламәтлек өчен!” исемле сәламәтлек сәгате үткәрделәр. “Сәламәт тәндә- сәламәт акыл” исемле күргәзмә куелып, сәламәтлеккә җаваплы караш тәрбияләү, күп кенә авыртуларны булдырмый калу, дәвалау буенча киңәшләр тәкъдим ителде.
Иске Җөри авыл модель китапханәсендә башлангыч сыйныф укучылары өчен "Сәламәтлек утравына сәяхәт" дигән чара үткәрелде. Китапханәчеләр балаларга Бөтендөнья сәламәтлек көне бәйрәменең барлыкка килү тарихы турында сөйләделәр һәм күңелле конкурслар, викториналар ярдәмендә «Сәламәтлек иле»нә кечкенә сәяхәт ясарга тәкъдим иттеләр.