ЯҢАЛЫКЛАР
Выходец из бедной деревенской семьи, подлинный народный самородок, пробившийся из низов к лучшим мировым сценам, чье имя даже спустя более 70 лет после смерти остается одним из главных «брендов» отечественной культуры. Учащиеся познакомились с основными этапами жизни и творчества Ф. Шаляпина. Мероприятие сопровождалось небольшим видеороликом, фото и прослушиванием некоторых арий из его репертуара.
Казаклар авыл китапханәсендә Фәнис Яруллинның тууына 85 ел тулу уңаеннан “Язмышларга буйсынмас җанны калдырасы иде шигырьдә” дигән темага иҗатына күзәтү үткәрелде. Фәнис Гатаулла улы Яруллин - Татарстанның халык шагыйре, прозаик, язучы һәм драматург, Муса Җәлил премиясе, Г. Тукай исемендәге дәүләт премиясе лауреаты, «Халыклар дуслыгы» ордены кавалеры. Китапханәче Альбина Рахматуллина аның авыр тормыш юлы турында сөйләде, иҗаты белән таныштырды, китапларга күзәтү ясады.
Бу вакыйга уңаеннан 10 февраль көнне Кукчә авылы мәдәният хезмәткәрләре "Милли уеннар - тәрбия хәзинәләре"дигән фольклор кичәсе үткәрделәр. Чарада татар халкының онытылган уеннарын өйрәнделәр. Балалар башкаруында халык авыз иҗаты әсәрләре яңгырады. Балалар «фольклор» төшенчәсе белән таныштылар. Чара яшь буын арасында фольклорны популярлаштыруга юнәлдерелгән. Шулай ук чара халык авыз иҗатын алга этәрүгә ярдәм итә.
2023 елның 14 февралендә , совет гаскәрләрен Әфганстаннан чыгаруга 34 ел тулу уңаеннан, Теләче муниципаль районы Фатих Хөсни исемендәге Олы Мәтәскә урта мәктәбендә Әфганстанда хәрби хәрәкәтләрдә катнашучы подполковник, очучы, хәзерге вакытта Теләче районы сугышчы-әфганчылары һәм интернационалистлары идарәсе әгъзасы Ногманов Мөнир Зәки улы белән очрашу узды
Бүген безнең балалар бакчасына район үзәк шифаханәсеннән табиблар һәм авыл фельдшеры килде. Алар балаларның сәламәтлеген тикшерделә, сәламәтлекне яшьтән сакларга кирәклеген аңлаттылар. Балалар табибларны кызыксынып күзәттеләр һәм тикшерү барышында табибларның сорауларына җавап бирделәр
11 февраль көнне Иске Җөри модель китапханәчеләре балалар белән әңгәмә уздырдылар, "Тарих битләрендә Теләчем" дип исемләнгән презентация күрсәттеләр. Балалар күргәзмәгә куелган "Җөри юлы - гомер юлы" китабы белән дә таныштылар.
1979 елларда игълан ителмичә генә башланып киткән мәгънәсез Әфган сугышы күп кенә гаиләләргә олы хәсрәт китерде, япь-яшь ир-егетләрнең язмышларын үзгәртте. Алар барысы да тау-таш арасында, үзенчәлекле климат шартларында сугышның дәһшәтен, бөтен авырлыгын һәм газапларын, кайгы-хәсрәтләрен үз җилкәләрендә татыды. Сугыш бервакытта да үлемсез генә булмаган. Әфган сугышы да күп югалтулар китерде. Шул еллардан бирле күп сулар аккан. Әмма әфганчыларыбыз кичергән язмышны сулар, еллар гына юа алмый. Алар безнең белән, алар – безнекеләр, безнең арада. Бу турыда безнең онытырга хакыбыз юк. Сугышның дәһшәтен, әфганчыларның батырлыгын искә төшерү максатыннан 11 февраль көнне Олы Мәтәскә авылы мәдәният хезмәткәрләре “Әфганстан - йөрәк ярасы“ дип исемләнгән батырлык сәгате үткәрделәр.
10 февраль көнне Олы Мәтәскә авылы китапханәчесе "Без - Фатыйх оныклары, Хөснинең йөзек кашлары" дигән әдәби кичә уздырды. Кичә Татарстанның халык язучысы, Г.Тукай дәүләт премиясе лауреаты, якташыбыз Фатих Хөснинең тууына 115 ел тулуга багышланган иде. Чарада Фатих Хөснинең "Кабак" хикәясе сәхнәләштерелде, язучының хикәяләре, авылдашларының язучыга багышлап язган шигырьләре укылды. Ахырда Фатих Хөснинең "Кошлар тынды" җыры башкарылды.
14 февраль көнне Теләче үзәк китапханәсенең уку залында район китапханәчеләренең чираттагы семинар-киңәшмәсе булып үтте. Китапханә директоры Дәүлиева Ризидә Миннехан кызы катнашучыларны якын киләчәкнең төп планнары һәм бурычлары белән таныштырды һәм Олы Нырсы авылы китапханәчесе Гиниятова Ләйсән Габдрәүф кызын юбилее белән котлады. Чараны дәвам итеп методик бүлек җитәкчесе Садыкова Наилә Фәрит кызы презентация ярдәмендә “Пушкин картасы” проекты һәм Прокультура сайты белән эшләү турында тулырак аңлатты. Ә Татарстан Республикасының Милли Китапханәсе тарафыннан оештырылган "Код доступа" дип исемләнгән китапханә форумында катнашып кайткан методист Фәсхиева Раилә Васил кызы үзенең тәэсирләре белән уртаклашты.
11-13 нче февраль көннәрендә Казан шәһәрендә татар мәктәпләрендә белем алучы укучылар арасында татар теле буенча Республика олимпиадасының йомгаклау этабы үтте. Биредә Баландыш төп мәктәбеннән 2 укучы катнашты. 8 нче сыйныф укучысы Заһидуллина Нурфия призер булды! Укытучысы: Зәйнуллина Рушания Хәким кызы. Укучыны һәм укытучыны әлеге зур җиңүләре белән котлыйбыз! Алга таба да уңышлар теләп калыйк!