ЯҢАЛЫКЛАР
16 апрель көнне безнең мәктәп территориясендә өмә булып узды.Кирәкле инвентарь белән коралланып, балалар һәм педагоглар территорияне бик теләп тәртипкә китерделәр. Барысы да күтәренке рух белән эшләделәр. Арыган, әмма яхшы кәеф белән эшне тәмамладылар.
15 нче апрель көнне Теләче муниципаль районында Бөек Җиңүнең 77 еллыгына багышланган “Һәлак булучылар истәлегенә лаек булачакбыз” дип аталучы фәнни-гамәли конференция узды. Бу конференциядә Олы Мишә урта мәктәбе укучылары да актив катнаштылар. Миннебаева Г.Ш. җитәкчелегендәге укучылар 1 урынга, Гыйниятуллина Н.М.җитәкчелегендәге укучылар 2 урынга, Борханетдинова Р.Җ.җитәкчелегендәге укучылар 1 урынга лаек булдылар. Бу укучыларга алга таба да уңышлар телибез.
Алан урта гомумбелем бирү мәктәбендә шимбә өмәләре дәвам итә. 9 сыйныф укучылары тәрбия эшләре буенча директор урынбасары Хәсәнова А.М. җитәкчелегендә мәктәп бинасының арткы ягын кардан чистарттылар. Апрель өмәләре традициясе күптәннән дәвам итә. Ул хезмәт тәрбиясенең аерылгысыз бер өлеше булып тора. һәр шимбә көн аерым бер сыйныф әлеге иҗтимагый эшкә җәлеп ителә. Май бәйрәмнәренә кадәр бара торган чарадан һәркемнең кәефе күтәрелеп керә, мәктәп территориясе дә чистарып кала.
Тиздән чыгарылыш сыйныф укучылары өчен соңгы кыңгырау яңгырар. Алда аларны имтиханнар һәм киләчәк өчен һөнәр сайлау бурычы тора.Укучыларга ярдәм йөзеннән төрле уку йортларыннан вәкилләр килеп тулы мәгүлүмат бирә. Буген, яъни, 15 апрель көнне Югары Кибәхуҗа урта мэктәбенең 9-11 сыйныф укучылары мәдәният институты вәкилләре белән очрашты. Укучылар үзләрен кызыксындырган сорауларга җавап алды, уку йорты турында, андагы кагыйдәләр, үзенчәлекләр турында күп мәглүмат туплады. Россия Федерациясе, Татарстан Республикасының тынылган халык жырчысы Венера Ганиева һәм аның шәкертләре чыгышлары бик кунелле булды.
Иске Жөри мәдәният йортына берләшмәгә йөрүче бер туган Галимбековлар. ТНВ каналында узучы "Шаян ТВ" тапшыруында катнашып кайттылар.
Работники старозюринского Дома культуры организовали субботник под лозунгом" Мы внуки Ленина". Территория Дома культуры была очищена от снега.
18 апрель бөтен дөньяда Халыкара һәйкәлләр һәм истәлекле урыннар көне буларак билгеләп үтелә. Шул уңайдан Максабаш авылы мәдәният хезмәткәрләре башлангыч мәктәп белән берлектә , сугышта һәлак булган авылдашларыбыз хөрмәтенә куелган һәйкәл янында өмә үткәрделәр. Аның тирә-ягы кардан чистартылып, чүпләрдән арындырылды. Һәйкәлләрне карап, чистартып тору безнең төп бурыч. Исәннәрнең кадереп, үлгәннәрнең каберен белик.
2022 нче елның 16 нчы апрелендә Ачы мәдәният йорты директоры Солтанова Л. И. җитәкчелегендә һәвәскәрләр берләшмәсендә катнашучылар "Игелекле эш" акциясе, һәйкәл территориясен җыештыру буенча өмә үткәрделәр. Балалар чүп-чар һәм коры яфракларны җыештырдылар, агарттылар, әле эреп бетмәгән карны да тараттылар. Берләшмәдә катнашучылар бик күп хезмәт һәм тырышлык куйдылар, димәк, киләчәктә балалар үз иленең чын геройлары турында онытмас, Бөек Ватан сугышында катнашучыларның һәйкәлләре янында тәртип сакларлар, һәлак булган сугышчыларның исем-фамилияләренең чиксез исемлекләрен күреп, үз балаларына: «Бу һәйкәл без тыныч күк астында яшәгән кешеләр хөрмәтенә тора», - дигән өмет бар.
Быел Казан дәүләт мәдәният сәнгать институының Югары сәнгать мәктәбе факультетының соло һәм халык җыр сәнгате кафедрасы оешуга егерме биш ел тулды. Әлегедәй куанычлы хисләре белән уртаклашыр өчен бүген Теләчегә әлеге кафедраның мөдире, профессор, Россиянең, Татарстанның халык артисты, Габдулла Тукай исемендәге дәүләт бүләге иясе һәм районыбызның шәрәфле гражданины Венера Әхәт кызы Ганиева һәм аның студентлары килде.
12 апрель - Бөтендөнья космонавтика көне. Шул уңайдан Югары Кибәхуҗа авыл мәдәният йортында китапханә белән берлектә «Галәмгә юл» дип исемләнгән танып-белү сәгате үткәрелде. Китапханәче Махмутова Г.В. китап күргәзмәсенә күзәтү үткәрде.