ЯҢАЛЫКЛАР

Кошлар – безнең канатлы дуслар. Кызганычка каршы, бу хакта күпләр уйламый. Кошларның нинди өлеш керткәнлеген кайберәүләр белми дә. Ел саен 1 апрельдә  Халыкара кошлар көне билгеләп үтелә. Бу вакыйга кысаларында Күкчә авылы мәдәният хезмәткәрләре балалар өчен “Кошлар-безнең дусларыбыз” дип исемләнгән әңгәмә үткәрделәр. Чарада катнашучылар кайбер кошларның тормышыннан иң кызыклы мизгелләр, кошларның табигатьнең мөһим өлеше булуы турында белделәр. Балалар үзләренең яраткан кошларын ясадылар. Шулай ук сорауларга җавапларны мәкальләр һәм әйтемнәр, кешенең каурыйлы дуслары турындагы табышмаклар аша искә төшерделәр.

2022 ел Россия халыклары мәдәни мирасы елы дип игълан ителде. Аның максаты - илдә яшәүче халыкларның гореф-гадәтләрен, тарихи мирасын, этномәдәни күпкырлылыкны саклап калу. Татар халкының тирән тәрбияви һәм әхлакый әһәмияткә ия булган йола – бәйрәмнәре, гореф – гадәтләре бихисап. 1 апрель көнне Урта Мишә авылы мәдәният хезмәткәрләре “Авыл – мәдәни мирас сандыгы” исемле очрашу - кичәсе үткәрделәр. Кичәгә тумышы белән Урта Мишә авылында туган, бүгенгесе көндә төрле район һәм авылларда яшәүче кызлар чакырылды. Туган як, туган авыл – һәркем өчен кадерле, изге алар. Кеше кайда гына яшәсә дә туган нигезен, авылының, үз халкының милли бәйрәмнәрен сагынып кайта. Борынгы гореф-гадәтләрне яңартып кичке уеннардагы татар халык уеннарын, күмәк җырлы-биюле “Наза”, “Түгәрәк”, “Голбану” уеннарын искә төшердек. Китапханәдә “Халкыбыз мирасы югалмасын” исемле күргәзмә куелды. Һәм әлбәттә инде соңыннан чәй табыны артында, татар халкының милли ризыгы бәлеш белән сыйландык. Кичә бик җылы мөхиттә узды, күңелле хәтирәләр күңелдә озак сакланыр. Кыскасы, авылыбыз милли гореф-гадәтләрне хөрмәт итеп гөрләп яшәр һәм яши.

1 апрель ел саен кошлар көне буларак билгеләп үтелә. Кошлар - безнең дусларыбыз, ярдәмчеләребез. Кошлардан башка табигать җансыз. Тирә-ягыбыз мөһитен саклау, кошларга кулыбыздан килгәнчә ярдәм итәргә өйрәтү максатыннан Урта Мишә авылы мәдәният хезмәткәрләре укучылар өчен “Кошлар – безнең дусларыбыз” – исемле танып-белү сәгате үткәрделәр. Балаларга кошлар турында информация бирелде. Кошлар турында табышмакларга җаваплар таптылар. “Кошны таны” уенын уйнадылар. “Нәни кошчыклар“ темасына рәсем конкурсы үткәрелде. Чара ахырында балаларга чәй табыны оештырылды.

1 апрель-, көлке һәм алдау  көне.
Бу  көнне Айдар авыл  мәдәният йорты хезмәткәрләре мәктәпкәчә һәм мәктәп яшендәге балалар өчен язгы каникул чорында «Барлык мәзәкчеләр көне» дип исемләнгән күңел ачу программасы үткәрделәр. Бу бәйрәм көнендә балалар  кызыклы конкурсларда катнаштылар, табышмаклар чиштеләр, төрле уеннар уйнадылар,шарлар күпертеп ярыш ясадылар.Юмористик бәйрәмдә малайлар һәм кызлар шулай ук җырлап- биеп үз һөнәрләрен күрсәттеләр, күңел ачтылар, шигырьләр сөйләделәр, флешмобта катнаштылар. Ә программа ахырында оештыручылар, барлык балаларга сәламәт, шаян булырга, сәгьнгатьне яратырга һәм тәртипле булуларын теләделәр.

1 апрель –Халыкара көлке көне. Бу көнне без шаярабыз,көләбез,уйныйбыз! Көлү бик файдалы. Шул уңайдан Олы Мәтәскә авылы мәдәният хезмәткәрләре”Шаярасы килә, көләсе”-дип исемләнгән чара үткәрделәр.Чарада төрле сыйныф укучылары катнашты. Кичәдә катнашучылар ике командага бүленеп мәзәкләр  укудылар.Үзләре белән булган кызыклы вакыйгаларны сөйләп күңел ачтылар.

1 апрель көнне Сауш мәдәният йортында бик күңелле булды, чөнки анда балалар өчен «Көлке килә, көлә килә» дигән күңел ачу-уен программасы үткәрелде, анда катнашучылар бик кызыклы конкурсларда һәм уеннарда катнаштылар. Барлык катнашучылар да татлы бүләкләр алдылар.

Көлке көне бик киң таралган бәйрәм   булмаса да, ел саен без аны көтеп алабыз. Апрель аеның кояшлы  беренче көнендә  булгангамы, аны өлкәннәр дә, балалар да бик ярата. Шул уңайдан Югары Мәтәскә авыл клубында балалар өчен махсус "Көлке терапиясе. Ешрак елмай" дип исемләнгән мавыктыргыч чара утте. Төрле кызыклы образларга керү балаларга яхшы эмоцияләр бүләк итте. Беренче апрель шаярулары, көлкеле сәхнә әсәрләреннән  төзелгән программа  алар өчен тулы бер сюрприз булды. Үткәрелгән чара шаулап-гөрләп, бик күңелле үтте. 

Апрель аенда бөтен дөньяда Халыкара кошлар көне билгеләп үтелә. Бу вакыйга уңаеннан 1 апрель көнне Айдар авыл мәдәният йортында китапханә белән берлектә «Кошларны яратып каршы ал !" - дип исемләнгән танып-белү чарасы узды. Чара кошларның күптөрлелеге һәм тормыш эшчәнлеге, аларның табигатьтә һәм кеше өчен гаять зур әһәмияте турында танып-белү әңгәмәсе белән башланып китте. Чөнки нәкъ менә канатлы дусларыбыз кешене һәм хайваннарны бөҗәкләрдән саклый, тиз үрчи торган корткычларның санын кискен киметә. Балалар канатлы дусларыбыз турында "Ничек дөрес кайгыртырга?", "Барлык кошларны нәрсә берләштерә?", "Алар нәрсә белән туклана?", "Ни өчен аларның күбесе көз көне җылы якларга оча?" кебек сорауларына җавап эзләделәр. Алар кайбер канатлы дусларның үз исемнәрен алуы, алар ничек җыелулары һәм аларны очышта төзү ысуллары турында белделәр.
«Кошлар — безнең дусларыбыз» викторинасында, шулай ук табышмаклар, ребуслар һәм кроссвордлар чишүдә катнаштылар.

Балаларның язгы каникуллары дәвам итә. Аларның ялларын күңелле һәм мавыктыргыч үткәрү өчен төрле чаралар оештырыла.  3 апрель көнне  Шәтке авылы мәдәният хезмәткәрләре  балалар белән  “Күңелле уеннар” дигән кичә үткәрделәр. Балалар төрле милли уеннар уйнадылар.  Сәхнәдә биеп- җырлап матур итеп күңел ачтылар. Шигырьләр сөйләп, табышмаклар чиштеләр. Кичәдә шәһәрдән кунакка кайткан балалар да катнашты.

1 апрель көнне Ачы мәдәният йортында «апрель елмаюлары»дип исемләнгән уен программасы булып узды. Программа башында директор Лилия Ильясовна катнашучыларны 1 апрельне бәйрәм итү тарихы һәм Беренче апрель ярышлары традицияләре белән таныштырды. Аннан соң «җеп», «Яблочко», «чылбыр» һ.б. уеннар һәм конкурслар башланды. Узган еллар турында күңелле хатирәләр калдырып, залда күңелле елмаюлар һәм көлүләр яңгырады.

Программа "Әйдәгез, ешрак елмаегыз, шаяртып көлик!" дигән сүзләр белән тәмамланды. "Катнашучылар күтәренке кәеф белән таралыштылар.