ЯҢАЛЫКЛАР
2020 елның 2 мартында Казан шәһәрендә гомуми белем бирү оешмалары укучылары арасында бадминтон буенча «каләм пробасы» республика ярышлары булып узды, анда безнең команда да катнашты. Безнең район җыелма командасы составына Баландыш төп мәктәбеннән балаларны сәламәтләндерү – белем бирү (профильле) үзәге педагогы Җаббаров Алмаз Фоатович тәрбияләнүчеләре керде. Ярышларда 20 команда катнашты. Барлыгы 160 катнашучы. Безнең команда 7 урынны яулады.
2020 елның 1 мартында Арча шәһәрендә Бөек Ватан сугышында җиңүнең 75 еллыгына багышланган 2009-2010 елларда туган егетләр арасында мини-футбол буенча Арча муниципаль районының ачык беренчелеге булып узды. Әлеге ярышларда 4 команда, шул исәптән балаларга өстәмә белем бирү педагогы Рөстәм Габделгазиз улы Хәбировның 2 командасы катнашты.
Әлеге дата уңаеннан, 3 март көнне Теләче җирлекара китапханә хезмәткәрләре акция үткәрделәр, буклетлар тараттылар. Шулай ук китапханәнең уку залында “Без наркотикларга каршы” дип исемләнгән китап күргәзмәсе оештырылды. Китап күргәзмәсе наркотиклар куллануның сәбәпләрен, төрләрен, нәтиҗәләрен ача, шулай ук әлеге куркыныч афәтне кисәтү буенча киңәшләр бирә.
Олы юбилей алдыннан илебез башлыгы Указы нигезендә сугыш һәм тыл ветераннарына юбилей медальләрен тапшыру бара. Бу чара Югары Кибәхуҗа авыл җирлегендә 28 нче февраль көнне узды. Районыбыз һәм авылыбыз җитәкчелеге, мәдәният хезмәткәрләре катнашындагы делегция Югары Кибәхуҗа авылында яшәүче тыл ветераннарының өйләрендә булып, "1941-1945 нче еллардагы Бөек Ватан сугышында Җиңүнең 75 еллыгы" юбилей медален һәм истәлекле бүләкләр тапшырып, хәлләрен белеп кайттылар.
Балалар бәйрәмнең тарихын белделәр. Бу дата уңаеннан китапханәдә күргәзмә дә эшләнде. Күргәзмәдә балалар язучылары – Николай Носов, Михаил Пришвин, Константин Паустовский һәм башка бик күп язучыларның китаплары урын алды. Чара барышында балаларга презентация күрсәтелде һәм әдәби уен үткәрелде.
Татарстан Республикасы Актаныш муниципаль районы башкарма комитеты һәм Актаныш авыл җирлегеара үзәк китапханәсе Г.Афзал исемендәге “Яшьләр каләме” Республикакүләм проза әсәрләр һәм шигырь язучылар бәйгесе оештыра. Гамил Афзалның иҗат мирасын популярлаштыру, укучыларда татар әдәбиятына, сәнгатенә кызыксыну уяту, аларны патриотик рухта тәрбияләү максатыннан уздырылучы әлеге бәйгедә Баландыш авыл китапханәсе шигырь жанрында катнашып, китапханәнең актив китап укучысы Камилә Ситдикованың “Туган якның йөзек кашлары” шигырен тәкъдим итте.
Бу көнне Айдар авыл китапханәсендә "Наркомания: авыру яки җинаять" дип исемләнгән күргәзмә оештырылды. Күргәзмәдә китаплар, буклетлар, белешмәлекләр, наркомания, наркотиклар, аларның кеше организмына зыян китерүе турында иллюстрацияле материаллар тәкъдим ителде. Соңыннан мәдәният йорты белән берлектә яшьләр өчен профилактик сәгать үткәрелде. Яшьләр белән сөйләшү үз-үзеңне һәм якыннарыңны бу афәттән ничек сакларга, наркоманнар мохитенә ничек эләкмәскә, бу бәлагә каршы торып, лаеклы һәм бәхетле кеше булып калырга кирәклеге турында барды. Әңгәмә ахырында үз-үзеңне саклау өчен тормышта яраткан шөгылеңне табарга кирәк дигән нәтиҗә ясалды. Бу кимчелекләрдән котылу өчен сәламәт яшәү рәвеше алып барырга, яхшыга омтылырга, спорт белән шөгыльләнергә, тормышны яратырга, үз-үзеңне һәм тирә-юньдәгеләрне сакларга кирәк.
2 нче мартта Теләче урта мәктәбендә 9 - 11 нче сыйныф укучылары арасында “Ватанны саклаучылар” көненә багышланган патриотик чара булып үтте. Әлеге чарада һәр сыйныф үзенең хәрби җыр башкару сәләтен һәм стройда атлап йөрү осталыгын күрсәтте. Зур хәзерлек алып барган 9 в сыйныфы укучылары җиңүчеләр булды. Бу җиңүгә укучыларны сыйныф җитәкчесе М. Р. Тимербаева әзерләде. Җиңүчеләрне котлыйбыз!
Барысы да кече яшьтән алып «Май чабу» бәйрәменә ашыктылар. Бу көнне һәр кунакның күңеленә хуш килгән шөгыль табырга тырыштылар. Җил булуга карамастан, авыл халкы һәм кунаклары уеннарда һәм конкурсларда актив катнаштылар. Әлбәттә, бәйрәмдә иң мөһиме карачкы яндыру булды: кышны озаттылар, аның белән барлык күңелсезлекләрне яндырдылар. Май чабу чәй һәм коймаксыз узмады. Мондый бәйрәм өлкәннәргә дә, балаларга да бик ошады.
Аның шигырьләре бүген дә фикернең тирәнлеген, ихласлыгын һәм әхлакый чисталыгын таң калдыра. Шагыйрьнең иҗаты ил шигъриятен үстерүгә сизелерлек йогынты ясый һәм дәвам итә. Әбде авыл китапханәсендә «Читателя найду в потомстве я» дип исемләнгән танып-белү сәгате узды. Катнашучылар шагыйрьнең тормышы һәм иҗаты турында белделәр, Элегия һәм юлламаның әдәби жанрларының үзенчәлекләре белән таныштылар.