ЯҢАЛЫКЛАР

Дискотекада 80-нче, 90-нчы еллар җырларына шул елларда яшь булган  абый-апалар биеделәр, шул заман уеннарын уйнадылар. Дискотекадан соң  “теге заман”нан  чыннан да икенче төрле - үзгә бер күңеллелек, гаеп итешсез - гадилек хисе калды.

Бездә Шармыш авылында ел саен балалар һәм өлкәннәр өчен яңа ел чаралары уза.  Яңа елны каршылауга бәйрәмгә кадәр озак әзерлек бара.  Быел китапханәдә «Что нам готовит год грядущий " дигән астрологик сәгать үткәрелде. «Яңа елны каршылыйбыз» дип исемләнгән күргәзмә – Сюрприз «металл күсе елын ничек каршыларга» дигән файдалы киңәшләр бирде.  

1 январь көнне Максабаш авылы мәдәният йортында Роберт Галиев җитәкчелегендәге Казан авыл хужалыгы университетының «Тургай»студентлар  халык театры Рәдиф Сәгъдинең « Кайт, бәгьрем, кайт» музыкаль комедиясен күрсәттеләр.

2 гыйнвар көнне Шармыш авыл клубында «Күңелле Яңа ел» дип исемләнгән Яңа ел иртәсе узды, аңа иң изге күңелле һәм ярдәмчел балалар чакырылды.  Бу чараны балаларның яраткан геройлары-Кыш Бабай, Кар кызы, кар көртләре алып барды. Яңа ел бәйрәме кысаларында «Яңа ел әкияте " үткәрелде. Балалар бик теләп күңелле уеннар уйнадылар, Яңа ел шигырьләре укыдылар, күңелле конкурсларда катнаштылар

Бу чара авыл халкы тарафыннан актив хуплана. 200 лотерея билеты уйнатылды. Бу кичтә бәхетлеләргә зур уңыш елмайды.

Күргәзмәдә китап һәм журналлар җыю һәркемгә дә файдалы булачак. Ошаган китапны яки журналны өйгә алып, тылсымлы кышкы кичтә гаилә белән бергә кычкырып укырга була. Күргәзмәдә тәкъдим ителгән китаплар укучыларыбызны куандырыр һәм бәйрәм көннәрен онытылмас итәр дип ышанабыз.

Бәйрәмдә килгән кунакларның җырлары, шигырьләре, биюләре белән берлектә төрле уеннар да уйнатылды.

Иске Җөри авылы китапханәсендә каникулда китап укырга килгән укучылар белән «Ял ит, ләкин китап укырга онытма!» дип исемләнгән әңгәмә үтте. Әңгәмә барышында балалар яңа китаплар белән таныштылар. Яңа ел, Яңа ел чыршысы тарихы турында  һәм әлбәттә Кыш бабай турында фикер алыштылар. Укучыларга “Китап битләрендә Кыш” дип исемләнгән китап күргәзмәсе тәкъдим ителде. Балалар бик теләп күргәзмә белән таныштылар, кыш турында шигырьләр укыдылар, табышмакларга җаваплар таптылар. Чара ахырында китапханәче балаларның барсына да баллы призлар таратты.

29 нчы декабрь  көнне  Урта Мишә авыл клубында, китапханәче белән берлектә, Яңа ел кичәсе, Балмаскарад бәйрәме үткәрелде. Бәйрәм кичәсе төрле күңелле уен-конкурслар, җыр- биюләр белән үрелеп барды.  Кыш бабай белән  Кар кызы бәйрәмгә килгәч , кичәбез тагы да җанланып китте. Бәйрәмдә катнашучылар төрле конкурс, ярышларда катнашып матур бүләкләр алдылар. Һәркем күтәренке кәеф белән өйләренә таралды.

3 гыйнвар көнне, Яңа ел каникуллары вакытында, Теләче җирлекара китапханәсендә, «Мы любим сказки братьев Гримм» дип исемләнгән  рәсем конкурсы үткәрелде. Балалар Якоб һәм Вильгельм Гримм әкиятләреннән рәсемнәр ясадылар.