ЯҢАЛЫКЛАР
19 нчы май үткәннәрнең якты хатирәсе булып күңелдә калган пионерия көне. Пионер- беренче дигән сүз. Пионерлар- билгесезлеккә юл салучылар, курку белми алдан әйдәп баручылар. Хәзер бу эшләрне яшь варислар дәвам итә. Безнең Олы Мишә урта мәктәбендә пионериянең матур үрнәген саклаган “Дуслык учагы” яшәп килә. Без бүген, бу датаны билгеләп, башлангыч сыйныф укучылары белән дуслык учагын янә кабыздык. Балалар белән Татарстан Варислар Берлеге турында сөйләштек, күңелле уеннар уйнадык, дуслык турында җырлар җырладык. Кичәбезне “Һәрвакыт әзер бул!” девизы белән йомгакладык.
Шушы уңайдан Теләче җирлекара китапханәсендә «Книга в кадре» дип аталган китап күргәзмәсе оештырылды. Әлеге күргәзмәгә киноны тудыручылар: актерлар, режиссерлар, операторлар турында сөйләүче китаплар белән беррәттән кинороманнар үзләре дә куелды. Алар арасында «Ак чәчәкләр», «Две судьбы», «Война и мир», «Три мушкетера», «Подари мне жизнь», «Джейн Эйр», «И все таки я люблю» һ.б. бар.
Кино – күпләрнең яраткан сәнгать төре булып тора, шунлыктан бу тема барлык китап сөючеләр өчен дә кызыклы булыр дип ышанабыз. Яраткан киноны карау белән беррәттән, аның китабын да уку кино яратучыларга өстәмә ләззәт бирә, чөнки китап әсәрне укучысына үз телендә җиткереп үзенең мавыктыргыч дөньясына алып керергә сәләтле.
2016 елның 15 нче май көнендэ Шәдке авылында яшәүче тыл ветераны Әскәрова Фатымабикә Әскәр кызына 90 яшь тулды. Шул уңайдан Фатымабикә апага Россия Президенты Владимир Путинның, Теләче муниципаль район башлыгының тәбрикләмәсе тапшырылды, шулай Шэдке авыл җирлеге башлыгы исеменнән дә котлау сүзләре җиткерелде.
Фатыймә әби, шул буын кешеләре кебек үк, сугыш чоры авырлыкларын да күп күргән, шулай ук яшәгән дәверендә кайгы-хәсрәтләрне аңа күп кичерергә туры килгән.
Сугыш вакытында авыр эшләрдә эшләгән, шулар арасында биргәк тә үзәгенә үткәне урман кисү булган.
Өлкәнәйгән көнендә ул ялгызы түгел, ә якыннары янәшәсендә үзенең туган нигезендә гомер кичерә.
Алдагы тормышында да без аңа саулык hәм аяз, тыныч күк йозе теләп калабыз.
Балалар шулай ук «Я и моя семья» дип аталганрәсем конкурсында да катнаштылар.
19 нче май көнне 8.00 сәгатьтә хакимиятнең утырышлар залында Теләче муниципаль район Советының чираттагы тугызынчы утырышы узды. Утырышның көн тәртибендә 3 мәсьәлә каралды.
Утырышта Теләче муниципаль районы башлыгы урынбасары Фатхуллин А.Г., Теләче муниципаль районы Контроль-хисап палатасы рәисе Фархуллин С.И., Теләче муниципаль районы башкарма комитетының финанс-бюджет палатасы рәисе Яхин Р.Р.,. –лар чыгыш ясадылар.
18нче май көнне Баландыш тɵп мәктәбенең 9нчы сыйныф укучысы Мухаметшин Ранис КНИТУ да үткәрелгән “КНИТУ өметләре-2016” фәнни –эзләнү конкурсында катнашып лауреат исемена лаек булды. Ранисның җитәкческе - математика укытучысы Тимербаева Ф.Р. Аларны бу җиңүләре белән котлыйбыз!
18 нче май көнне Олы Нырсы урта мәктәбенең укучылары Мөбинов С., Галяветдинов Р. (җитәкчесе Давлетшина Т.М.), Хайрутдинова И., Гаязова Д. (җитәкчесе Зарипова Л.Г.), Шайхутдинов Д. (җитәкчесе Халилова Л.Р.) IX Республикакүләм «Нобелевские надежды КНИТУ – 2016» бәйгесендә катнаштылар. Хайрутдинова И лауреат исеменә лаек булды, Мөбинов С. III дәрәҗәдәге диплом белән бүләкләнде. Барлык укучыларга сертификатлар тапшырылды. Уңышлары белән котлыйбыз!