ЯҢАЛЫКЛАР
22 март көнне Саба районы Балалар иҗат үзәгендә “Робот-2016”зона ярышлары булып узды. Ярышта Теләче районыннан Нуртдинов Руслан Раисович һәмЗакиров Наиль Валимухаметович җитәкчелегендә 2 команда катнашты. Руслан Нуртдинов түгәрәгендә шогыльләнүче Гараев Салават һәм Насибуллин Ильшат 3 урынга лаек булдылар.
Бәйрәмгә килгән яз гүзәле Нәүрүзбикә искиткеч чибәр иде. Дилбегәсен кулыннан ычкындырырга теләмәгән Кыш бабай да аның җылы, ягымлы карашына түзмәде. Дөрес, ярышка чакырып, “бил алышырга” тырышып карады, тик кая ул яшьлек дәрте, яз яме балкып торган гүзәлгә каршы тора алсын. Балалар бакчасының һәр төркеменә йөрүчеләр рәхәтләнеп уеннарда катнашты, җырлады-биеде, Нәүрүз турында шигырьләр сөйләде.
Бу көнне барлык гореф-гадәтләргә туры китереп, балалар тәм-том белән сыйланды.
Нәүрүз мөбарәк булсын!
Китап укучыларга яңа кайткан китаплар, җурналлар тәкъдим итте. Алар үзләренә ошаган китапларны, җурналларны өйләренә укырга алдылар.
Район мәдәният йортында авыл җирлекләре тарафыннан күргәзмә оештырылды һәм районыбыз үзешчәннәре тарафыннан зур концерт программасы күрсәтелде. Әлеге чарада Баландыш авылы китапханәчесе дә катнашты.
Шул уңайдан, 23 март көнне, Теләче балалар китапханәсендә презентация кулланып “Су – тормыш чыганагы” дигән әңгәмә үткәрелде. Балалар игътибарына су турында бик күп гадәти булмаган фактлар тәкъдим ителде. Су без күрә торган гадәти һәм гади матдә генә түгел, ул безнең организмыбызның нигезе һәм җирдәге тереклек чыганагы. Шул ук вакытта ул бик күп яшерен серләр саклый. Галимнәр суны тикшерүләрен бүгенге көндә дә дәвам иттерәләр һәм күп төрле кызыклы ачышлар ясыйлар. Моннан тыш, без суның кайдан килеп чыгуы, аның нәрсәләрдән торуы, аны ни өчен чистартырга кирәклеге һәм башкалар хакында да мәгълүмат бирдек. Әлеге кызыклы фактлар китап укучыларыбызны суга сакчыл карашта булырга, аңа бәяләп булмастай байлыкка караган кебек карарга һәм су чыганакларының кечкенәдән үк кадерен белеп үсәргә өйрәтерләр, дип ышанып калабыз.
Олы Мишә авылы китапханәсендә "Моң бишегем - Теләче" дип исемләнгән стенд ясалды. Әлеге стенд Теләче районы яңадан тогызылуына 25 тулуга багышлана. Бу стенд районнан чыккан шәхесләребез белән танышып барырга мөмкинчелек бирер.
Теләченең яңадан оешуына 25 ел тулу уңаеннан Шармыш авыл китапханәчесе “Район тарихында минем китапханәм” дип аталган презентаөия әзерләү максатында авылның өлкән яшьтәге кешеләре белән очрашып авылның, китапханәнең үткәне турында мәгълүмат җыйды.
Шул уңайдан Субаш авыл китапханэсендә язучыга багышлап, башлангыч сыйныф укучылары өчен, “Балаларның яраткан язучысы” дип исемләнгән күргәзмә куелды. Китапханәче Петрова Л. балаларны язучының тормыш юлы һәм иҗаты белән таныштырды. Шулай ук Клара Булатованың җырлары да безне туган ягыбызны яратырга, үз мирасыбызга сакчыл мөнәсәбәттә булырга өйрәтә.
Без, китапханәче һәм укучылар, " Табигатькә сәяхәт" сериясе авторы һәм автор төзүчесе Т.Шакированың "Кошлар" дигән китапларыннан табигатебез бизәкләре булган кошлар хакында мәгълүматлар алдык, аларга багышланган шигырьләр, хикәяләр укыдык.
Шул унайдан, Айдар авылы мәдәният йортында, авыл китапханәсе белән берлектә, "Оста куллар" бәйләү-чигү берләшмәсенэ йөрүчеләр катнашында “Шигырьләр түшәлгән сукмакта” дип исемләнгән поэзия сәгате үткәрелде. Чәй табыны артында үткәрелгән әлеге чарада якташ шагыйрьләребезнең шигырьләре укылды.