ЯҢАЛЫКЛАР

Хәзерге вакытта  Кече Кибәхуҗа  җирле үзидарәсенә кергән Олы Кибәхуҗа авылында  яңа ачылган мәдәният йорты  янәшәсендә  авыл халкы ярдәме белән  хоккей площадкасы төзү эшләре башланып  киткән.  “Авыл яшьләре безгә бик теләп булыша бу эштә, рәхмәт аларга!” - дип хәбәр итте безгә мәдәният йорты директоры Рафил Хуҗин. 

Бүген, 21 октябрь Олы Мишә урта мәктәбендә “Укучының мәдәни көндәлеге” дигән дәрес  үткәрелде. Әлеге мәдәни тәрбия һәм белем бирүгә юнәлдерелгән проект нигезендә башлангыч сыйныф укучылары, әти-әниләре  белән   үзләре яшәгән шәһәрдәге, райондагы музей, театр, китапханә, концерт залларына йөрерләр, башкалабыз Казанның тарихи урыннарына сәяхәт итәрләр. Көндәлек нәниләргә республикабызның тарихи-истәлекле урыннарына, төрле мәдәни чараларга юл күрсәтер һәм рухи байлыкларыбыз белән якыннанрак танышырга ярдәм итәр.  Бу проект Татарстан Республикасы  Мәгариф һәм фән министрлыгы ярдәме белән Татарстан Республикасы Мәдәният министрлыгы тарафыннан гамәлгә куелган. 

20 октябрь көнне Иске Җөри авылы  китапханәсендә “Китап  иле-серле дөнья” дип исемләнгән  китап күргәзмәсе куелды. Күргәзмә укучы балаларны яңа кайткан китаплар белән таныштыру максатыннан оештырылды. Күргәзмәгә яңа кайткан балалар китаплары куелды.   

Баландыш төп гомуми белем бирү мәктәбендә укучыларның иң яраткан түгәрәкләре -“Бадминтон”. Бу түгәрәк атнага 3 тапкыр үткәрелә. Укучылар анда бик теләп йөриләр. Түгәрәк җитәкчесе Заббаров А.Ф. балаларда спортка мәхәббәт тәрбияләүдә үзенең бөтен көчен куеп эшли. 

   Олы Мишә урта мәктәбендә начар гадәтләргә каршы профилактик чаралар айлыгы бара. Укучыларга” Начар гадәтләргә-ЮК!” исеме астында рәсем конкурсы игълан ителде. “ Сәламәт яшәү рәвеше”, “ Наркоманиягә-ЮК”,          ” Начар гадәтләргә – ЮК!” темаларына сыйныф сәгатьләре үтә. Хәрәкәтле уеннар, спорт уеннары аша балаларны сәламәт яшәү рәвеше алып барырга өндибез. Укучыларыбыз шушы чаралар аша дөрес яшәү юнәлешен сайлыйлар.

2015 елның 20 октябрь көнендә «Родник» халыкка социаль хезмәт күрсәтү буенча комплекслы узәгенең  гаилә бүлеге хезмәткәрләре, «Тату гаилә» клубы кысаларына таянып,  социаль яктан куркыныч гаиләдәге һәм авыр тормышлы гаиләдәге  әниләр очен «Мәрхәмәтле башлангыч» дип исемләнгән  чираттагы дәрес үткәрелде. Бу дәреснең төп максаты: гаиләдә  бер–берсе белән аралашу ягын дөрес юнәлешкә кертеп җибәрү һәм ата-аналар тарафыннан тәрбияләү процессына кызыксындыру уяту.

Шушы очрашуның ахырында әниләргә кыска гына видео ролик күрсәтелде. 

Мәдәният йортында үткәргән һәр кичә төрле спорт уеннары, балаларның вакытларын мавыктыргыч итеп үткәрү өчен оештырыла.

  20 октябрь көнне Урта Мишә авылы клубында «Спорт сәламәтлек чыганагы» дигән исем астында теннис ярышы үткәрдек. Ярышта мәктәп укучылары катнашты.