Муниципаль районнар Теләче муниципаль районы

ЯҢАЛЫКЛАР

октябрь, 2015 ел

җомга

Иске Җөри авылы китапханәсендә «Нет - террору» дигән стенд ясалып китап укучылар игътибарына тәкъдим ителде.

25 сентябрь көнне Максабаш авылы китапханәсендә бер - береңә хөрмәт һәм бердәмлек хисе тәрбияләү максатыннан "Без төрле, тик без бергә" исеме астында китапларга күзәтү оештырылды.

“Яшәр өчен кояш, ирек hәм кечкенә генә чәчәк кирәк”, – дигән бөек әкиятче Ганс Христиан Андерсен.

Әйе, борын-борыннан ук чәчәкләр тормышыбызның аерылгысыз юлдашы. Күп кенә чәчәкләр символик мәгънәгә ия. Чәчәкләр кешеләр арасындагы гаҗәеп арадашчылар, аларга иң нечкә хисләреңне ышанырга була. 26 сентябрь көнне Урта Мишә авыл китапханәсендә “Чәчәкләр дөньясында” исемле экологик сәгать үткәрелде. Әлеге чараның максаты: балаларның чәчәкләр турындагы белемнәрен баету, матурлыкны күрә белергә өйрәтү, кеше тормышында чәчәкләрнең әhәмиятен ачыклау, чәчәкләрне тәрбияләү серләренә төшендерү булды.

"Экстремизмга - юк!" айлыгына багышланган әңгәмә дә үткәрелде.

Ямбулат авыл китапханәсендә милләтара һәм конфессияара бердәмлекне ныгыту, терроризм һәм экстремизм очракларын кисәтү, шулай ук халыкта экстремистик идеология белән килешмәүчәнлек тәрбияләү максатыннан тематик стенд эшләнгән иде. 26 сентябрь көнне Ямбулат авылы китапханәчесе һәм клуб мөдире тарафыннан урта сыйныф укучылары белән "Экстремизмга - юк!" айлыгына багышланган әңгәмә дә үткәрелде.

26 сентябрь көнне Айдар авылы китапханәсендә "Җир-әнкәнең зәңгәр күзләре" дип исемләнгән папка булдырылды.

Элеге эшнең максаты: чишмәләр турында мәгълүмат туплау, табигый байлык, изге урын буларак чишмәләргә карата сакчыл караш тәрбияләү. Әлеге папкага авылыбыз чишмәләре тарихы, алар турындагы истәлекләр, чишмәләргә багышланган шигырьләр тупланды.

26 сентябрь көнне Әбде мәдәният йорты хезмәткәре һәм китапханәче яшьләр белән “Эстремизмга юк” темасына әңгәмә уздырдылар.

Яшьләрдә көч куллануны, терроризмны, экстремизмны күрә алмау тойгысын, сабырлык хисләрен тәрбияләү максатында аларга “экстремизм”, “толерантлык” төшенчәләре аңлатылды, экстремистик эшчәнлекнең нәтиҗәләре мисалларда карап кителде. Әлеге чараны йомгаклап Дмитрий Семенов үзенең матур җырларын бүләк итте.

1 октябрь көнне Теләче Үзәк балалар китапханәсендә “Мир животных в мире людей!” китап күргәзмәсе төзелде.

Күргәзмә 4 октябрьдә үткәрелүче, дөньякүләм хайваннарны яклау көненә багышланган. Биредә безнең планетадагы хайваннар дөньясы турында әдәби китаплар һәм белешмәлекләр тәкъдим ителгән. Әлеге күргәзмә китап укучыларыбызның хайваннар дөньясы буенча бик күп сорауларына җавап бирәчәк.

Өлкәннәр!.. Олы кешеләр!...

Күпме мәгьнә табып була бу сүзләрдән, элек – электэн үк олы кешеләр тормышның, яшәешнең нигезен тәшкил иткәннәр: намуслы балалар үстерү, аларның бәхете өчен көрәшү, киләчәгебез якты һәм тыныч булсын өчен, табыннарыбыз мул, көннәребез уң булсын өчен башкарган барлык эшләр дә алар кулы аша үткән.

"Милләтләр кроссы-2015" үткәрелде.

26 сентябрь көнне Теләчебез үзәгендә "Милләтләр кроссы-2015" үткәрелде. Әлеге ярышлар җәйге спорт төрләре буенча Россия территориясендә үтә торган иң масштаблы һәм массакүләм спорт чарасы булып санала. Һәркем үзенә йөкләнгән араны үтеп үзенең көчен сынады. Бу чарада мәдәният хезмәткәрләре дә теләп катнашты. Коллегабыз Рәмзия Шаймарданова бу ярышта өченче урынны яулады.

1 октябрьдә Ямбулат авылы китапханәсендә "Көз бизәге -сары яфрак" дигән балалар иртәсе үткәрелде.

Алар көз турында шигырьләр сөйләделәр,җырлар җырадылар,яфраклардан букетлар ясадылар.Җыр ярышы буенча җиңүче,нәни китап укучы Камилә Насыйрова булды.

Моннан алдагы бит Алдагы бит

Датасы буенча тикшерү

ЯҢАЛЫКЛАРГА ЯЗЫЛУ