ЯҢАЛЫКЛАР

2
октябрь, 2015 ел
җомга
30 сентябрь көнне Лесной авылынын ашханәсендә Өлкәннәр көне уңаеннан бәйрәм чарасы булып узды.
Бәйрәмдә Югары Мәтәске авылыннан 33 кеше катнашты. Өлкәннәрне бәйрәм  белән Олы Мәтәске авылы җирлеге  рәисе М.А. Валиуллин,ветераннар советы рәисе Ә.Н. Нигъматзянова котладылар. Бәйрәм табын артында чәй эчү белән генә тәмамланмады. Өлкәннәр күңелле уеннарда катнашты, җырлап – биеп ял иттеләр.
1 октябрь - Өлкэннэр көне уңаеннан Казаклар авыл клубы мөдире, авыл китапханәсе белән берлектә әлеге бәйрәмне билгеләп үттек.

Бәйрәмебез өстәл табыны артында дәвам итте, өлкәннәребезгә  истәлекле бүләкләр тапшырылды. Өлкәннәребез чарадан бик канәгать калдылар.
1 октябрь Өлкәннәр көне уңаеннан Алан мәдәният йортында «Сез бик кирәксез безгә» дип исемләнгән бәйрәм тамашасы үткәрелде.
Өлкәннәр чәй табыны артында күңелле концерт карап, үзара сөйләшеп бик күңелле утырдылар. Бәйрәм ахырында Алан ширкәте тарафыннан әзерләнгән бүләкләрен алып, рәхмәтләр әйтеп өйләренә таралыштылар. 
"Бер курешу- узе бер гомер..."
1 октябрь көнне Олы Нырсы мәдәният йортында мәдәният хезмәткәрләре, китапханәче, Олы Нырсы җирлеге хемәткәрләре, Олы Нырсы урта мәктәбе укучылары белән берлектә, “Өлкәннәр көне уңаеннан "Бер курешу- узе бер гомер..." дип исемләнгән кичә үткәрелде.
Кичәне котлау сүзләре белән Олы Нырсы җирлеге башлыгы Гиниев Рөстәм Гаянович һәм мәктәп директоры Чернов Петр Александрович ачып җибәрде. 
Күңелләребезгә яхшылык орлыгы сибүче, акны - карадан, яхшыны - яманнан аерырга өйрәтүче өлкәннәр hәрвакыт хөрмәткә лаек.
 1 октябрь көнне Үзәк авылы мәдәният йортында Өлкәннәр көненә багышланган чара булып узды. Бәйрәм табыны артында алар рәхәтләнеп сөйләштеләр, серләштеләр, укучыларыбыз һәм укытучыларыбыз әзерләгән күчтәнәч - концерт программасы карадылар. Үзләрен ел саен  шулай зурлап кунак иткән, хөрмәтләгән мәдәният хезмәткәрләре  коллективына рәхмәт хисләрен җиткерделәр. 
Илебез буенча октябрь ае башында Өлкәннәр көне уздырыла.
Төрле җирләрдә өлкәннәрне котлаулар, бүләкләүләр, искә алулар бара. Бу бәйрәм көз көненә туры килә. Әллә инде өлкән буын вәкилләре үзләре табигатенең әлеге матур чагы кебек юмарт булгангамы, бәлки өлкәнәйгән саен кеше үзенең үткән юлына борылып карап нәтиҗәләр ясар чагын көз мизгеле белән чагыштырып карау гадәте булгангамы... Чыннан да бит өлкән буын кешесе үзен гомер көзенә кердек дип әйтүчән була. Көзләрегез матур, озын, кояшлы булсын хөрмәтле өлкәннәребез! 
1 октябрь- Өлкәннәр көне. Алардагыдай изгелек, сабырлык шулкадәр кирәк бүген. Бу хәвефле, тынгысыз, ыгы-зыгылы дөньяда бик кирәк алар!
Шул уңайдан  Субаш авыл мәдәният хезмәткәрләре өлкәннәрне тәбрикләп, өйләренә барып күчтәнәч пакетлар өләшеп йөрделәр.
1
октябрь, 2015 ел
пәнҗешәмбе
Өлкәннәр!.. Олы кешеләр!..
Күпме мәгьнә табып була бу сүзләрдән, элек – электэн үк олы кешеләр тормышның, яшәешнең нигезен тәшкил иткәннәр: намуслы балалар үстерү, аларның бәхете өчен көрәшү, киләчәгебез якты һәм тыныч булсын өчен, табыннарыбыз мул, көннәребез уң булсын өчен башкарган барлык эшләр дә алар кулы аша үткән.
Укучыларның каникуллары тәмамланып, яңа уку елы башланганнан соң мәдәният йортларында берләшмәләр эше башланып китте.
Үзәк авылы мәдәният йортында да клуб берләшмәләре эше җанланып китте, балалар дәресләре тәмамлангач бию, җыр, театр берләшмәләрендә шөгыльләнә   алалар.
«Очраштыра, күрештерә, дуслаштыра Аулак өй”.

Олы Мишә авыл китапханәчесе Гапзизова Рузалия өлкәннәр көне уңаеннан “Очраштыра, күрештерә, дуслаштыра Аулак өй” дип исемләнгән бәйрәм чарасы оештырды. Бу бәйрәм өлкәннәребезне хөрмәтләү, яшьләргә борынгы йолаларны аңлату максатыннан кич утыру күренеше итеп үткәрелде.
ЯҢАЛЫКЛАРГА ЯЗЫЛУ
Район турында
Документлар
Гражданнар мөрәҗәгате
Элемтә өчен белешмәләр
Телефон: 8 (84360) 2-11-89, 2-16-66
Факс: 8 (84360) 2-11-89
E-Mail: telache@tatar.ru
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International