Муниципаль районнар Теләче муниципаль районы

ЯҢАЛЫКЛАР

сентябрь, 2015 ел

сишәмбе

Иң күңелле һәм рәхәт ял мөгаен табигатьтәдер.

Чөнки тирә якта – яшеллек, матурлык, саф һава. Балаларның укудан сонгы вакытларын күңелле итеп үткәрә максатыннан Максабаш мәдәният йорты хезмәткәрләре балалар белән бергәләшеп табигать кочагына ял итәргә чыктылар. Балалар белән бергәләшеп балык тоттылар, туплы уеннар уйнадылар.

"Экстремизмга - Юк!"

Экстремизмга каршы Республикада милләтара бердәмлекне ныгыту, терроризм һәм экстремизм очракларын кисәтү, шулай ук халыкта экстремистик идеология белән килешмәүчәнлек тәрбияләү максатыннан, 1 сентябрьдән 30 сентябрьгә кадәр "Экстремизмга - Юк!" айлыгы игълан ителде . 19 сентябрь көнне Ямбулат авылы клубында да урта сыйныф укучылары катнашында шул айлыкка карата әңгәмә үткәрелде.

Олы Мәтәскә мәдәният йортында "Өмет" театр берләшмәсенә йөрүче балалар белән берлектә, сәламәт яшәү рәвешен пропагандалау йөзеннән "Сәламәт яшик әле" дип исемләнгән, спорт уеннарыннан торган чара үткәрелде.

Бу чарада теннис уеннары, сәламәтлекне ныгыту өчен төрле спорт күнегүләре, шашка, шахмат уеннары уйналды. Без укучыларның иҗади сәләтләрен үстерү өстендә генә түгел, сәламәтлекләрен ныгыту өстендә дә эшләргә тиешбез.

Айдар башлангыч мәктәбенен 1-4 сыйныф укучылары табигатькә экскурсиягә чыктылар.

Балалар көзге табигатьне кузәттеләр, чуп-чарларны жыйдылар, төрле уеннар уйнадылар, вакытны кунелле һәм файдалы итеп уткәрделәр.

Китап күргәзмәсе оештырылды.

18 сентябрь көнне Субаш авылы китапханәсендә танылган прозаик, драматург, публицист һәм күренекле җәмәгать эшлеклесе Гариф Ахуновның
тууына 90 ел тулу уңаеннан "Әсәрләрдә тормыш сулышы" дип исемләнгән китап күргәзмәсе оештырылды. Күргәзмәгә язучының автобиографиясе, төрле елларда чыккан китаплары куелды. Күп кенә әсәрләре китап укучыларда кызыксыну уятты.

21 сентябрь көнне Төрек Тәмте авылы китапханәчесе Закирова З.Д. тыл ветераннарының өйләренә барып, аларны яңа кайткан китаплар һәм газета – журналлар белән таныштырды.

Ветераннар үзләрен борчыган сораулар белән уртаклаштылар. Аеруча “Сөембикә”, “Гаилә учагы” журналларын, “Юлдаш”, Татарстан яшьләре” газеталарын яратып укулары турында әйттеләр. Тагын килүне үтенеп, рәхмәт әйтеп озатып калдылар.

7 нче сентябрь көнне Теләченең №1 балалар бакчасында һәр елны уздырыла торган спорт бәйрәме “Көзге кросс” булып узды.

Чабышта барлык төркем балалары да катнашты. Һәр төркемдә үз җиңүчеләре билгеләнде. Ярышның кульминацион өлеше булып, барлык бакча эшчеләренең дә кросста үзләренең көчен сынап караулары булгандыр, мөгаен.Кечкенәләр өчен олы апаларның ярышы аеруча да күңелле булды. Техник хезмәткәр Ибрагимова Г.Н беренчелекне бирмәде.Афәрин!

21нче сентябрь көнне Баландыш төп мәктәбендә Бөтенроссия фән олимпиадаларының мәктәп туры старт алды.

Кичә укучылар белемнәрен экономика фәнненнән тикшерсә, бүген алар үзләрен математика фәненнән сыныйлар. Мәктәп туры октябрьгә кадәр дәвам итәчәк. Җиңүчеләр мәктәп данын муниципаль этапта яклаячак. Уңышлар телибез!

Яшь музыкантлар.

Музыка тыңлау балаларның рухи дөньясын баета, музыкаль сәләтләрен үстерә .Безнең балалар бакчасында музыка шөгыле һәр төркемдә үткәрелә. Шөгыльләр матур һәм мавыктыргыч итеп оештырыла . Балалар музыка шөгылен яратып, зур кызыксыну белән көтеп алалар. Алар җырлы-биюле уеннар уйныйлар, җырларга һәм биергә өйрәнәләр, төрле музыка кораллары белән танышалар.

19 сентябрь көнне Алан авыл китапханәчесе балалар бакчасына йөрүче балаларга Равилә Шәйдуллинаның балалар өчен язылган "Мүкләк белән Сөзгәк" поэмасын тәкъдим итте.

Әсәр балаларны үзара дус булырга, кечеләрне, көчсезләрне якларга өйрәтә, олыларны хөрмәт итәргә, алар сүзенә колак салырга өнди. "Кешегә кое казыма - узең төшәрсең" мәкале әсәрнең төп идеясен тәшкил итә. Алан авылында туып үскән Равилә Шәйдуллина - Татарстанның атказанган сәүдә хезмәткәре, Россия Федерациясенең сәүдә отличнигы, Почет билгесе ордены кавалеры, "Батыр малай", "Буду капитаном" дип исемләнгән балалар китаплары авторы буларак билгеле.

Моннан алдагы бит Алдагы бит

Датасы буенча тикшерү

ЯҢАЛЫКЛАРГА ЯЗЫЛУ