Муниципаль районнар Теләче муниципаль районы

ЯҢАЛЫКЛАР

март, 2015 ел

дүшәмбе

21 март көнне Айдар авылы китапханәчесе тыл ветераннарының өйләрендә булды.

Аларны яңа газета- журналлар белән таныштырды. Тыл ветераны Әхсәнов Фәтхелислам абыйга 84 яшь булса да, ул бик теләп китаплар, газета- журналлар укый, район хәбәрләре белән кызыксына.

21.03.2015 конне Олы Нырсы мэдэният йорты каршында "Хуш килэсен "Нэурузбикэ"!" дип исемлэнгэн бэйрэм уткэрелде.

Элеге бэйрэмдэ авыл халкы бик телэп катнашты. Бэйрэмдэ торле ярышлар, конкурслар хэм кызыклы уеннар оештырылды. Шулай ук мэктэп укучылары хэм студентлар белэн берлектэ эзерлэнгэн концерт программасы да курсэтелде. Болардан тыш шашлык пешеру, коймак, чэй дэ сату оештырылды. Ахырында ярышларда, уеннарда катнашучыларга истэлекле булэклэр тапшырылды. Элеге чарадан авыл халкы бик канэгать булып таралышты. Э кич белэн мэдэният йортында бэйрэм дискотекасы оештырылды.

Хуш киләсең, Яз!

Карт көртләре көләч язгы кояш нурларыннан юл кырыена ышыкланып калды. Алар инде элеккечә аклык белән күзне чагылдырмый, ә тыйнак кына гөрләвеккә әверелеп, кара туфракка урын биргән сыман, юкка чыгалар. Көннәр җылы, һавада хуш ис таралса да, яз тулы хокукы белән килергә ашыкмый. Бу хикмәтнең сере кая яшеренгәнлеген 1 нче номерлы балалар бакчасына йөрүче нәниләр агымдагы елның 20 мартында Нәүруз бәйрәмендә белделәр.

3 чирекне тәмамладык.

3нче чирекнең соңгы көне. Гомуми линейкада укуга йомгак ясалды. Төрле конкурсларда катнашып, урын алган укучыларга Грамоталар тапшырылды. Язгы каникулга эш планы белән таныштырылды. Сыйныф җитәкчеләре класс җыелышларында язгы каникул вакытына инструктаж үткәрделәр.

Урман көне.

21 нче март көнне Лесной төп гомумбелем бирү мәктәбендә барлык сыйныфлар өчен дә Урман көненә багышланган тәрбия чарасы үткәрелде. Чарада Ленин урманчылыгы җитәкчесе – Халиуллин Айдар Адгамович катнашты

20 нче март көнне, 10ынчы Президент спорт ярышлары муниципаль этабы кысаларында шахмат буенча ярышлар үтте.

Анда 1998-2000 нче елгы кызлар һәм егетләр көч сынашты. Безнең мәктәптән 3 укучы катнашты. Һадиуллина Адилә – 1 урын, Мубинов Салават – 2 урын. Командабыз беренче урында. Адилә һәм Салават 25 март көнне Казанга район данын якларга баралар. Уңышлар сезгә!

20 март көнне Алан урта мәктәбендә “ Нәүрүз” бәйрәме узды.

Нәүрүз йолаларына, гореф гадәтләренә нигезләнгән әлеге бәйрәм “ Нәүрүз гүзәлләренең “ бәйгесе белән тәмамланды. Бәйрәмдә Алан һәм Балыклы авылы мәдәният йортлары иҗат төркемнәренә йөрүче яшьләр дә катнашты.

2015 елның 20 мартында Кече Кибәхуҗа төп мәктәбендә Бөек Җиңүне якынайтуга үзләреннән зур өлеш керткән сугыш һәм тыл ветераннарыбызны хөрмәтләү тантанасы булып узды.

Тантанада Теләче муниципаль районы башлыгының аппарат җитәкчесе И.В.Мөбинов, халыкны социаль яклау бүлеге начальнигы Ф.М.Галимова катнашты. Алар ветераннарыбызга Бөек Җиңүнең 70 еллыгына багышланган медальләр тапшырып олы рәхмәт хисләрен җиткерделәр, алдагы көннәрендә исәнлек-саулык теләделәр.

20 март көнне Теләче урта мәктәбе базасында 11 сыйныф укучылары математикадан тест эшләделәр.

Әбде урта мәктәбе укучылары да әлеге тестта катнашты. Тест эшләгәннән соң укучылар үзләренә нәтиҗә ясап, белемнәрен тагын да ныгытырга кирәклеген ачыкладылар. Бу ялгышлар бердәм дәүләт имтиханын тапшырганда булмас дип ышанабыз.

Алан авылы һәм Балыклы авылы мәдәният йортлары каршында эшләүче сәнгать төркемнәре алда булачак бәйрәм - тамашаларга әзерләнә.

Моннан алдагы бит Алдагы бит

Датасы буенча тикшерү

ЯҢАЛЫКЛАРГА ЯЗЫЛУ