ЯҢАЛЫКЛАР
Терроризм җинаять, аның төп максаты - җәмәгать иминлеген бозу, ул гражданнарның тормышына һәм сәламәтлегенә, критик инфраструктура объектларына, табигый, мәгълүмати мохиткә, дәүләт идарәсе органнарына, дәүләт һәм җәмәгать эшлеклеләренә һөҗүм итүдә чагыла. Куелган максатларга ирешү халыкны һәм хакимият органнарын куркыту ысулы белән башкарыла. Терроризм төшенчәсен аңлату максатыннан 21 декабрь көнне Олы Мәтәскә авылы мәдәният хезмәткәрләре “Терроризм чикләр белми” дигән исем белән әңгәмә үткәрделәр. Әңгәмә барышында яшьләргә экстремизм һәм терроризмның нәрсә икәнлеге, террорчылык оешмасына ничек эләкмәскә, теракт куркынычы булган очракта үзеңне ничек тотарга, террорчыларга каршы нинди чаралар күрергә кирәклеге турында сөйләнелде.
Китапханәчеләр җеп сайлау серләрен, ыргакны дөрес тоту һәм элмәкләрне җыю алымнарын җентекләп аңлаттылар, шулай ук төрле ыргаклар белән таныштырдылар һәм иң уңайлысын билгеләделәр. Һәр бала янына игътибар белән килеп, китапханәчеләр төп бәйләү техникасын — элмәкләр һәм баганалар ясау серләрен өйрәтә бардылар. Катнашучылар зур тырышлык һәм кызыксыну күрсәтеп, ыргак белән бәйләүнең төп күнекмәләрен үзләштерделәр. Әлеге мастер-класс балаларның иҗади сәләтләрен үстерүгә, яңа һөнәр белән танышуга һәм үз-үзләренә ышаныч арттыруга зур этәргеч булды.
Зирәк «аптекарь» ролендә китапханәче яшь укучыларга күңелсезлекне, моңсулыкны һәм начар кәефне җиңү өчен уникаль «рецептлар» — кызыклы китаплар, мавыктыргыч викториналар һәм күңелле конкурслар тәкъдим итте. Чара программасы төрле һәм бай эчтәлекле булды: «Акыл өчен витаминнар» — фикерләүне, логиканы үстерүче интеллектуаль уеннар, башваткычлар, шулай ук күңелне күтәрүче, яңа илһам, көч бирүче җанлы һәм кызыклы тарихлар уку өлеше дә бар иде. Йомгаклау мизгелендә «Алтын формуляр» исеме астында укучыларның активлыгы бәяләнде, анда иң актив һәм тырыш катнашучыларга бүләкләр тапшырылды. Бу аларның китапка булган мәхәббәтләрен хөрмәтләү генә түгел, ә киләчәктә дә яңа әдәби ачышлар ясау һәм иҗади үсеш юлында көчле илһам чыганагы булып хезмәт итәчәк.
18 декабрь көнне Теләче балалар китапханәсендә шагыйрь, педагог һәм Татарстан Язучылар берлеге әгъзасы Мөҗәһит Заһит улы Әхмәтҗановның тууына 75 яшь тулуга багышланган китап күргәзмәсе әзерләнде. Мөҗәһит Әхмәтҗанов «Мин санарга өйрәнәм», «Матур булыйк» һәм «Сыерчык бураны» кебек балалар китаплары авторы. Китапханә хезмәткәрләре күргәзмәдә тәкъдим ителгән китапларга күзәтү ясадылар һәм китап укучылар белән фикер алышу, әңгәмә үткәрделәр. Шулай ук күргәзмәгә куелган китапларны өйгә укырга алырга да мөмкин иде.
Чараны алып баручы кунакларны чәйнең бай тарихы белән таныштырды: кайдан һәм кайчан ул безнең илгә килеп кергән, чәй эчү гадәте ничек барлыкка килгән. Кунаклар чәй турындагы борынгы риваятьләрне зур кызыксыну белән тыңладылар. Чәй — табигатьнең иң бай даруханәсе.
2025 елның 18 декабрендә «Батыр» спорткомплексында 1-2 класс, 3-4 класс, 5-6 класс, 7-9 класс кызлары һәм егетләре арасында, Ватанны саклаучылар елына һәм Бөек Ватан сугышында Җиңүнең 80 еллыгына багышланган өстәл теннисы буенча Теләче муниципаль районы Беренчелеге булып узды. Ярышларда районыбызның 7 мәктәбеннән 93 яшь теннисчы катнашты.
18 декабрь көнне «Батыр» спорткомплексында 1-2 класс, 3-4 класс, 5-6 класс, 7-9 класс кызлары һәм егетләре арасында, Ватанны саклаучылар елына һәм Бөек Ватан сугышында Җиңүнең 80 еллыгына багышланган өстәл теннисы буенча Теләче муниципаль районы Беренчелеге булып узды. Ярышларда районыбызның 7 мәктәбеннән 93 яшь теннисчы катнашты.
15 декабрь көнне Халыкара чәй көне буларак билгеләп үтелә. Күңелне күтәреп җибәрүче, арыганлыкны бетерүче, зиһенне ача һәм ялкаулыкны куып җибәрә торган, халкыбызның иң матур һәм кадерле гореф-гадәтләренең берсе — чәй эчү. Татар халкы гомер-гомергә бу могҗизалы эчемлекне яратып, аңа зур хөрмәт белән карап яшәгән. Ашыйсы килсә дә, эчәсе килсә дә, арыган чакта да, кәеф төшкәндә дә безнең халык һәрвакыт шушы сихри эчемлеккә мөрәҗәгать иткән.
19 декабрь көнне Теләче үзәк китапханәсе хезмәткәрләре китап укучыларны китапханәгә килгән яңа китаплар белән таныштыру максатыннан, янгын сүндерү бүлеге хезмәткәрләренә “Яңа китаплар дөньясында” исемле мәгълүмат көне үткәрделәр. Укучылар игътибарына яңа китаплардан торган китап күргәзмәсе тәкъдим ителде. Теләгән һәркем әлеге китаплар белән танышты һәм зур кызыксыну белән өйләренә укырга алды.
Халыкара чәй көненә багышланган чаралар кысаларында 18 декабрь көнне Урта Мишә авылы китапханәсендә клуб белән берлектә «Кызыклы китаплар укып, чәй эчәбез бергәләп» дип исемләнгән җылы әңгәмә үткәрелде. Татар халкын файдалы һәм тәмле бу эчемлектән башка күз алдына китерү мөмкин түгел. Нинди генә бәйрәмнәр, очрашулар булмасын, алар һәрвакыт күңелле чәй табыны артында тәмамлана. Чарада катнашучыларга чәйнең тарихы, аны үстерү һәм җыю урыннары, дөрес пешерү тәртибе, саклау кагыйдәләре, үлән чәйләренең сихәтле үзлекләре турында бай мәгълүматлар тәкъдим ителде. Шулай ук чәй һәм чәй эчүгә багышланган мәкальләр, әйтемнәр, табышмаклар укылып, очрашуга аеруча җанлы һәм җылы рух өстәлде.