ЯҢАЛЫКЛАР
Ул бөтен дөньяда тәмәкесез көн буларак билгеләп үтелә. Савыты төрле - зыяны бер үк. Бөтендөнья сәламәтлек саклау оешмасы мәгълүматларына караганда, һәр ун кешенең берсенең үлеменә тәмәке тарту сәбәпле. Әлеге датага карата Урта Мишә авыл китаханәсендә клуб белән бергә “Тәмәкенең зыяны” исемле темага күргәзмә ясалды һәм әңгәмә үткәрелде. Күргәзмәдә әлеге проблемага кагылышлы китаплар, брошюралар урын алды.
Ике командага бүленеп, балалар төрле өлкәләрне колачлаган викторинада көч сынаштылар. Шулай ук традиция буенча бу көнне «Җәй китаплар белән җылынсын» җәйге укулар программасы ачылды. Китапханәдә һәм мәйданчыкта теләсә нинди зәвыкка һәм яшькә туры килә торган китап күргәзмәләре эшләнде. Актив катнашканнары өчен бәйрәм кунаклары татлы призлар алды.
Безнең балалар өчен – ул һәрвакыт иң күркәм һәм иң көтеп алынган бәйрәм, чөнки мәктәпләрдә укулар тәмамланган һәм каникуллар башланган вакыт бу. Һәм һәрвакыт шулай булып калсын да!. Иң мөһиме – балаларыбыз бәхетле һәм кешелекле булып үссеннәр. Бу көнне Югары Кибәхуҗа авылы мәдәният хезмәткәрләре дә китап укучы балалар белән бәйрәм иттеләр. Төрле уеннар уйнатылды, табышмаклар, мәкальләр әйтеш оештырылды, балачак турында шигырьләр сөйләнде. Бәйрәм бик күңелле үтте.
Бу дата уңаеннан Урта Мишә авылы мәдәният хезмәткәрләре “Исәнме бәйрәм, исәнме җәй!” исемле күңел ачу - уен программасы үткәрделәр. Балалар үзләренең зирәклек һәм җитезлекләрен күрсәттеләр. Балалар - безнең тормышыбыз чәчкәләре! Балачак – иң бәхетле һәм мәшәкатьсез вакыт ул, күңелдә җылы хисләр генә калдыра. Без һәр баланың әти-әнисе кочагында үсүен, һәр сабыйның үз бәхете белән туып, олыларның игътибарын, кайгыртуын һәм мәхәббәтен тоеп яшәвен телибез.
Ул ярыш формасында узды. Уен турларында балалар әкиятләр буенча биремнәр үтәделәр, шагыйрьнең әкиятләреннән өзекләр укыдылар. Шулай ук «Акыл өчен күнегүләр», «Әкият чуалышы», «Театр сәхнәләре», «Әкият математикасы» кебек кызыклы ярышларда катнаштылар.
Бөтендөнья тәмәке тартудан баш тарту көне уңаеннан, Югары Кибәхуҗа авылы китапханәсендә “Без тәмәкегә каршы” дип исемләнгән кисәтү сәгате үткәрелде. Аның барышында китапханәче мәгълүмати материаллар ярдәмендә яшүсмерләрне тәмәке тарихы, тәмәке тарту, шул исәптән электрон сигаретлар куллану бөтен организмга әйтеп бетергесез зыян китерүе белән таныштырды. Китапханәче, тарихи белешмәләр китереп, дөнья буенча тәмәке тарату юллары, бу начар гадәттән күпме кешенең җәфа чигүе, һәлак булуы турында мәгълүмат җиткерде. Яшүсмерләргә тәмәке тартуның куркыныч нәтиҗәләре, тәмәке тартучы кешенең үзенә генә түгел, әйләнә-тирәдәгеләргә дә зыян китерүе турында кабат искәртелде.
Җылы бәйрәм безгә, өлкәннәргә, балаларыбызның тормышы, сәламәтлеге һәм иминлеге өчен зур җаваплылык турында искә төшерә. Үсеп килүче буынны саклап, без Россиянең имин киләчәген төзибез! Балаларыбызга бүләк иткән игътибар, мәхәббәт һәм кайгырту илебез өчен һичшиксез уңышларга һәм казанышларга әвереләчәк.
2 июньдә Кукмара шәһәрендә "Алга" командасы 2010-2011 елларда туган егетләр арасында футбол буенча Татарстан Республикасы беренчелегенең зона этабында беренче уенын уйнады. Безнең егетләр Питрәчнең беренче уенын 4:2 исәбе белән, Кукмара белән икенче уенын 6:2 исәбе белән җиңде. Команда составы: Ибраһимов Илназ, Абдуллин Самир, Әхмәтвалиев Адель, Зәкиев Илмир,Мортазин Камил, Мөхәмәтшин Ралиф, Сәләхов Илсаф, Мөликов Данияр, Хәбибрахманов Азат. Команда җитәкчесе Хәбиров Р. Г.
Анда Теләче урта мәктәбе (116,904 кг), Баландыш төп мәктәбе (4,5 кг), Сауш төп мәктәбе (5,414 кг), Югары Кибәхуҗа урта мәктәбе (5,689 кг) , Шәдке урта мәктәбе (15 кг), Иске Җөри балалар бакчасы (10 кг), Алан урта мәктәбе (6,3 кг), 1 нче номерлы Теләче балалар бакчасы (31 кг), 2 нче номерлы Теләче балалар бакчасы (47, 08 кг) актив катнаштылар.
Үз эшчәнлеге турында белешмәләрнең ачыклыгын һәм үтемлелеген арттыру максатларында 2025 елның 11 июнендә 12.00 сәгатьтән 16.00 сәгатькә кадәр «Роспотребнадзор» ның Татарстан Республикасы буенча идарәсе республика территориясендә идарәдә һәм 12 территориаль идарәдә эшкуарлар өчен бердәм "Ачык ишекләр" көне оештыра.