ЯҢАЛЫКЛАР

Бәйрәм "Сабантуйга барабыз" дигән шигыре һәм җыры белән ачылды. Балалар татар халык уеннары белән таныштылар: капчык киеп йөгерү, чүлмәк вату, кашыкка йомырка салып йөгерү , балык тоту . Барлык уеннар да дәртле музыка белән үрелеп барды. Балаларны бүләкләр, күңелле уеннарда һәм эстафеталарда катнашу сөендерде. "Сабантуй" бәйрәме татар биюе белән тәмамланды. Шәп, кызык, ялкынлы иде!

Әлеге көн Россиянең барлык китапханәчеләре өчен һөнәри бәйрәм булып тора. Бәйрәм уңаеннан, 28 май көнне Айдар авылы китапханәсендә «Китапларга багышланган гомер» дип исемләнгән очрашу үткәрелде. Чарага озак еллар китапханәче булып хезмәт иткән, тирән эз калдырган, хәзерге вакытта лаеклы ялда булган мөхтәрәм шәхесләр Фәния Сафина, Юлия Федорова, Миннегөл Зинатуллина һәм Субаш авылы китапханәчесе Лидия Петрова чакырылды. Очрашу кунаклары үзләре эшләгән еллардагы истәлекле вакыйгалар белән уртаклаштылар. Кичә бәйрәм белән котлап, хәлләр белешеп, эш тәҗрибәләре белән уртаклашып, аларның киңәшләрен тыңлап дәвам итте.  Мәдәният хезмәткәрләре аларны китапханәдәге үзгәрешләр, яңалыклар белән таныштырдылар. Шулай ук язучылар, яңа әсәрләр турында фикер алыштылар. Өлкәннәребез китапханә, клуб эшләре белән интернет челтәре аша да танышып баралар, эшләребезгә уңай бәя бирделәр. Хезмәтегез, гасырлар дәвамында тупланган киңәшләрегез өчен рәхмәт сезгә, хөрмәтле остазларыбыз!

29 май көнне Теләче муниципаль районы АҖ «Алан» хуҗалыгында үзйөрешле хәм азык әзерләү комбайннарына дәүләт техник карау үткәрелде.

          Әзерлекне тикшерүдә, Үзйөрешле машиналар хәм техниканың башка төрләренә техник торышына күзәтчелек  итү  идарәсе җитәкчесе-И.Р.Баев, хуҗалык җитәкчесе хәм белгечләре катнашты.   

          Үзйөрешле хәм азык әзерләү комбайннарын техник карау үткәргән вакытта, механизатор белән тәэмин ителүве, тракторист - машинист таныклыгы булувы, комбайнның  документлары хәм йөртү рөхсәте тикшерелде.

          Комбайннарның комплектлаштырылувына, техник хәм янгын куркынычсызлыгы кагыйдәләренең үтәлүвенә аеруча зур игътибар бирелде. Хәрбер комбайн янгын сүндерү җайланмалары белән (огнетушительләр, көрәк, ком, кошма хәм башка кирәк – ярак белән) хәм шулай ук, аптечкалар белән тәэмин ителгән иде.

Китапханәләр кешеләрне белем, әдәби сәнгать, тарих, мәдәният һәм гади кешелек дөньясына кечкенәдән үк алып керәләр. Бернинди заманча технологияләр дә китап белән тере элемтәне алыштыра алмый. Китап -  китапханәнең нигезе. Ә китапханәне булдыручылар һәм яшәеше сагында торучылар китапханәчеләр.                                                                                                                    Китапханәләр көне уңаеннан 28 май көнне Олы Мәтәскә авылы китапханәсендә «Китап шәһәрчегенә сәяхәт» дип исемләнгән ачык ишекләр көне үткәрелде. Чарада «Җәүһәр» фольклор коллективы һәм башка олы яшьтәге китап укучылар катнаштылар. Алар яраткан авторларының  китапларын барладылар, китапханә  һәм аның тарихы белән таныштылар.

Бүген коррупциягә каршы көрәш, профилактик чаралар - зур һәм мөһим проблемалар булып торалар.                                                                                            28 май көнне Урта Мишә авылы мәдәният хезмәткәрләре «Балалар коррупциягә каршы» дип исемләнгән темага профилактик әңгәмә үткәрделәр. Әңгәмә барышында «коррупция», «ришвәтчелек» төшенчәләре аңлатылды, тормыштан мисаллар китерелде. Мондый чаралар яшь буында коррупция проблемасын һәм аның нәтиҗәләрен аңлауны формалаштыруда зур роль уйный, шулай ук балаларны җәмгыятьтә намуслы һәм гадел булырга кирәклеген өнди.

Әлеге акция өчен махсус буклетлар ясалды. Акция кысаларында укучыларга китапханәгә чакырып һәм китапханәдә булган әдәбиятны рекламалап, буклетлар таратылды. Бу чара укучыларны китапханәгә җәлеп итүгә, китапларны һәм китапханә хезмәтләрен популярлаштыруга юнәлдерелгән иде.

Китапханәләр көне - китап укуга катнашы булган һәркемнең бәйрәме. Әлеге көн Россиянең барлык китапханәчеләре өчен һөнәри бәйрәм дә булып тора. Бүген компьютерлар, телевизорлар һәм чиксез күп күңел ачулар гасырында баланы мавыктыру бик җиңел. Әмма балачактагы иң җылы хатирәләр нәкъ менә сабыйның әти-әниләре белән вакыт үткәрүе булачак. Бу бәйрәм көне уңаеннан Субаш авылы китапханәсе китап укучы гаиләләр белән «Гаилә укулары» акциясенә кушылды.

Чара барышында катнашучылар «коррупция» сүзенең мәгънәсен, аның белән ничек көрәшергә кирәклеген белделәр. Чарада катнашучылар коррупция темасына сорауларга җавап бирделәр, «Ришвәт нәрсә ул? һәм «Ришвәт бүләктән нәрсә белән аерыла?». Мәктәп укучылары белән барлык илләргә һәм төбәкләргә кагыла торган бу катлаулы күренеш турында, коррупция Дәүләт төзелешен какшата һәм теләсә кайсы илнең, хәтта иң алга киткән илнең дә икътисадый үсешен туктата икәнлеген сөйләштеләр. Балалар хөкүмәтнең аңа каршы көрәш буенча нинди чаралар күрелүен, яшь буынның коррупциягә каршы көрәштә ничек ярдәм итә алуын белделәр, китаплардагы геройларда коррупция гамәлләре мисалларын китерделәр, «Коррупциягә каршы тору турында» Россия Федерациясе законы мәкаләсен укыдылар һәм әлеге хокук бозулар өчен затларның нинди җаваплылык тотуын белделәр. Чара ахырында балалар намус белән яшәргә һәм законнарны үтәргә кирәк дигән нәтиҗә ясадылар.  

Аны сабантуй алдыннан берничә көн кала җыялар: егетләр гармуннар тота, кызлар җырлыйлар, өйдән – өйгә кереп, такмак әйтеп, хуҗаларны сәламлиләр. Ә өй хуҗалары, үз чиратларында, өйләреннән чыгып, теләкләр теләп, сабантуйга дип хәстәрләнеп куйган бүләкләрен тапшыралар.
Шушы максат белән, Баландыш авылы китапханәсе «Кояшкай» балалар бакчасына йөрүче балалар белән берлектә милли бәйрәм – Сабантуйга бирнә җыю оештырылды.

Бу китапханә хезмәткәрләренең һөнәри бәйрәме генә түгел, бу китап укуны яраткан һәркемнең бәйрәме. Китапханәләр көне кысаларында Шәтке авылы китапханәсендә «Китапханә иленә сәяхәт» дип исемләнгән библиографик дәрес үткәрелде. Китапханәче бәйрәмнең тарихы, китапның әһәмияте һәм китапханәнең бүгенге дөньядагы роле турында сөйләде. Шулай ук китапның төзелеше белән таныштырылды, балалар тышлыкның ни өчен кирәклеген, беренче битнең ничек аталуын, баш биттән нәрсә белергә мөмкинлеген, сүзлекләр, энциклопедияләр турында белделәр.