ЯҢАЛЫКЛАР

Бу көнне без бу фаҗигале көннәрне искә төшереп кенә калмыйбыз, нацизм һәм геноцидның хәзерге заман күренешләренә каршы көрәштә берләшәбез. Безнең илгә һөҗүм иткән нацистлар коточкыч җинаятьләр кылган, хәзер без аларны геноцид дип атыйбыз. Миллионлаган тыныч кешеләрнең, картларның, балаларның гомерләрен өзгән Бөек Ватан сугышы елларын искә төшерү генә җитә һәм безнең йөрәкләр кайгы, күз яшьләре, авырту белән тула башлый. Әлеге көн уңаеннан, 19 нче апрель көнне Олы Мәтәскә мәдәният хезмәткәрләре мәктәп укучыларына «Хәтер мәңге тере» дип исемләнгән патриотик сәгать үткәрделәр.

2025 елның 21 апрелендә «Батыр» спорт комплексында 1-2 класс, 3-4 класс, 5-6 класс,7-8 класс укучылары арасында Ватанны саклаучылар елына һәм Бөек Ватан сугышында Җиңүнең 80 еллыгына багышланган бадминтон буенча Теләче муниципаль районы Беренчелеге булып узды. Беренчелектә районның 7 мәктәбеннән 84 яшь бадминтончы көч сынашты.

Агымдагы елнын 21 апрель конне АЖ «ТАТАВТОДОР» Арча филиалы Телэче юл тозэту участогында  булган   трактор, узйорешле  хэм тагылма техникаларга еллык техник карау уздырылды. Чарага 11 берэмлек техника куелган иде.

15 апрель көнне Бердәм экологик белем көне кысаларында, экологик белемнәрне үстерү һәм экологик культураны формалаштыру максатыннан Иске Җөри авылы модель китапханәсендә укучылар өчен китапханә сәгате үткәрелде. Яшь укучылар Җир планетасының экологик проблемалары белән таныштылар, табигатькә сакчыл караш, киләчәк буыннарга аның матурлыгын саклап калу өчен табигатькә ярдәм кулы сузарга кирәклеге турында белделәр. Чара ахырында балалар табигать, экология турында шигырьләр укыдылар. Шулай ук китапханәдә китап күргәзмәсе оештырылды.

Бөек Ватан сугышы елларында нацистлар тарафыннан совет халкына геноцид истәлегенә, Бөтенроссия Бердәм гамәлләр көне уңаеннан Шармыш авылы китапханәсендә «Булганны онытмабыз» дип исемләнгән тарихи-патриотик сәгать үткәрелде. Чара барышында яшь укучылар тарихи вакыйгаларга чумдылар, халык геноцидын исбатлый торган бәхәссез фактларны белделәр. Китапханәче Бөек Ватан сугышының иң ачы битләре - нацистларның һәм аларның ярдәмчеләренең оккупацияләнгән территориядәге җинаятьләре, совет халкына ниләр кичерергә туры килүе турында сөйләде. Германия концлагерьлары турында сөйләде, анда да йөзләрчә мең совет кешесе фашистлар тарафыннан һәлак булды. Балалар әлеге көнгә әзерләнгән күргәзмә белән таныштылар һәм китапханәче «Егерме җиде нарат өе» китабына игътибар итте, анда халыкның батырлыгы турында язылуы турында сөйләде.

Шуңа күрә бу көнне мәдәни мирасны саклау һәм яклау белән бәйле төрле чаралар үткәрелә. Әлеге көн уңаеннан Күкчә авылы мәдәният хезмәткәрләре «Хәтер сагында һәйкәлләр» дигән темага әңгәмә үткәрделәр. Чараның максаты - укучыларны бу көннең барлыкка килү тарихы белән таныштыру, туган якка әхлакый-патриотик хисләр булдыру, һәйкәлләргә һәм истәлекле урыннарга хөрмәт тәрбияләү, аларның матурлыгын саклау.

Әлеге көнне Әбде авылы китапханәсендә хәтер сәгате үткәрелде. Анда «1941-1945 елларда совет халкы геноциды турында хакыйкать» видеофильмы күрсәтелде, аны карау барышында катнашучылар тарихи вакыйгаларга чумдылар, үлем лагерьларын, Бөек Ватан сугышының иң ачы битләрен - оккупацияләнгән территориядә нацистларның һәм аларның булышчыларының җинаятьләре турында мәгълүмәт алдылар. Бөек Ватан сугышы елларында халыкка, фашистлар әсирлегенә эләккән кешеләргә һәм кешеләрне аяусыз кырып бетерүгә гаять зур сынаулар туры килгәнлеген белделәр. Шулай ук истәлекле датага китапханәдә күргәзмә ясалды.

Әлеге истәлекле датага багышлап төрле чаралар үткәрелә, һәйкәлләр, тарихи урыннар тәртипкә китерелә. 18 апрель көнне Югары Кибәхуҗа авылы китапханәсендә дә һәйкәлләрне һәм тарихи урыннарны саклау көненә багышлап «Тарих битләрен җил ача» дип исемләнгән күргәзмә оештырылды һәм аңа күзәтү ясалды.  

Күргәзмәдә Татарстанның тарихи үткәненә багышланган бик күп китаплар тәкъдим ителде. Безнең республиканың бай тарихы бар, ул безгә уникаль тарихи һәм мәдәни мирас калдырган.

Иң мөһиме - җәмәгатьчелек игътибарын тарихи һәм мәдәни һәйкәлләрне саклау проблемасына җәлеп итү. Шуңа күрә әлеге көнне мәдәни мирасны саклау һәм яклау белән бәйле төрле чаралар үткәрелә. Бу вакыйга уңаеннан Казаклар авылы китапханәсендә Халыкара һәйкәлләрне һәм тарихи урыннарны саклау көненә багышланган «Тарих битләрен ачканда» дип исемләнгән әңгәмә узды. Әлеге вакыйга укучыларны үткәнгә кайтырга мәҗбүр итте.

Теләче муниципаль районы зона этабына 7 номинация буенча муниципаль этап җиңүчеләрен тәкъдим итте, шулай ук «Декоратив-кулланма эшләнмә», «Осталарның гаилә династиясе», Валиуллиннар гаиләсе һәм «Иң яхшы күргәзмә экспозициясе» номинацияләрендә катнашты. Чарада гомуми белем бирү учреждениеләреннән һәм Балалар иҗат үзәгеннән 100 дән артык бала катнашты.