ЯҢАЛЫКЛАР
15 февраль көнне, патриот-шагыйрь, Советлар Союзы Герое Муса Җәлил туган көнендә, Иске Җөри авылы китапханәчеләре Олы Тиләҗе башлангыч гомуми белем бирү мәктәбе укучылары өчен әдәби викторина үткәрде. Чара барышында катнашучылар күренекле Патриот, көрәшче шагыйрь М. Җәлилнең биографиясен, аның танылган әсәрләрен искә төшерделәр. Балалар әдәби викторина сорауларына җавап бирделәр, китап күргәзмәсе белән таныштылар. Чара азагында балалар М.Җәлилнең "Кызыл ромашка", "Сәгать", "Күке"шигырьләрен укыдылар.
Әлеге көн уңаеннан, Айдар авыл китапханәсендә «Китапханәгә китап бүләк ит!» акциясе оештырылды.
14 февраль көнне китап укучыларыбыз, бәлки инде укылмый торган, әмма башкалар өчен шатлык һәм илһам чыганагы була алырлык китаплар бүләк иттеләр.
Бу матур традиция кәгазь китапларның безнең цифрлы дөньябызда һаман да популяр һәм актуаль булуын искә төшерә.
Исегездән чыгармагыз, китаплар - иң яхшы бүләк! Китапханәгә тапшырылган китаплар китап киштәләрендә үз урынын алып, һичшиксез үз укучысын табар дигән теләктә калабыз.
Чара котлаулар һәм матур теләкләр әйтү белән башланды. Кичәдә катнашучылар бер-бер артлы «Патриот», «Көч белән сугышмыйлар, ә осталык белән», «Яхшы җыр белән хезмәттә кыйммәтрәк», «Ирекне кулыңа җыеп», «Шәфкать туташы», «Аякта көч һәм башта тынычлык», «Военкор» исемле конкурсларларда катнаштылар, Россия герой-шәһәрләрен фаразладылар, мәкальләр укыдылар, җырлар җырладылар. Катнашучылар барлык биремнәрне дә лаеклы үтәделәр.
Быел Совет гаскәрләрен Әфганстаннан чыгаруның 36 еллыгы билгеләп үтелә. Әфган җиренә безнең районнан да бик күп егетләребез киткән һәм шуларның өчесе батырларча һәлак булган. Ун елга якын сузылган бу сугышта яраланып кайтучылар саны бихисап. Совет гаскәрләрен Әфганстаннан чыгаруның 36 еллыгы уңаеннан Күкчә авыл клубында китапханә белән берлектә мәктәп укучыларына «Әфган сугышы якташларым язмышында» дип исемләнгән презентация күрсәтелде. Презентация ярдәме белән мәдәният хезмәткәрләре балаларга бу сугышта якташларыбыз күрсәткән батырлык турында сөйләделәр. Шулай ук, китаплардан өзекләр укылды.
Әлеге көн бөтен китап бүләк итүчеләрне берләштерә, укуга мәхәббәт тәрбияли. 2025 елның 12-14 февраль көннәрендә Югары Кибәхуҗа авылы китапханәсендә «Дарите книги с любовью» дигән акция узды. Китап иң кыйммәтле бүләкләрнең берсе, аны без якыннарыбызга һәм дусларга бүләк итә алабыз. Борын-борыннан китап бирү - үзеңең хөрмәтеңне белдерү яки танышу мөмкинлеге булып саналган. Халыкара китап бүләк итү көне алдыннан китапханәче үзенең китап укучыларына дусларга гына түгел, таныш булмаган кешеләргә дә китаплар бүләк итәргә тәкъдим итте.
15 февральдә герой шагыйрь М. Җәлилнең тууына 119 ел тулды. Урта Мишә авыл китапханәсендә клуб белән бергә “Муса Җәлил - бөек халкым улы, гасырларга калсын гомер юлы" дип исемләнгән патриотик сәгать үткәрелде. Китапханәче шагыйрьнең тормышы һәм иҗаты белән таныштырды. Күргәзмәдә тәкъдим ителгән китаплар Муса Җәлилнең иҗатын һәм аның батырлыгын тирәнрәк аңларга ярдәм итте. Чарада укучылар М. Җәлилнең шигырьләрен укыдылар.
2025 елның 17 февралендә Илебер авылында Теләче муниципаль районы «Балларны сәламәтләндерү белем бирү(профильле )үзәге» тәрбияләнүчесе Вәлиуллин Булат Айдар улы Саба муниципаль районы Илебер авылында Ватанны саклаучылар көненә багышланган чаңгы ярышларында катнашып, 2016-2017 елгы яшүсмерләр арасында 1 урынны яулады.
2025 елның 16 февралендә өстәмә белем бирү педагоглары Рамил Рәсип улы Гатиятов, Вәлиуллин Айдар Илдар улы җитәкчелегендә 10 укучыдан торган укучылар «Идел»физкультура-спорт җәмгыятенең өстәл теннисы буенча урта мәктәпнең 7 ачык беренчелеге лигасында катнаштылар. Уеннар йомгаклары буенча Вәлиуллина Динә 1 нче урынны алды.
Бу дата уңаеннан Шармыш авыл китапханәсендә «Пусть мужество Ваше нам будет примером» исемле тарихи калейдоскоп эшли башлады. Китап укучыларга тәкъдим ителгән әдәбият тарихыбызның героик битләре, батырлык күрсәткән, үз бурычын ахырга кадәр үтәгән кешеләрнең сугышчан үткәнен чагылдырган солдатлар һәм офицерлар турында сөйли. Тыныч вакытта сугыш - төзәлмәс яра. Һәрвакыт истә тотыйк.
14 февраль көнне Югары Кибәхуҗа авылы китапханәчесе татар шагыйре, Советлар Союзы Герое Муса Җәлилнең тууына 119 ел тулу уңаеннан “Җырым белән җиңдем дошманны” дип аталган мәгълүмат сәгате үткәрде. Чара барышында балалар шагыйрьнең балачак һәм яшүсмер чагындагы тормыш юлын, аның ничек дошманнарга каршы сугышуы, әсирлеккә алынуы һәм «Моабит дәфтәре» шигырьләр китабы турында белделәр. “Моабит дәфтәре” күп телләргә тәрҗемә ителгән һәм хәрби шигърият классикасына әверелгән.