ЯҢАЛЫКЛАР

11 май көнне рус теленнән диктант язсалар, 13 майда әлеге фәннән грамматик биремнәр эшләделәр. 17 май көнне математикадан, 19 ында әйләнә - тирә дөнья фәненнән тикшерү эшләре үткәрелде.

Бөтенроссия тикшерү эшләре -  федераль дәүләт белем бирү стандартлары таләпләре буенча  аерым фәннәрдән   укучыларның әзерлек дәрәҗәсенә бәя бирү өчен үткәрелә торган йомгаклау контроль эшләре. Эшләр федераль дәрәҗәдәге биремнәр буенча эшләнелде һәм бердәм критерияләр буенча тикшерелде.

2016 елның 18 май көнне “Родник” халыкка социаль ярдәм күрсәтү үзәге белгечләре, “Семицветик” дип исемләнгән программа кысаларына таянып, үзләрендә исәптә торган балалар белән чираттагы дәресләрен үткәрделәр. Әлеге дәреснең максаты: балаларга үзләренең уңай якларын күрә белергә өйрәтү.

Ул сораулары булган гражданнарны кабул итте. Соңыннан, Теләче районы җитәкчесе   И. Ф. Зарипов белән берлектә, Теләче районының  эш белән тәэмин итү үзәгендә, Социаль яклау бүлегендә һәм “Родник” халыкка социаль ярдәм күрсәтү үзәгендә булып узды. 

2016 елның 16 май көнне районның социаль яклау бүлеге җитәкчесе Ф.М. Галимова  һәм “Родник” халыкка социаль хезмәт күрсәтү буенча комплекслы үзәге җитәкчесе Н.А.Муртазин социаль хезмәткәрләр белән җыелыш оештырдылар.

       Әлеге җыелыш барышында 2016 елның үткән айларына нәтиҗә ясалды  һәм социаль хезмәт күрсәтү өлкәсендәге үзгәрешләр белән таныштырылды.

Шул уңайдан Шәтке авылы китапханәсендә китап - күргәзмә ясалды. Әлеге күргәзмәгә Татарстанда басылып чыга торган берничә газета - журнал куелды.

19 нчы май үткәннәрнең якты хатирәсе булып күңелдә калган пионерия көне. Пионер- беренче дигән сүз. Пионерлар- билгесезлеккә юл салучылар, курку белми алдан әйдәп баручылар. Хәзер бу эшләрне яшь варислар дәвам итә.  Безнең Олы Мишә урта мәктәбендә пионериянең матур үрнәген саклаган “Дуслык учагы” яшәп килә. Без бүген, бу датаны билгеләп, башлангыч сыйныф укучылары белән дуслык учагын янә кабыздык. Балалар белән Татарстан Варислар Берлеге турында сөйләштек, күңелле уеннар уйнадык, дуслык турында җырлар җырладык. Кичәбезне “Һәрвакыт әзер бул!” девизы белән йомгакладык.

Шушы уңайдан Теләче җирлекара китапханәсендә «Книга в кадре» дип аталган китап күргәзмәсе оештырылды. Әлеге күргәзмәгә киноны тудыручылар: актерлар, режиссерлар, операторлар турында сөйләүче китаплар белән беррәттән кинороманнар үзләре дә куелды. Алар арасында «Ак чәчәкләр», «Две судьбы», «Война и мир», «Три мушкетера», «Подари мне жизнь», «Джейн Эйр», «И все таки я люблю» һ.б. бар.

Кино – күпләрнең яраткан сәнгать төре булып тора, шунлыктан бу тема барлык китап сөючеләр өчен дә кызыклы булыр дип ышанабыз. Яраткан киноны карау белән беррәттән, аның китабын да уку кино яратучыларга өстәмә ләззәт бирә, чөнки китап әсәрне укучысына үз телендә җиткереп үзенең мавыктыргыч дөньясына алып керергә сәләтле.

2016 елның 15 нче май көнендэ Шәдке  авылында яшәүче тыл ветераны  Әскәрова Фатымабикә Әскәр кызына 90 яшь тулды. Шул уңайдан Фатымабикә апага Россия  Президенты Владимир Путинның, Теләче муниципаль район башлыгының тәбрикләмәсе тапшырылды, шулай Шэдке  авыл җирлеге башлыгы  исеменнән дә котлау сүзләре җиткерелде.

Фатыймә әби, шул буын кешеләре кебек үк, сугыш чоры авырлыкларын да күп күргән, шулай ук яшәгән дәверендә кайгы-хәсрәтләрне аңа күп кичерергә туры килгән.

Сугыш вакытында авыр эшләрдә эшләгән, шулар арасында биргәк тә үзәгенә үткәне урман кисү булган.

Өлкәнәйгән көнендә ул ялгызы түгел, ә якыннары янәшәсендә үзенең туган нигезендә гомер кичерә.

Алдагы тормышында да без аңа саулык hәм аяз, тыныч күк йозе теләп калабыз.