Муниципаль районнар Теләче муниципаль районы

ЯҢАЛЫКЛАР

октябрь, 2015 ел

сишәмбе

Баландыш авыл китапханәсендә “Оста куллар” түгәрәге эшли.

Анда йөрүче хатын-кызлар бәйләү серләренең яңадан-яңа төрләрен өйрәнәләр. Алар биредән бер-берсе белән аралашып, яңалыклар белән танышып, яхшы кәеф, күтәренке рух алып кайталар.

Балалар иҗат үзәгенең «Волшебная паутинка» түгәрәгенә йөрүче укучылар, өстәмә белем бирү педагогы Галимзянова Фәния Габдулхак кызы җитәкчелегендә, кәгазь белән эшләүне дәвам итә.

Балалар кәгазьдән георгин чәчәге ясыйлар. Эшләнгән эшләрен әти-әниләренә алып кайтып, үз хезмәтләре белән аларны сөендерәләр. Балалар түгәрәк көннәрен түземсезлек белән көтәләр һәм түгәрәккә бик теләп йөриләр.

Төмән кунаклары Максабаш мәктәбендә.

21 октябрь көнне районыбызга Төмән өлкәсе делегациясе килде. Эшлекле визит белән килгән кунакларны муниципаль район башлыгы Илдус Зарипов, һәм аның ярдәмчеләре каршылады. Алар район буенча төрле урыннарда булдылар.

Төмән муниципаль район башлыгы Светлана Иванова: «Кечкенә генә район, зур шәһәрләрне дә уздыра, шаккатырлык хәл, әйтер сүзләр юк», - диде очрашу барышында. Шулай ук безнең Максабаш башлангыч мәктәбебездә дә булдылар һәм тагын бер кат үзләренең соклануларын җиткерделәр.

Заманча укыту технологияләре фестивале.

22-23 октябрь көннәрендә Олы Мишә мәктәбенең математика укытучысы Галимбекова Гөлинә яшь мөгаллимнәр өчен оештырылган “ Фестиваль современных образовательных технологий: молодые - молодым” семинарында булып кайтты.

Көзге балга әзерлек.

Теләче районы Югары Кибәхуҗа урта мәктәбе укучылары бик тырышып “Көзге бал” кичәсенә әзерләнәләр. Ул бүген, ягъни 24 октябрь көнне булачак. Һәр сыйныф яшелчәләрдән төрледән – төрле уенчык - сувенирлар ясады. Шулай ук бәйрәм кичәсе матур җырлар, шаян биюләр, кызыклы уеннар белән уралып барачак. Көз бизәге- Сөмбелә дә бәйрәмгә кунак булып киләчәк. Укучылар бу бәйрәмне көтеп алалар.

Укучыларның мәдәни көндәлеге.

21 октябрь көнне Олы Нырсы авылы китапханәсендә “Укучыларның мәдәни көндәлеге”н тапшыру уңаеннан мәдәният дәресе үткәрелде. Бу чарага 2-4 сыйныф укучылары һәм укытучылары чакырылды.Укучылар мәдәни көндәлек белән танышып, туган ягыбыз тарихы һәм аның күренкле кешеләре турында мәгълүмат алып күтәренке рухта таралыштылар.

Мәдәният йортын һәм аның эшчәнлеге белән таныштылар.

21 октябрь көнне Төмән өлкәсе делегациясе районга эшлекле сәфәр вакытында Югары Кибәхуҗа авыл мәдәният йортында булдылар. Алар Республика Президенты программасы нигезендә төзелгән мәдәният йортын һәм аның эшчәнлеге белән таныштылар.

Укучыларыбыз түгәрәкләрдә.

Олы Мишә урта мәктәбендә спорт түгәрәкләре белән беррәтттән иҗади түгәрәкләр дә эшләп килә.Балалар иҗат үзәгенә караган ” Яшь хәбәрче”, “Гарәп теле графикасы” түгәрәкләренә укучыларыбыз теләп йөриләр.23 октябрь көнне “Гарәп теле графикасы” түгәрәгенә йөрүче башлангыч сыйныф укучылары татар телендә “Кагу” дип исемләнгән кинофильм карадылар. Әхлаклылык сыйфатларының берсе- күңел сафлыгы, үз-үзеңне начар гадәтләрдән арындыру турындагы фильм укучыларны уйланырга мәҗбур итте.

Мәгъсүм Насыйбуллинның тууына 90 ел тулу уңаеннан Теләче җирлекара китапханәсендә язучының иҗатына күзәтү уздырылды.

Язучының әсәрләрендә хокук һәм тикшерү оешмаларында эшләүче кешеләрнең авыр да, хәтәр дә хезмәт атмосферасы тасвирлана, тормышта очрый торган күптөрле җинаять, хокук бозу күренешләренең һәм социаль тамырлары һәм сәбәпләре эзләнелә, җәмгыятьтә тәртип һәм законнарны саклауда һәр кешенең җаваплы икәнлеге искәртелә.

СӨЙ ҺӘМ БЕЛ, ҮЗ ТӨБӘГЕҢНЕ.

Үзәк балалар бакчасында тәрбияче Валентина Степанованың патриотик тәрбия бирү буенча "Сөй һәм бел, үз төбәгеңне" дигән автор программасын тормышка ашыру дәвам итә. Мәктәпкәчә яшьтәге балалар туган җир тарихы , аның мөхтәрәм халкы белән таныша. Бүген зурлар һәм мәктәпкә әзерлек төркеме балалары тәрбиячеләре белән экскурсиягә бардылар.

Моннан алдагы бит Алдагы бит

Датасы буенча тикшерү

ЯҢАЛЫКЛАРГА ЯЗЫЛУ