Муниципаль районнар Теләче муниципаль районы

ЯҢАЛЫКЛАР

октябрь, 2015 ел

сишәмбе

Табигый материалларның күптөрлелеге, балаларга иҗади сәләтләрен үстерү өчен мөмкинлекләр бирә. Балалар бакчада гына түгел, өйдә әти-әниләре белән бергәлектә дә эшли алалар. Теләченең беренче номерлы балалар бакчасында уртанчылар төркеменә йөрүче балалар һәм аларның әти-әниләре белән бергәлектә, көзге нигъмәтләрдән күргәзмә оештырылды. Әти-әниләр үзләренең осталыкларын күрсәттеләр.

5 октябрь көне Максабаш башланыч мәктәбендә Хезмәт көне буларак үтте.

Укучылар һәм аларның әти-әниләре көче белән мәктәп территориясендә җиләк-җимеш куаклары утыртылды. Катнашучыларның барысына да рәхмәт белдерәбез. Мәктәбебез киләсе елга тагын да матуррак һәм ямьлерәк булыр дип ышанып калабыз.

Без уйнарга яратабыз.

Уен – баланың тормышка әзерләнү күнекмәсе ул.Балаларны туган телдә дөрес һәм матур сөйләшергә өйрәтүдә, аларда сәнгатьле сөйләм күнекмәсе булдыруда сюжетлы-рольле уеннар аеруча нәтиҗәле. Шушы уеннар вакытында баланың шәхесе формалаша, аң дәрәҗәсе үсә, ихтыяр көче арта.

октябрь, 2015 ел

дүшәмбе

2015 елның 9 октябре көнне Мәдәният йортында Авыл хуҗалыгы һәм эшкәртү сәнәгате хезмәткәрләре бәйрәме көне уңаеннан Теләче районы Башлыгының кабул итү тантанасы булып узды.

Очрашуда Министрлар Кабинеты ветеринария идарәсе начальнигы урынбасары Гараев А.Р. һәм ООО «Саба ПМК» ген.директоры Талипов И.И. катнаштылар. Тантанада 60 тан артык авыл хуҗалыгы алдынгылары тәбрикләнде.

Ак калфак".

Шәтке авылы китапханәсендә эшләп килүче "Ак калфак" хатын-кызлар берләшмәсе чираттагы утырышына җыелды. Алар "Уятмакчы булсан халык күңелләрен" дигән фестивальдә чыгыш ясау өчен милли уен йолаларын өйрәнә башладылар.

Өмә уздырганнар.

Шушы көннәрдә Ачы авылы мәдәният йорты каршындагы яу кырында ятып калучылар хөрмәтенә куелган һәйкәл янында өмә уздырганнар.

Һәр шимбәдә, дәресләрдән соң, барлык башлангыч сыйныф укучылары өчен “Күңелле уеннар” түгәрәге үткәрелә.

Балалар саф һавада кызыклы, хәрәкәтле уеннар уйныйлар. Алар үзләре белгән уеннарны һәм яңа уеннарны да өйрәнеп уйныйлар. Балаларның шат тавышыннан тирә-як гөр килеп тора. Укучылар уеннардан канәгать булып өйләренә таралышалар.

һәйкәл янын җыештырганнар.

10 октябрь көнне Әбде мәдәният йорты хезмәткәрләре шимбә өмәсе уздырганнар. Бу көнне алар мәдәният йорты каршындагы Советлар Союзы Герое А.К Ксенофонтовка куелган һәйкәл янын җыештырганнар.

Бүген Теләче районы Баландыш төп гомум белем бирү мәктәбендә информатика фәненнән Бөтенроссия олимпиадасының мәктәп туры уздырылды.

Олимпиаданың максаты - фән буенча алган белемнәрне бәяләү һәм сәләтле укучыларны ачыклау.Тарихка күз салсак ,беренче тапкыр информатика фәненнән Бөтенроссия олимпиадасы 1989 нчы елны үткәрелгән, ә аңа кадәр СССРда Бөтенсоюз олимпиадасы буларак күп тапкырлар уздырылган булган.

“ Уңышка юл” айлыгы.

1октябрьдән Олы Мишә урта мәктәбендә “Уңышка юл” айлыгы башланды . Әлеге айлык өчен төрле чаралар үткәрү планы төзелде.Мәктәптә сәламәт яшәү рәвеше пропагандалана. Сыйныф сәгатьләре шушы тема астында үтә.Чаралар үсеп килүче буында җаваплы караш тәрбияләүгә нигезләнгән. Мәктәптә “ Начар гадәтләргә-ЮК!”рәсем конкурсы игълан ителде.

Моннан алдагы бит Алдагы бит

Датасы буенча тикшерү

ЯҢАЛЫКЛАРГА ЯЗЫЛУ