Муниципаль районнар Теләче муниципаль районы

ЯҢАЛЫКЛАР

октябрь, 2015 ел

сишәмбе

13 октябрь көнне Олы Мәтәскә китапханәсендә “Китап – белем чишмәсе” дип исемләнгән күргәзмә эшләнде.

Күргәзмә укучы балаларны яңа кайткан китаплар белән таныштыру максатыннан оештырылды. Күргәзмәгә яңа кайткан балалар китаплары куелды.

Социаль хезмәткәрләр белән җыелыш оештырдылар.

2015 елның 13 октябрь көнне халыкка социаль хезмәт күрсәтү буенча комплекслы үзәге җитәкчесе Н.А.Муртазин һәм районыбызның социаль яклау идарәсе җитәкчесе Ф.М.Галимова социаль хезмәткәрләр белән җыелыш оештырдылар.

Очрашуның төп максаты булып Россия Федерациясенең 176 номерлы Федераль законы нигезендә Торак кодексына үзгәрешләр кертелүе белән таныштырылды.

Әлеге җыелыш барышында 2015 елның соңгы 9 айның эшенә нәтиҗә ясалды.

Узешчән сәнгатьтә актив катнашучы иң актив өлкәннәребез «Өлкәннәр декадасында» «Сәриядэ кунакта» дигән очрашуда булдылар.

Алар чәй табыны артында үзләре яратып җырлый торган табын җырларын яңгыраттылар, шаян шигырьләр, дүртюллыклар сөйләп кунел ачтылар.

Бүгенге көндә Олы Нырсы мәдәният йортында әниләр көненә карата "Әниләр- иң кадерле кешелэр" дип исемләнгән театральләштерелгән кичәгә репетицияләр бара.

Әлеге кичәне Олы Нырсы авылы студентлары белән берлектә әзерлибез. Шулай ук 4-6 класс укучылары арасында әниләргә багышланган рәсем конкурсы да игълан ителде. Рәсемнәр мәдәният йортынын фойесында урнаштырылачак. Әлеге конкурста катнашучыларга истәлекле сувенирлар тапшырылачак.Авылыбызның уңган-булган хатын-кызларының кул эшләреннән күргәзмә дә булачак. Студентлар һәм укучылар да репетицияләргә бик теләп йөриләр.

"Сәламәт тәндә - сәламәт акыл".

Олы Мәтәскә мәдәният йортында укучылар белән берлектә, сәламәт яшәү рәвешен пропагандалау йөзеннән "Сәламәт тәндә - сәламәт акыл" дип исемләнгән, спорт уеннарыннан торган чара үткәрелде. Бу чарада теннис уеннары, сәламәтлекне ныгыту өчен төрле спорт күнегүләре, шашка, шахмат уеннары уйналды. Без укучыларның иҗади сәләтләрен үстерү өстендә генә түгел, сәламәтлекләрен ныгыту өстендә дә эшләргә тиешбез.

Төрек – Тәмте китапханәсендә “Халкыбызның күңел бизәкләре” дигән күргәзмә оештырылды.

Күргәзмәгә халкыбызның үз кулы белән чигеп, бәйләп эшләнгән әйберләре куелды. Бигрәк тә әбиләребез элек чигеп эшләгән күкрәкчәләр, намазлыклар укучылар күңелендә кызыксыну уятты. Халкыбызның йөрәк җылысын биреп эшләгән иҗат җимешләре безнең күңелләргә якын һәм кадерле.

Күргәзмә эшли башлады.

13 октябрь көнне Әбде авыл китапханәсендә рус халык язучылары һәм шагыйрьләренең алтын көзнең матурлыгын тасвирлаучы әсәрләрен үз эченә алган күргәзмә эшли башлады. Көз үзенең әкияти матурлыгы белән күңелләрне сихерли, җанга дәва бирә, шагыйрь һәм язучыларны иҗатка рухландыра.

Баландыш авыл китапханәсендә яңа кайткан китаплардан “Яңа китаплар - Сезне көтә” дигән күргәзмә куелды.

Китаплар алар кешенең иң якын дуслары, авыр вакытларда ярдәмче, киңәш бирүче. Кадерле балалар һәм хөрмәтле олкәннәр! Күңелле,мавыктыргыч китаплар сезне көтә, укырга ашыгыгыз дуслар!!!

10 октябрь көнне Казаклар авылы китапханәсе каршында эшләп килүче “Ахирәтләр мәҗлесе” әгъзалары һәм балалар белән берлектә татар халкының онытылып барган көнкүреш йоласы -“Кич утыру” үткәрелде.

Кичә башында халкыбызның милли йолалары, гореф- гадәтләре турында сөйләнде. Кичәдә халкыбызның милли уеннары “Йөзек салыш”, “Мәкаль әйтеш”,”Орчык тәгәрәтеш”,”Түгәрәк” һ.б. уеннар уйналды. Кул эшләре татар халык җырлары блән бергә үрелеп барды. Кичә халкыбызның милли ризыклары тулы өстәл артында дәвам итте. Бу кичәнең максаты - яшь буынга халкыбызның милли йолаларын, гореф – гадәтләрен, уен җырларын тапшыру.

11 октябрь – Авыл хуҗалыгы һәм эшкәртү сәнәгате хезмәткәрләре көне.

Тормышыбызның бер көнен дә табын күрке - икмәктән башка күз алдына китерү мөмкин түгел. Шул уңайдан Теләче җирлекара китапханәсендә фидакарь игенчеләребезнең, иртә таңнан караңгыга кадәр алны-ялны белми тырышып эшләүче терлекчеләребезнең, белгечләребезнең, хуҗалык җитәкчеләренең авыр хезмәтен чагылдырган күргәзмә эшләде.

Моннан алдагы бит Алдагы бит

Датасы буенча тикшерү

ЯҢАЛЫКЛАРГА ЯЗЫЛУ