Муниципаль районнар Теләче муниципаль районы

ЯҢАЛЫКЛАР

май, 2015 ел

сишәмбе

7 май көнне район мәдәният йортында авыл җирлекләре арасында узган «Җиңүгә илткән юллар» фестиваленең беренче урын яулаган Айдар авылы мәдәният йорты театр коллективы, С. Шакуровның “Саф күңелгә тап төшми” дип исемләнгән спектакле белән чыгыш ясадылар

Бөек Җиңүнең 70 еллыгы укучылар йөрәкләрендә бик озакка сакланыр.

8 май көнне мәдәният йортына кадерле, хөрмәткә ия булган кунаклар чакырылды - ул сугыш чоры балалары. Укучыларыбыз аларга бәйрәм котлавы әзерләделәр. Бәйрәм чәй табыны артында барды. Хәтердә калган вакыйгалар күз яшьләре белән искә алынды.

8 май көнне Олы Нырсы урта мәктәбе каршында,Олы Нырсысы мэдэният хезмэткэрлэре,китапханэче хэм Олы Нырсы авылы жирлеге башлыгы катнашында Бөек Җиңүнең 70 – еллыгына багышланган тантаналы линейка булып үтте.

Бәйрәмдә сугыш һәм тыл ветераннары, килгән кунаклар катнашты.

Тантаналы линейканы Олы Нырсы жирлеге башлыгы Гиниев Ростэм Гаян улы ачып җибәрде. Ул барлык килгән кунакларны, сугыш һәм тыл ветераннарын Бөек Җиңүнең 70 еллыгы белән котлады.

май, 2015 ел

дүшәмбе

9 май көнне Әбде авылында якташыбыз,Советлар Союзы Герое-Ксенофонтов А.К.га һәйкәл ачу тантанасы үтте.

Ачылу тантанасында Теләче муниципаль районы башлыгы Зарипов И.Ф, ООО «Газпром Трансгаз-Казан» оешмасы җитәкчесе – И.И. Мөхетдинов һәм башка дәрәҗәле кунаклар катнашты. Бөек Җиңүнең 70 еллыгы уңаеннан үткәрелгән тантаналы митинг үткәннән соң ,авыл мәдәният йортында Әбде урта мәктәбе укучылары,укытучылары һәм “Задоринка”фольклор коллективы көче белән әзерләнггән бәйрәм концерты үткәрелде.

Җиңү көне.

9 нчы май - Җиңү бәйрәмендә Теләче урта мәктәбе коллективы парадта катнашты. Бик матур бизәлгән укучылар колоннасы урамнар буйлап үтте.Һәлак булган геройлар истәлегенә венок һәм чәчәкләр куелды.

9 май көнне район үзәге Теләче авылында Бөек Ватан сугышында Җиңүнең 70 еллыгы бәйрәм ителеп үтте.

Бәйрәм бик зур машиналар парады һәм Теләче районы оешмалары хезмәт ияләренең демонстрациясе белән башланып китте.

Ветераннарга ихтирам һәм хөрмәт бик олы булды. Алар каршыннан үткән хәрбер оешма сәламнәрен җиткерде. Районыбыз башлыгы И.Ф. Зарипов барлык сугыш һәм хезмәт ветераннарын, районыбыз халкын 9 май – Бөек Җиңү көне белән тәбрик итте.

8 нче май көннеОлы Мишә авыл җирлегендә Бөек Җиңүнең 70 еллыгына багышланган митинг һәм яңа төзелгән һәйкәлне ачу тантанасы булды.

Бәйрәмдә Теләче муниципаль район башлыгы Зарипов И.Ф., Теләче муниципаль район башлыгы урынбасары Фатхуллин А.Г., Ветераннар Совеы җитәкчесе Газизов М.М., һәйкәлне төзүдә зур өлеш керткән иганәчеләре Яруллин Х.Х.һәм Миннегалиев И.Н. сугыш һәм тыл ветераннары, Олы Мишә авылы халкы катнашты.

Югары Кибәхуҗа урта мәктәбенең 9 сыйныф укучылары 12нче майда татар теленнән узачак Бердәм дәүләт тестына әзерләнәләр.

Укучылар изложение, сочинение язу үзенчәлекләрен, татар теле грамматикасын кабат исләренә төшерәләр, бланк тутыруны кабатлыйлар. Укучыларга 12 майда узачак имтиханда уңышлар телибез.

2015 елның 8 май көнендә Олы Мәтәскә авыл җирлегенә караган барлык авылларда һәйкәлләр янында Бөек Җиңүнең 70 еллыгына багышланган митинглар булып үтте.

Бәйрәмдә тыл ветераннары, районнан килгән вәкилләр, мәктәп укучылары , укытучылар коллективы, ясле – бакчада тәрбияләнүче балалар катнашты. Чыгышлардан соң катнашучылар яу кырында ятып калганнарны 1 минут тынлык белән искә алдылар. Бәйрәм тантанасы клубларда чәй табыны артында концерт номерлары белән үрелеп барды.

8 май көнне Алан авыл җирлеге буенча Бөек Ватан сугышында үлеп калучылар истәлегенә төзелгән обелиск янында тантаналы митинг узды.

Митингта сугыш һәм тыл ветераннары, авыл халкы, укытучылар коллективы һәм укучылар, килгән кунаклар катнашты. Чыгып сөйләүчеләр Җиңү бәйрәменең иң кадерле бәйрәм булуын һәм бик күп корбаннар хисабына яулап алынуын тагын бер кат яшь буынның, митингта катнашучыларның исенә төшерде, бүгенге тыныч тормышның кадерен белергә чакырды. Сугыш кырларында ятып калучылар хөрмәтенә бер минутлык тынлык игълан ителде.

Моннан алдагы бит Алдагы бит

Датасы буенча тикшерү

ЯҢАЛЫКЛАРГА ЯЗЫЛУ