Муниципаль районнар Теләче муниципаль районы

ЯҢАЛЫКЛАР

май, 2015 ел

дүшәмбе

Бүгенге көндә Олы Нырсы Мәктәбендә Бөек Җиңүнең 70 еллыгына багышланган 1998-1999 нчы елгы кызлар һәм егетләр арасында Татарстан Республикасының җиңел атлетика буенча Х Спартакиадасының муниципаль этабына әзерлек бара.

8 май көнне Теләче мәдәният йортында Бөек Җиңүнең 70 еллыгы уңаеннан концерт булды.

Бу концертта безнең Олы Мишә урта мәктәбе укучылары һәм укытучылары уңышлы гына чыгыш ясадылар. Аерым җыр буенча чыгыш ясаган татар теле һәм әдәбияты укытучысы Мәннәпова Ф.Җ II дәрәҗә Диплом, ә “Давай за жизнь” биюе белән чыгыш ясаучы укучылар III дәрәҗә Диплом белән бүләкләнделәр.

Зур концерт.

9 май көнне Бөек Ватан сугышында Җиңүнең 70 еллыгына багышланган зур концерт булды. Концертка « Җиңүгә иткән юллар” фестивалендә җиңгән Теләче урта мәктәбе укытучылар һәм укучыларының коллектив номерлары кертелгән иде.Безнең мәктәп, зур концертта уңышлы чыгыш ясап, беренче урынга лаек булды.

8 Май көнне Олы Саурыш башлангыч мәктәбендә Бөек Җиңүнең 70 еллыгына багышланган тантаналы кичә үтте.

Бу бәйрәмгә җирдәге тынычлык, зәңгәр чиста күгебез өчен үзләренең тормышларын биргән тыл хезмәтчәннәре һәм ветераннар җыелган иде. Бәйрәмдә сугыш турында, Җиңү турында җырлар башкарылды. Сугышта һәлак булучылар истәлегенә венок куелды. Кунакларга бәйрәм бик ошады.

Бөек Җиңүнең 70 еллыгына багышланган бәйрәм тантанасы Ю.Кибәхуҗа авыл җирлеге буенча 8 май көнне Югары Кибәхуҗа авылында булып узды.

Бәйрәмгә килгән тыл һәм хезмәт ветераннарына мәктәп укучылары һәм мәдәният йорты үзешчән коллективлары концерт куйды. Укучыларга бәйрәмгә җыелган тамашачылар зур рәхмәтләрен җиткереп, бәйрәмне чәй табынында дәвам иттеләр.

Җиңү көне.

9 Май көнне барлык халкыбыз Җиңү көнен билгеләп үтәләр. Бу көнне бөтен кекше дә ветераннарны бәйрәм белән котлый. Тик кызганыч еллар үткән саен ветераннарыбызның гына саны кимеп бара. Бәйрәм алдыннан безнең балалар бакчасында Җиңү көненә карата чара булып узды. Бәйрәмгә Шакирова Миңнури әбине чакырдык.

Агымдагы елның 6 маенда районыбызның "Батыр" спорткомлексында "Әти, әни һәм мин - спорт яратучы гаилә" дип исемләнгән үзенчәлекле чара узды.

Әлеге бәйрәм-ярышны Теләченең 1 нче номерлы балалар бакчасының физкультура буенча иструкторы Гарипова Гөлшат Илһам кызы алып барды. Ярышта бакчаның әзерлек төркеменә йөрүче балалар һәм аларның әти-әниләре катнашты.

7 май көнне Теләченең 1 нче номерлы балалар бакчасында "Бөек Җиңүнең 70 еллыгына" багышланган чара узды.

Бакчабызга йөрүче балалар бәйрәмнең төп кунаклары - Бөек Ватан сугышы тыл ветераннарына концерт программасы буләк иттеләр. Нәниләр сугышның бар ачысын үз җилкәләрендә тойган чал чәчле ветераннар игътибарына аһәңле җырлар, тапкыр шигырьләр, матур биюләр җиткерде, үз куллары белән ясалган откыртка-рәсемнәрен тапшырды.

8 нче май көнне Айдар авыл җирлегендә Бөек Җиңүнең 70 еллыгына багышланган митинг һәм яңа төзелгән һәйкәлне ачу тантанасы булды.

Бәйрәмдә Теләче муниципаль район башлыгы Зарипов И.Ф., Теләче муниципаль район башлыгы урынбасары Фатхуллин А.Г., Ветераннар Советы җитәкчесе Газизов М.М., Пенсия фонды җитәкчесе Мугтасимов М.М., һәйкәлне төзүдә зур өлеш керткән спонсор Хасаншин Х.Ш., сугыш һәм тыл ветераннары, Айдар авылы халкы катнашты.

май, 2015 ел

җомга

Бөек Җиңү көне белән!

Ватан һәм халкыбыз иминлеге хакына яу кырларында тиңдәшсез батырлыклар күрсәтеп, киләчәгебезне һәм яшәешебезне саклап калган кешеләрнең уллары, кызлары, оныклары исеменнән, бөтен Теләче районы халкы исеменнән Сезне ихлас күңелдән мөкатдәс бәйрәм – Бөек Ватан сугышында Җиңүнең 70 еллыгы белән котлыйм һәм Сезгә чын йөрәктән олы ихтирам хисләремне җиткерәм.

Моннан алдагы бит Алдагы бит

Датасы буенча тикшерү

ЯҢАЛЫКЛАРГА ЯЗЫЛУ