ЯҢАЛЫКЛАР

27
апрель, 2015 ел
дүшәмбе
«Салют, Победа!»
25 апрель көнне  Балалар иҗат үзәгенең XVII нче, Бөек Җиңүнең 70-еллыгына багышланган, “Салют, Победа!” дип исемләнгән балалар сәнгать фестивале булып узды. Фестиваль  нәфис сәнгать, кул эшләнмәләре аша патриотик тәрбия бирү, сугыш һәм тыл ветераннарына олы хөрмәт уяту максатыннан оештырылды. 
24-26 апрель көннәрендә Яшел Үзән шәһәрендә бадминтон буенча Республика беренчелегенең финал этабы булып узды.
Биредә сайлап алу турларын узган 2004 нче елгы һәм аннан яшь, 2002-2003, 2000-2001 нче елгы һәм  1999 нчы елгы һәм өлкәнрәк категория балалар катнашты. Республикабызның 25 районыннан 300 дән артык бала ярышларда үз көчен сынады. 
«Киләчәк».
Татарстан Республикасында мәгарифне үстерү стратегиясе «Киләчәк» программасы кысаларында  балаларны татар (рус) телендә сөйләшергә өйрәтү, аларның сөйләм телен үстерү өчен, белем һәм тәрбия бирү, заман таләпләренә җавап бирерлек итеп төзелгән эзлекле, максатчан методик әсбаплар, методик һәм күрсәтмә материаллар, балаларның танып-белү һәм фикерләү сәләтен үстерергә ярдәм итәрлек УМК безнең 3-нче балалар бакчасында даими  кулланыла.       
Бөек Җиңүнең 70 еллыгы уңаеннан, "Яшел Россия" гомумроссия экологик иҗтимагый хәрәкәте тарафыннан ил территориясендә "Жиңү урманы" бөтен россия акциясе уткәрелә.

25 апрель көнне Күкчә авылы мәдәният хезмәткәрләре , китапханәче һәм Алан авылы жирлеге башлыгы белән берлектә агач утырту акциясе уткәрелде. Барлыгы 6 төп агач клуб һәм китапханә бинасы тирәли утыртылды. 
25нче апрель көнне Теләче районы Балалар иҗат үзәге хезмәткәрләре район мәдәният йортында бөек җиңүгә 70-ел булу уңаеннан “Салют, Победа!” исеме астында XVII балалар иҗат фестивале үткәрделәр
Бу фестивальдә Теләче 2нче номерлы балалар бакчасының музыка җитәкчесе Рафикова Лилия Альфред кызы җитәкчелегендә мәктәпкә әзерлек төркеме кызларыннан торган вокал ансамбль: Зиннатова Сәидә, Тимерханова Саида, Камалова Лейлә, Галимуллина Нәргизә, Хафизова Зилә, Юнусова Сәмирә бу бәйрәмдә катнашып, кечкенәләр төркемендә “Вокал ансамбль” номинациясендә 1нче урынны яуладылар.
Иске Җөри урта мәктәбе укучылары һәм укытучылары бу арада мәктәп тирәсен чүптән арындыралар.
Шимбә көнне чүпләрне трактор арбасына төяделәр. Мәктәп яны чистарды, бардюрлар агартылды. Иртәгә безнең мәктәп базасында "Безопасное колесо" ярышы үтәчәк. 4 укучыдан торган мәктәп командасы ярышларга әзерләнә. Аларга уңышлар телибез! 
25-27 апрель көннәрендә Балыклы авылында, мәдәният йортында Бөек Җиңүнең 70 еллыгына багышланган “ Георгиев лентасы” патриотик акциясе бара.
Әлеге акциядә катнашучылар игьтибарына  “ Хәтирәләр яңаралар”  әдәби музыкаль концерт программасы тәкьдим ителде.
“Без Тукайлы халык”

Алан һәм Балыклы авылы мәдәният йортларының “Алан” иҗат кунакханәсе Теләче район мәдәният йортында үткәрелгән “Без Тукайлы халык” дип исемләнгән Татарстан республикасы язучылар союзыннан килгән бер төркем язучылар белән очрашу кичәсендә катнашты.
25 апрельдә район мәдәният йортында Бөек Җиңүнең 70 еллыгы уңаеннан “Җиңү салюты” исеме астында XVII нче район балалар фестивале булды.
Бу бәйрәмдә безнең Олы Мишә урта мәктәбе укучылары да актив катнашты. «Конферанс»  номинациясендә  Шарипова И., Закиров З.- 1 урын, “Хореография”     номинациясендә  Шакурова Ф., Закиров З.- 2 урын, «Вокальный ансамбль»  номинациясендә – 2 урын, «Декоративно-прикладное творчество»  номинациясендә  педагог-организатор  Шарифуллина Г.Г.-   1 урын алды. 
Ветеран белән очрашу.
23  нче  апрельдә Теләче урта мәктәбенең  башлангыч  сыйныф укучылары  Бөек  Ватан сугышы ветераны Нургали абый  Шакирҗанов белән очраштылар. Укучылар ветеран  сугышчы алдында  Ватан, сугышчыларның сугышта күрсәткән батырлыклары   турында шигырьләр сөйләп күрсәттеләр.  
ЯҢАЛЫКЛАРГА ЯЗЫЛУ
Район турында
Документлар
Гражданнар мөрәҗәгате
Элемтә өчен белешмәләр
Телефон: 8 (84360) 2-11-89, 2-16-66
Факс: 8 (84360) 2-11-89
E-Mail: telache@tatar.ru
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International