ЯҢАЛЫКЛАР

27
апрель, 2015 ел
дүшәмбе
25 апрель көнне Казаклар авылы мәдәният хезмәткәрләре тыл ветераны Рифкат абый Диаров һәм мәктәп укучылары белән берлектә үзләренең территорияләренә агач утырттылар.
Бу изге эш мәдәният хезмәткәрләренә  дә, шулай ук укучыларга да бик ошады.   
20-27 нче апрель көннәрендә Казаклар авыл китапханәсендә "Язгы изгелек атналыгы" игълан ителде.

Бу атналык укучылар күңеленә изгелек, шәфкатьлелек сыйфатларын тәрбияләү йөзеннән, оештырыла. Бүгенге көндә укучылар белән мохтаҗ гаиләләргә  ярдәм күрсәтү  йөзеннән кием-салым һәм күчтәнәчләр  тапшыру эше бара. 
Тематик линейка оештырдылар.
20-25 нче апрель көннәрендә Олы Нырсы мәктәбендә “Туган тел” атналыгы үткәрелде. Атналыкта   татар теле укытучылары Мөбинова Г.Г. һәм Фадеева Г.Г. Тукай әкиятләренә багышланган   рәсем бәйгесе, шигырь бәйрәме, әдәби викторина , тематик линейка  оештырдылар. Ә 26 нчы апрель көнне  “Тукай безнең күңелләрдә” исемле  әдәби – музыкаль кичә үтте. Кичәнең дәвамы милли ярминкә оештырылды. 
Бөек Җиңүнең 70 еллыгына багышланган балалар фестивале.
25 нче апрельдә районда Бөек Җиңүнең 70 еллыгына багышланган балалар фестивале булды. Бу фестивальдә Шармыш төп мәктәбеннән “Вокал-соло” номинациясендә 8 нче сыйныф укучысы Бикеева Алиса катнашты. 
«Зеленая волна».
2015 елның 25 апрелендә «Родник» халыкка социаль хезмәт күрсәтү буенча комплекслы үзәге коллективы Бөек Җинүнең 70 еллыгына багышланган “Зеленая волна” акциясендә актив катнаштылар. Бу чарада шулай ук сугыш ветераннары һәм Теләче урта мәктәбе волонтерлары да катнашты.
25 нче апрель көнне Иске Җөри китапханәсендә «Тукай белән атлыйм киләчәккә, ул яктырта барыр юлымны»дип исемләнгән кичә узды.
Кичәнеӊ беренче өлешендә Г.Тукайныӊ тормыш юлына багышланган презентация күрсәтелде. Ә икенче өлештә Г.Тукай иҗатына багышланган  КВН үткәрелде. Балалар 2 командага бүленеп көч сынаштылар, шагыйрьнеӊ шигырьләрен  сәнгатьле итеп укыдылар. Кичәнеӊ ахыры Г.Тукайныӊ «Туган тел»җыры белән тәмамланды. 
Салют,Җиңү!
25 апрель көнне район мәдәният йортында  1941-1945 еллардагы Бөек Ватан сугышында  Җиңүнең  70 еллыгына багышлап "Салют, Җиңү!" XVII район сәнгать фестивале булып үтте.    Кече Кибәхуҗа төп мәктәбе укучыларының  "Декоратив- гамәли сәнгать" номинациясендә "Мәңгелек ут" техник модельләштерү эше  I урынны, "Балачак" бию төркеме "Хореография" номинациясендә  шулай ук I урын яулады. Афәрин! Котлыйбыз!
26 апрель көнне Казаклар авылы китапханәсендә “Тукай – шигьри чишмәбез”дип исемләнгән шигъриятбәйрәме үткәрелде.

Китапханәче балаларны шагыйрьнең тормыш юлы һәм иҗаты белән таныштырды. Соңыннан балалар  Г. Тукайның нәниләр өчен язылган “Бала белән күбәләк”, “Гали белән кәҗә”, “Шаян песи”, “Кызыклы шәкерт”,  шигырьләрен яттан сөйләделәр. Шагыйрьнең моңлы, аһәңле җырларын башкардылар. Бәйрәм “Туган тел” җыры белән тәмамланды .
25апрель көнне Теләче районы мәдәният йортында “Туган тел көне” нә багышланган бәйрәм үткәрелде.
Бәйрәмгә Татарстанның “Җыен” фонды җитәкчеләре дә килгән иде. Безнең Казаклар авылы китапханәсе каршында оештырылган “Ахирәтләр мәҗлесе“ берләшмәсе әгъзалары бәйрәм кунакларына “Орчык өмәсе” фольклор тамашасын күрсәтте.
«Бөек Тукай шигырьләре күңелгә якын”.

26 апрель көнне бөек шагыйребез Габдулла Тукайның туган көне. Шушы уңайдан Олы Нырсы  авыл китапханәсендә “Бөек Тукай шигырьләре күңелгә якын” дип исемләнгән балалар иртәсе үткәрелде. Балалар Габдулла Тукайның шигырьләрен яттан сөйләделәр һәм “Туган тел” җырын башкардылар. 
ЯҢАЛЫКЛАРГА ЯЗЫЛУ
Район турында
Документлар
Гражданнар мөрәҗәгате
Элемтә өчен белешмәләр
Телефон: 8 (84360) 2-11-89, 2-16-66
Факс: 8 (84360) 2-11-89
E-Mail: telache@tatar.ru
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International