ЯҢАЛЫКЛАР

Хөрмәтле җирле үзидарә хезмәткәрләре!

Сезне ихлас күңелдән һөнәри бәйрәмегез белән тәбрик итәм.

Бүген җирле үзидарә органнарына территорияләрнең социаль-икътисади халәте, халыкның тормыш шартларын яхшырту, аны тагын да уңайлы итү буенча зур җаваплылык йөкләнгән. Муниципаль хезмәт барлык өлкәләрдә  тирән белем, җаваплылык хисе, үз-үзеңне һәрчак контрольдә тотуны, тәртипле булуны таләп итә. Үз халкыңа хезмәт итүдән дә

дәрәҗәлерәк һөнәр юк.  

Сезгә туган төбәгебез, халкыбыз мәнфәгатьләрен кайгыртып яшәр һәм эшләр өчен нык сәламәтлек, барлык якты хыялларыгызның

 тормышка ашуын телим.

Теләче муниципаль

районы башлыгы                                                                       И.Ф.Зарипов

Ел саен Европаның күп кенә илләрендә 19 апрель язның беренче чәчәге - Умырзая көне буларак билгеләнеп үтә. Бу чәчәк яз булуын символ итә. Умырзая чәчәге салкын көннәргә чыдам булучы бердәнбер чәчәк. 

2015 елның 17 апрель көнне Теләче спорт мәктәбе,балалар сәламәтләндерү үзәге,яшьләр үзәге “Олимп” хезмәткәрләре өмә үткәрделәр. Кар астыннан чыккан чүпләр җыелды  һәм карлар  таратылды.

Олы Нырсы урта мәктәбендә эшләп килүче “Сурәкә” фольклор ансамбле (җитәкчесе Семенова Е.П.)  18 енче апрель көнне Казан шәһәрендә үткәрелгән керәшен халкының “Олы көн – Пасха” бәйрәменә карата оештырылган концертта катнашып кайттылар. Концерт Бөек Җиңүнең 70 еллыгына багышланган җырлар, биюләр белән үрелеп барды.

Кече Кибәхуҗа төп мәктәбе укучылары язгы каникул чорында  бөре җыеп киптерү эше белән шөгыльләнде. Мәктәбебезгә нарат һәм каен бөреләре җыю өчен йөкләмә бирелгән иде. Укучылар планны арттырып үтәделәр.Нарат бөресен иң күп җыючы- 9нчы сыйныф укучысы Миннибаев Мөнәвир, каен бөресен иң күп җыючы- 6 нчы сыйныф укучысы Белозерова Диләфрүз.