Муниципаль районнар Теләче муниципаль районы

ЯҢАЛЫКЛАР

апрель, 2015 ел

дүшәмбе

2015 елнын 11 апреле конне 07.00 сэг.Башкарма комитетынын актлар залында Телэче муниципаль районы башлыгы И.Ф.Зарипов житэкчелегендэ район башлыгы урын басары А.Г.Фатхуллин, авыл хужалыгы идарэсе житэкчесе Р.Х.Низаметдинов, ветеринария берлэшмэсе начальнигы И.Р.Нуруллин, хужалык житэкчелэре, баш хисапчылары, зооветбелгечлэре, авыл жирлеклэре башлыклары, крестьян фермер хужалыклары башлыклары катнашында 1 кварталга терлекчелек эшчэнлегенэ хэм ветеринария берлэшмэсенен эшчэнлегенэ анализ буенча семинар булып узды.

Хезмәтне саклау айлыгы.

Апрель ае Хезмәтне саклау айлыгы дип игълан ителде.Иң элек район мәгариф бүлеге карары нигезендә эш планы төзелде.План нигезендә, 13 апрель көнне Олы Мишә урта мәктәбендә “Янгын сүндерү чаралары “ дигән укулар үтте.

Әңгәмә үткәрелде.

11 апрель көнне Шармыш авылы китапханәсендә космонавтика көне уңаеннан Юрий Алексеевич Гагарин тормышына багышланган әңгәмә үткәрелде.

2015нче ел - Әдәбият елы.

Шул уңайдан Баландыш авыл китапханәчесе Назипова Миләүшә һәм Урта Мишә авыл китапханәчесе Мухаметшина Гөлфияләр 10 апрель көнне Баландыш мәдәният йортында “Ач, шигърият, серләреңне!”дип исемләнгән әдәби –музыкаль кичә уздырдылар.

11 апрельдә Айдар авылы китапханәсендә “Галәмгә юл” исемле күргәзмә төзелде.

Әлеге күргәзмә 12 апрель көнне билгеләнеп үтүче Бөтендөнья космонавтика көненә багышланган иде. Күргәзмәгә Ю.А.Гагаринның тормыш юлы, хезмәт батырлыгы, космоска беренче очышлар тарихы турындагы мәгълүматлар куелды.

9 апрель көнне Олы Мәтәскә китапханәчесе Хузиахметова З.Г. Бөек Җиңүнең 70 еллыгына багышлап сугыш турында шигырьләр укуны оештырды.

Бу чарада ясле-бакча балалары һәм төрле сыйныф укучылары катнаштылар. Бу мәдәни чара “Каенкай” балалар бакчасында үтте. Башта балаларга сугыш турында мәгълүмат бирелде. Мәктәп балалары шигырьләр укыдылар. Укылган һәрбер шигырьгә китапханәче аңлатма биреп барды.

10 апрель көнне Иске Җөри авылы китапханәсендә кошлар көненә карата «Без кошларга ярдәм итәбез» дип исемләнгән табышмаклар кичәсе үтте.

Укучылар китапханәче биргән табышмакларга җаваплар таптылар, кошлар турында шигырьләр сөйләделәр. Шулай ук балалар рәсем бәйгесендә катнашып истәлекле бүләкләргә ия булдылар.

Бадминтон ярышларында катнаштылар.

12 апрелда Баландыш һәм Лесной мәктәбе укучылары, остазлары Җаббаров Алмаз Фоат улы, балаларга белем бирү һәм сәламәтләндерү үзәге директор Имамиев Тимур Равил улы, финанс булеге председателе Яхин Рәис Рәшит улы Балтачта ООО “МДСУ” буләгенә оештырылган бадминтон ярышларында катнаштылар.

“Авыл эте Акбай” спектаклендә.

10 апрель көнне Югары Кибәхуҗа урта мәктәбенең 1-4, 5 сыйныф укучылары Теләче мәдәният йортында Галиәсгар Камал татар дәүләт академия театры артистлары катнашуында Туфан Миннуллинның “Авыл эте Акбай” спектаклен карадылар.Спектакль укучыларга бик ошады.

10 нчы апрель көнне Олы Нырсы урта мәктәбендә ата-аналар җыелышы булды.

Җыелышта укучыларның әти-әниләре, укытучылар, администрация членнары катнашты.

Моннан алдагы бит Алдагы бит

Датасы буенча тикшерү

ЯҢАЛЫКЛАРГА ЯЗЫЛУ