ЯҢАЛЫКЛАР

Алан авылы китапханәсендә Туган телләр һәм халыклар бердәмлеге елы кысаларында якташ язучыбыз, Татарстанның атказанган сәнгать эшлеклесе Сәйдә Зыялыга 80 яшь тулуга багышланган “Туган җирдән илһам алып...” дип исемләнгән әдәби сәгать үткәрелде. Чарага язучының иҗатын киң яктыртучы күргәзмә әзерләнде, әсәрләреннән өзекләр укылды, “Яралы кош авазы” китабына күзәтү ясалды.

Балаларга китаплар белән файдалану кагыйдәләрен өйрәтү, аларга карата мәхәббәт һәм сакчыл караш тәрбияләү максатында Баландыш авыл китапханәсендә “Китап докторы” дип исемләнгән чара үткәрелде. Балалар тышлары таушалган, битләре купкан һәм бөкләнгән китапларны “дәваладылар”, купкан битләрен ябыштырып китапларга икенче сулыш өрделәр. Бу шөгыль балаларга бик ошады.

28 март көнне Югары Кибәхуҗа авыл китапханәсендә мәдәният хезмәткәрләре Театр көне уңаеннан берләшмәгә йөрүчеләр белән түгәрәк өстәл артында сөйләшү үткәрде. Сөйләшү барышында "Ефәк баулы былбыл кош" исемле спектакль буенча фикер алышу һәм китап күргәзмәсе белән танышу булды.

29 март көнне Сауш авыл  халкы өчен Теләче үзәк шифаханәсенең баш табибы Галиуллин И. И. катнашында  “Сәламәт булыйм дисәң” темасына сәламәтлек  сәгате үткәрелде.

Башта китапханәче балаларны театр сәнгатенең җәмгыятьтә һәм кешеләр тормышында тоткан урыны белән таныштырды. Аннан соң театраль табышмаклар, ребуслар чишелде, төрле уеннар һәм бәйгеләр үткәрелде. Курчаклар белән уйнап караган «Сүзсез әкият» театраль экспромты шау-шулы һәм бик күңелле килеп чыкты. Чөнки әкиятне сәхнәләштерүдә барысының да катнашып карыйсы килгән иде.

Әлеге чарага китапханә хезмәткәрләре фойеда “Мәдәнияткә багышланган гомер” дип исемләнгән һәм  Туган телләр һәм халыклар бердәмлеге елына карата күргәзмәләр оештырды.

Милли ашларның үзенчәлеге халыкның тормыш рәвешенә бәйле булган. Татар аш-су осталары бик күп төрле ашамлыклар уйлап тапканнар. Бәйрәм табыны ризыклары арасында ниндиләре генә юк. Зур табыннарга чәк-чәк, кош теле, гөбәдия, өчпочмак, бәлеш ише нигъмәтләрне куймый калмаганнар. Көндәлек тормышта коймак, белен, төрле кабартмаларны токмач салынган ит шулпасы белән ашаганнар. Сабантуй бәйрәменә алдан ук каз каклаганнар, казылык ясаганнар. 28 март көнне Олы Мәтәскә авылы мәдәният хезмәткәрләре уткәргән “Тәмлетамак” дәресендә  шулар турында сөйләнелде. Бу чарада берләшмәгә  йөрүче укучылар катнаштылар. Алар да  үзләре яратып пешерә торган ризыкларының рецептлары белән уртаклаштылар.

В течение весенних каникул Баландышская основная школа продолжила свою работу. Кружки, внеурочная деятельность , подготовка к соревнованиям, индивидуальные беседы велись в соответствии с расписанием. Помимо воспитания, учебная деятельность, безусловно, занимает первое место. С выпускниками ежедневно велась подготовка к основному государственному экзамену. Учащиеся  9  классов повторили, углубили и укрепили свои знания по математике и русскому языку.

Бу борынгы йола чәчү башланыр алдыннан үткәрелә. Аның мәгънәсе - яхшы һәм мул уңыш булсын өчен кошларны ашату, сыйлау. Балалар бәйрәмнең тарихы белән таныштылар. Беренче кашык, гореф-гадәт буенча, яхшы уңыш булсын өчен, Җир анага бирелде, икенчесе - суга, җирдә тереклекне саклап калсын өчен, өченчесе - һавага, кояшлы көннәр күп булсын һәм вакытында яңгырлар яусын өчен, дүртенчесе –каргаларга, язны алып килгәннәре өчен. Һәркем үз теләкләрен җиткереп, тәмле, язгы ботканы татып карады. Бәйрәм коймак һәм чәй белән сыйлану белән тәмамланды.

Бу чара балалар китабы атнасына багышланган. «История книжной закладки» презентациясен караганнан соң, балалар китапларга кыстыргычның 1000 елдан артык элек барлыкка килгәнен белделәр. Әгәр дә китапның кыстыргычлары булса, китап тәртиптә һәм укучыларга озаграк хезмәт итә. Китапханәче яшь укучыларга китаплар һәм дәреслекләр мәктәп укучыларының даими юлдашлары, шуңа күрә аларга хөрмәт белән карарга кирәклеге турында искәртте.