ЯҢАЛЫКЛАР
Ул – ялкынлы шигырьләр язган шагыйрь дә, илнең азатлыгы өчен курку белмәс көрәшче дә, үлемне ирләрчә батыр каршылаган каһарман да. Аларны онытырга безнең хакыбыз юк. 15 нче февраль көнне герой-шагыйрь М. Җәлилнең тууына 115 ел тула. Шул унайдан 13 февраль көнне Олы Мәтәскә авылы мәдәният хезмәткәрләре берләшмәгә йөрүче укучылар белән “Исемең калды моңлы бер җыр булып үзеңнән соң килгән буынга” дип исемләнгән мәдәни чара үткәрделәр. Бу чарада китапханәче язучының тормыш юлы һәм иҗаты белән таныштырды. Укычыларга да төрле сораулар бирелде һәм алар тарафыннан тулы җаваплар алынды.
15 февральдә Теләче үзәк китапханәсе хезмәткәрләре 6 сыйныф укучылары өчен герой-шагыйрь Муса Җәлилнең 115 еллыгына багышлап “Тормышы җыр булып яңгырады” исемле батырлык сәгате уздырдылар. Чара барышында Җәлилнең иҗатына багышланган презентация күрсәтелде, китаплары белән таныштырылды. Китапханәче укучыларга “Ышанма”, “Дусларга”, “Яулык”, “Җырларым” исемле шигырләрен укыды. Викторина сорауларына җаваплар укучыларның М.Җәлилнең иҗатын яхшы белүләрен күрсәтте.
Китапханәнең уку залында “Батырлык шагыйре” исемле китап күргәзмәсе эшли.
Ул – ялкынлы шигырьләр язган шагыйрь дә, илнең азатлыгы өчен курку белмәс көрәшче, үлемне ирләрчә батыр каршылаган каһарман да. Шагыйрь М. Җәлилнең тууына 115 ел тулу һәм Туган телләр һәм халыклар бердәмлеге елы уңаеннан 12 февраль көнне Айдар авыл китапханәсе мәдәният йорты, башлангыч мәктәп, балалар бакчасы белән берлектә "Җәлил шигырьләрен укыйбыз" дип исемләнгән шигъри марафон уздырды. Шагыйрьнең тормыш юлы, шигъри иҗаты - Ватанга мәхәббәт һәм батырлык дөньясы. Балалар шул хакта белделәр, шигырьләрен аеруча матур итеп яттан сөйләделәр. Барлык актив катнашучыларга Грамоталар һәм бүләкләр бирелде.
Әлеге дата уңаеннан Урта Мишә авыл китапханәсендә клуб белән берлектә “Муса Җәлил шигырьләрен беләсеңме?” исемле шигырь уку марафоны үткәрелде. Шулай ук шагыйрьнең тормыш юлы һәм иҗатына багышланган “Муса Җәлил эзләре буйлап” исемле китап күргәзмәсе куелды.
15 февраль - татар халкының бөек җырчысы, Россиянең һәм Татарстанның халык артисты, Татарстан Республикасының Габдулла Тукай исемендәге Дәүләт премиясе лауреаты Илһам Шакировның туган көне. Әлеге датага карата 12 февраль көнне Урта Мишә авыл китапханәсендә клуб белән берлектә “Халкыбызның моң иясе” исемле темага әдәби сәгать үткәрелде. “Бөек җырчы Илһам Шакиров” дигән китап күргәзмәсе оештырылды, күргәзмәдә халык җырчысына багышланган төрле елларда чыккан китаплары, тормыш юлы, дискалары урын алды, буклетлар эшләнде.
12 нче февраль көнне Баландыш авыл китапханәсендә Россиянең һәм Татарстанның халык артисты, Татарстан Республикасының Г.Тукай исемендәге Дәүләт бүләге иясе Илһам Шакировка карата «Булган алар,тарихта милләт эзен сакларга тырышучы олуг затлар-аларның иң олысы һәм иң бөеге–Илһам Шакиров» дип исемләнгәнәдәби-музыкаль сәгать үткәрелде. Китапханәче Миләүшә Нәҗипова Илһам Шакировның тормышы һәм иҗаты турында кызыклы материал әзерләде. «Татарстан Сандугачысы» дигән күргәзмә – истәлекләр төзелде.
Бу чараныӊ максаты булып балаларда язучыга карата хөрмәт һәм горурлык хисе тәрбияләү, аныӊ иҗаты белән таныштыру булды. Китапханәче балаларга Муса Җәлилнеӊ балачак еллары, тормыш юлы, иҗаты турында сөйләде. Укучылар ике командага бүленеп викторина сорауларына җавап бирделәр, М.Жәлилнеӊ “Батыр егет турында җыр”, “Чулпанга”, “Дан”, “Кичер илем” шигырьләрен һәм “Сандугач һәм чишмә” балладасын кычкырып укыдылар. Чара ахырында “Җырым белән җиңдем дошманны” дигән китап күргәзмәсенә күзәтү үткәрелде.
2021 ел - Татарстан Республикасында Туган телләр һәм халыклар бердәмлеге елы уңаеннан 12 февраль көнне Олы Нырсы авыл китапханәчесе “Кояшкай” балалар бакчасында татар халкының милли баш киемнәре: түбәтәй, калфак тарихы буенча әңгәмә үткәрде. Әңгәмә барышында балалар баш киемнәренең чигелеш үзенчәлекләре һәм бизәкләрнен аңлатмалары белән таныштылар.
Шул уңайдан Казаклар авыл китапханәсендә «Бар җырымны илгә багышладым, гомеремне дә бирәм халкыма» дип исемләнгән кичә үткәрелде. Китапханәче презентация ярдәмендә укучыларны шагыйрьнең тормыш юлы һәм иҗаты белән таныштырды. Балалар Муса Җәлил шигырьләрен сәхнәләштерделәр. Шулай ук «Җырга әйләнгән гомер» дигән китап күргәзмәсенә күзәтү үткәрелде, анда шагыйрьнең әсәрләре тәкъдим ителде.
10 февраль көнне, "Батыр" спорткомплексында "Хезмәткә һәм оборонага әзер"Бөтенроссия физкультура - спорт комплексының кышкы фестиваленең муниципаль этабы узды. Безнең Баландыш төп мәктәбеннән 2 нче сыйныф укучылары Галимова Зәринә ,Тимербаев Әмир, 5 нче сыйныф укучысы Хайретдинов Ибрахимнар - 2 урыннар, 4 сыйныф укучысы Заббарова Фәридә -1 урын алдылар.