ЯҢАЛЫКЛАР
27 апрельдә Алан урта гомумбелем бирү базасында җәмгыять белеме укытучыларының район семинары үткәрелде. Беренче категорияле җәмгыять белеме укытучысы Хәсәнова А.М. үткәргән дәрестә барлыгы 16 укытучы катнашты.
27 апрель көнне 5-9нчы сыйныфларда хәрби корреспондентлар турында дәрес узды. Балаларга бүгенге көндә корреспондент һөнәре һәм аларның сугыш вакытында башкарган эшләре турында сөйләделәр. Бөек Ватан сугышы вакытында һөнәр аеруча популяр булган. Нәкъ менә шул вакытта күп кенә шагыйрьләр, язучылар, корреспондентлар, фотографлар, дикторлар үз теләкләре белән язылганнар һәм фронтка киткәннәр, хәрби частьларга, госпитальләргә һәм азат ителгән шәһәрләргә барганнар. Хәрби корреспондентлар Бөек Ватан сугышы елъязмасын буыннар өчен саклап калганнар.
Күңел Тукайга тора-тора кайта. Шагыйрь яшәгән еллардан ераклашкан саен, аның иҗатының бөеклеге, асыл мәгънәсе тагын да күәтлерәк һәм тирәнрәк ачыла бара. Чын шагыйрьләрнең гөмере арифметик саннар белән генә бәяләнә алмый. Даһиларның гөмере халык хәтере белән исәпләнә. Тукай бүген дә әдәбиятның алгы сафында баруын дәвам итә, бүген дә милли аң үсешенең юлбашчысы булып кала килә. 26 апрель көнне Габдулла Тукайның туган көнен Олы Мәтәскә авылы мәдәният хезмәткәрләре дә билгеләп үттеләр. Мәктәп укучылары белән “Каенкай” балалар бакчасында шигырь укуны оештырдылар.
26 апрель көнне Казаклар авылы китапханәсендә клуб белән берлектә бөек шагыйребез Габдулла Тукайның тууына 136 ел тулу уңаеннан ”И мокатдәс моңлы сазым” дип исемләнгән кичә үткәрелде. Кичә “Күңелләрдә яши Тукай моңы” дип исемләнгән китап күргәзмәсенә күзәтү белән башланып китте. Укучылар Г. Тукайның иҗатына һәм тормыш юлына багышланган презентация белән таныштылар, әсәрләренә багышланган викторина сорауларына җавап бирделәр. Чара бөек шагыйребезнең сәхнәләштерелгән әсәрләре белән үрелеп барды һәм “Туган тел” җыры белән тәмамланды.
Балалар гасырның фаҗигасе дип санаган техноген катастрофа, Куприянов М. Н. турында, радиацияне дезакциацияләү буенча эшләрне башкару өчен Чернобыльгә җибәрелгәне турында кызыксынып һәм игътибар белән тыңлады. Балалар Чернобыль зонасының кайда урнашуы, атом электростанциясендә шартлау вакыйгаларының хронологиясе, шартлау нәтиҗәләре, радиация һәм кешеләр сәламәтлегенә, экологиягә каршы көрәш турында мәгълүмат тыңладылар.
Цифрлы трансформация акрынлап бизнесның һәм һәр кешенең барлык өлкәләренә килә, һәм вакытлар узу белән ул тагын да ачыграк һәм сизелерлек булачак. Казаклар авыл китапханәсе клуб белән берлектә “Цифрлаштыру һәм бүгенге көндә аның урыны”дигән темага әңгәмә үткәрде. Катнашучылар цифрлаштыруның нәрсә икәнен, тормышның нинди өлкәләренә үтеп керәчәге һәм Россиядә цифрлаштыру ни өчен кирәк булуы турында белделәр. Шулай ук катнашучылар цифрлаштыруның төп юнәлешләре һәм бүгенге көндә кайда кулланылуы турында белделәр.
Татар халкының бөек улы, кыска гына, әмма йолдызлардай якты гомер кичергән, үзеннән соң үлемсез шигырьләр һәм поэмалар, чәчмә әсәрләр һәм публицистик язмалар, тәрҗемәләр һәм хәтта икътисадый-сәяси мәкаләләр калдырган Габдулла Тукай исемен белмәгән кеше юктыр. Сөекле шагыйребезнең тууына быел-136 ел.
Санитар икеайлык кысаларында табигатькә сакчыл караш булдыруга юнәлдерелгән экологик чаралар, төрле бәйгеләр үткәрү тәкъдим ителә. Бәйгенең максаты - халыкта экологик культура һәм табигатькә сакчыл караш булдыру, үзең яшәгән төбәктә чисталыкка, экологиягә карашны уңай якка үзгәртү, агачлар утырту. Шул уңайдан 22 апрель көнне Айдар авыл китапханәчесе А.Фаляхова мәдәният йорты хезмәткәрләре белән берлектә республикакүләм өмә уңаеннан мәдәният йорты территориясен чүп-чарлардан арындырдылар, Бөтендөнья Җир көненә багышлап экологик буклетлар тараттылар.
36 ел элек, 1986 елның 26 апрелендә, Чернобыль АЭСында атом энергетикасы тарихында иң зур авария булган.
26 апрель көнне “Балалар иҗат үзәге”, мәгариф бүлеге белән берлектә Пионериянең 100еллыгына багышланган “Социаль тәрбиянең балалар иҗтимагый оешмасы пространствосы ” дигән фәнни - гамәли конференция үткәрде. Әлеге конференциядә Кече Кибәхуҗа төп мәктәбенең педагог-оештыручысы Мөхәмәдиева Н.Д. мәктәптәге балалар оешмасы эшләрен яктырткан презентация белән чыгыш ясады һәм башкарган хезмәте белән I урынга лаек булды.