ЯҢАЛЫКЛАР
Габдулла Тукай музыкант та булмаган, көйләр дә язмаган, шулай да аның һәр шигыреннән моң бөркелә. Бөек шәхес турында күбрәк укыган саен аның иҗаты яңа яктан ачыла бара.
Балыклы авылы мәдәният йорты һәм башлангыч мәктәп белән берлектә үткән "Без-Тукай варислары" дигән сәнгатьле шигырь уку бәйгесендә балалар бөек язучының шигырьләрен яттан сөйләп,аның тормыш юлы һәм иҗаты белән таныштылар.
27нче апрельдә Чаллының «Энергетик» мәдәният сараенда «Моңлы дөнья» I Халыкара фестиваль-конкурсның гала-концерты булды.
Әлеге халыкара фестиваль-конкурста катнашып райондашларыбыз - Иске Җөри авыл мәдәният йортыннан Ильяс Фархуллин, Илфат Имамиев 1че дәрәҗә лауреат, Имамиев Айрат 3че дәрәҗә, "Таллы күл" ансамбле 3че дәрәҗәдәрәҗәдә лауреат исеменә лаек булдылар. Афәрин!
27 апрель көнне, Шәмәрдән мәдәният йортында «Татар кызы-2022» республика бәйгесенең зона этабы узды. Анда Саба, Теләче, Арча, Кукмара, Балтач, Питрәч, Әтнә районнарыннан чибәр, уңган-булган татар кызлары катнашты. Теләче районы данын Баландыш авылыннан Гыйлаҗова Таңсылу уңышлы яклап конкурсның республика турында катнашу мөмкинлеге алды. Чын күңелдән тәбрик итәбез, яңа үрләр һәм уңышлар теләп калабыз, Таңсылу!
Чернобыль АЭСДА һәлакәтләр корбаннарын искә алу көнендә, Сауш мәдәният йорты хезмәткәрләре «Чернобыль-халык хәтерендә»дип аталган мәгълүмати программа үткәрделәр. Катнашучылар Ул көннәрнең куркыныч фаҗигасе һәм үзләре һәм якыннары өчен бу авариянең нәтиҗәләрен онытырга ярамавы турында искә төшерделәр.
Вакыт бик тиз уза. Бөек Ватан сугышы ветераннар саны да сирәгәя бара. Безгә, батыр җиңүчеләрнең оныкчыкларына Сугыш күптән булган кебек тоела. Әмма ул чактагы вакыйгалар алга таба киткән саен, алар ветераннар хәтеренә тагын да ныграк басыла. Җиңү көне алдыннан мәдәният хезмәткәрләре, башлангыч сыйныф укучылары, Айдар авыл җирлеге башлыгы белән берлектә "Хәтерне тере саклаучылар" дигән акциягә кушылдылар. Алар тыл хезмәтчәннәре һәм сугыш чоры балаларының өйләренә барып хәлләрен белештеләр. Әңгәмә барышында тыл хезмәтчәннәре үзләренең биографияләре турында сөйләп хатирәләре белән уртаклаштылар. Тыл ветераннарына Җиңү бәйрәме уңаеннан Теләче муниципаль башлыгы исеменнән азык-төлек пакетлары һәм Татарстан Республикасы Президентының котлау открыткалары, күчтәнәч тартмалар тапшырылды.Аларга сәламәтлек, оптимизм, күңел күтәренкелеге теләделәр.
26 апрель көнне район мәдәният йортында Туган тел көне һәм бөек шагыйрь Габдулла Тукайның 136 еллыгына багышланган "Тукай рухы безнең күңелләрдә" дип исемләнгән шигырь кичәсе узды.
Чарада катнашучыларны муниципаль район башлыгы урынбасары Айрат Фатхуллин сәламләде. Күңелле җырлар, дәртле биюләр белән үрелеп барган чарада, үзәкләштерелгән китапханәләр челтәре уздырган "Яттан сөйлә Тукай шигырьләрен, шушы булыр иң зур бүләгең" һәм "Теләчеинформ" мәгълүмат үзәге үткәргән "Язлар алып килде Тукайны" район бәйгеләренә нәтиҗә ясалып, дипломнар, истәлек бүләкләре тапшырылды.
26 апрель көнне Казаклар авылы китапханәсендә клуб белән берлектә бөек шагыйребез Габдулла Тукайның тууына 136 ел тулу уңаеннан ”И мокатдәс моңлы сазым” дип исемләнгән кичә үткәрелде. Кичә “Күңелләрдә яши Тукай моңы” дип исемләнгән китап күргәзмәсенә күзәтү белән башланып китте. Укучылар Г. Тукайның иҗатына һәм тормыш юлына багышланган презентация белән таныштылар, әсәрләренә багышланган викторина сорауларына җавап бирделәр. Чара барышында шагырьнең әсәрләре сәхнәләштерелде. Чара бөек шагыйребезнең “Туган тел” җыры белән тәмамланды.
27 апрель конне МФЦ бинасында Телэче авылы, Ф.Хусни урамы, 6 нчы йорт адресы буенча 14.00 сэг. 16.00 сэг. кадэр Кулланучылар хокукларын яклау һәм кеше иминлеген яклау буенча федераль хезмәтнең Саба, Мамадыш, Кукмара, Теләче районнарындагы идарәләре белгече кулланучылар хокукларын яклау буенча гражданнарны кабул итэ.
1986 елның 26 апреле. Бу көнне 1 сәгать 23 минутта Чернобыль АЭСНЫҢ дүртенче энергоблогында (Украина) хиросим бомбасына тиңдәш көчле шартлау була. Чернобыль АЭС һәлакәте, радиацион аварияләр һәм һәлакәтләр нәтиҗәләрен бетерүдә катнашучылар көне уңаеннан,26 апрель көнне Айдар авыл мәдәният йортында, китапханә белән берлектә, "Чернобыль. Бу фаҗигале вакыйгаларга багышланган гасыр трагедиясе " дип исемләнгән әңгәмә- фикер алышу үткәрелде. Чернобыль һәлакәте тарихы турында җылы шартларында сөйләшенде. Әңгәмә барышында кешелек тарихындагы иң зур техноген радиацион һәлакәтнең картинасы күз алдында басып торды.
26 апрель - Бөек шагыйребез Габдулла Тукайның туган көне һәм Туган тел көне буларак билгеләнеп үтелә. Туган тел-буыннар арасында элемтәне ныгытучы чылбыр булып тора. 26 апрель көнне Караширмә авылы клубында да Габдулла Тукайның 136 еллыгын билгеләп үтелде. Тукайның әкиятләре, шигырьләре буенча әңгәмә булды. Дидактик уеннар аша балалар өчен язылган шигырьләре искә алынды һәм аларның кайберләрен яраткан укучылырыбыз яттан сөйләде.