ЯҢАЛЫКЛАР

18июньдә Алан мәдәният йортында яшүсмерләр белән "Яшьләр терроризмга каршы" дип исемләнгән әңгәмә булып узды.Әңгәмә барышында яшүсмерләргә  терроризм һәм экстремизмның асылы, аның китергән афәтләре турында аңлатылды. Шулай ук үзеннең һәм башкаларның иминлеген саклау өчен ниләр эшләргә кирәклеге әйтелде. Дәүләт тарафыннан халык иминлеге өчен нинди чаралар күрелүе дә аңлатылды.

2022 елның 15 июнендә Ачы авылы мәдәният хезмәткәрләре «Изге Троица»дип исемләнгән танып-белү сәгате үткәрделәр. Балаларга Троица бәйрәме турында сөйләделәр. Балалар бәйрәмнең тарихы, гореф-гадәтләре белән таныштылар.

Иң хөрмәтле агач - Каен. Каен бәйрәмнең символы, мөгаен, чөнки ул иң беренчеләрдән булып матур яшеллеккә киенә. Бу агач игелек китерә, чирләрдән саклый, дип саналды.

Китапханәче укучыларны “В единстве наша сила” дип исемләнгән күргәзмә белән таныштырды, аларның игътибарын Россия халыклары турындагы китапларга юнәлтеп, илебездә яшәүче милләтләр турында сөйләде. Социаль челтәрләрдә укучылар игътибарына  «Знай своё Отечество» дигән тематик викторина тәкъдим ителде.

Табигатьне саклаучыларны тәрбияләү, җаваплы булырга, табигатьне яратырга һәм сакларга өйрәтү, аның байлыкларыннан сакчыл файдалану максатыннан 14 июнь көнне безнең балалар бакчасында экологик эшләр марафоны узды.

12нче июнь көнне Россия Федерациясенең Дәүләт бәйрәме — Россия көне билгеләп үтелә. Ул шул ук вакытта иң яшь һәм тантаналы милли бәйрәмнәрнең берсе — Халык аны милли бердәмлек, теләктәшлек һәм тынычлык көне буларак бәйрәм итә. Илебезнең төп байлыгы — аның күпмилләтле  халкы. Һәр халыкның үз мәдәнияте, гореф-гадәтләре бар, аларны сакларга һәм киләчәк буынга тапшырырга кирәк. Шушы  вакыйга уңаеннан Баландыш мәдәният йорты һәм китапханәсе хезмәткәрләре 10нчы июнь көнне “Кояшкай” мәктәп яны лагеренда ял итүче балалар белән "Россия - минем Ватаным!" дип аталган уен-дәрес үткәрде.

Хөрмәтле райондашлар! Россия көне уңаеннан ихлас котлауларыбызны кабул итеп алыгыз.
12 июнь - илебезнең яңа тарихында үзенчәлекле дата. 

Сезне Теләче муниципаль район Советы, Башкарма комитеты һәм шәхсән үз исемемнән милли бәйрәмебез – Сабан туе белән ихлас тәбрик итәм. Быелгы бәйрәм районыбызның кабат оешуына 30 ел тулуны билгеләп үтү кысаларында уза. Шушы вакыт эчендә Теләче үзәге, авыллар яңа сулыш алып, төзекләнде, зурайды.

Балаларның җәйге каникуллары дәвам итә. Балаларның ялларын күңелле һәм мавыктыргыч үткәрү өчен төрле чаралар оештырыла. Каникуллар башлану сәбәпле 8 июнь көнне Караширмә авылы клубында "Юл хәрәкәте иминлеге" ДБУ Саба бүлекчәсе начальнигы Ягафарова Гүзәл Назыйф кызы олылар белән юл-транспорт хәрәкәте куркынычсызлыгы турында әңгәмәләр үткәрде, балаларга тормыш куркынычсызлыгы, кичке якта җәмәгать урыннарында үзеңне тоту кагыйдәләре, елга буйларында сулыкларга якын урыннарда җәй көне үзеңне ничек тотарга кирәклеге турында күрсәтмәләр бирде. Җәйге каникулда балаларны, оныкларны юл хәләкәтеннән саклау темасы бик эчтәлекле булды.

Шахмат тарихына күз салсак, башта аны 4 кеше уйнаган. Йөрешләр уен сөякләре ыргытып билгеләнгән. Борынгы шахматлар комарлы уеннар рәтенә кергән, хәзер исә шахматларны салкын акыл белән, һәр адымны ныклап уйлап уйныйлар, анда очраклылык элементы юк дияргә дә була. Шуңа да карамастан, шахмат партиясенең ахырын алдан әйтү мөмкин түгел: бер ялгыш адым партияне бөтенләй икенче юлга кертеп җибәрергә мөмкин. Шашка уены безнең чорга бик борынгы дәверләрдән килгән. Хәзер бу уен спорт төрләренең берсе булып санала.
Физик сыйфатларны түгел, ә күбрәк акыл үсешенә тәэсир итә торган булганга, балалар да аны спорт дип түгел, ә уен дип саный. Шашка уйнау логик фикерләү сәләтен үстерә, зиһенне чарлый, фикер туплауга ярдәм итә, басылып утыруны таләп итә һәм шул сыйфатны тәрбияли. Иң мөһиме, бу уен хәтерне яхшырта. 8 июнь көнне Караширмә авылы клубында да яшьләр һәм олылар арасында шахмат-шашка уены булды. Олылар фикерләү сәләтен ныгыттылар, яшьләр өйрәнделәр.

12 июнь көнне Россия Федерациясенең Дәүләт бәйрәме — Россия көне билгеләп үтелә. Ул шул ук вакытта иң яшь һәм тантаналы милли бәйрәмнәрнең берсе — Халык аны милли бердәмлек, теләктәшлек һәм тынычлык көне буларак бәйрәм итә. Илебезнең төп байлыгы — аның күпмилләтле халкы. Шушы вакыйга уңаеннан 8 июнь көнне Урта Мишә авыл китапханәсендә клуб белән берлектә “Россиянең дәүләт символлары" дигән темага танып-белү сәгате үткәрелде. Чараның максаты - үсеп килүче буында ватанпәрвәрлек һәм гражданлык формалаштыру, РФнең дәүләт символларын - гербын, әләмен, гимнын популярлаштыру, дәүләтебез тарихы турындагы белемнәрне арттыру. “Без Россиядә яшибез” исемле китап күргәзмәсе оешырылып, күзәтү ясалды. Һәр халыкның үз мәдәнияте, гореф-гадәтләре бар, аларны сакларга һәм киләчәк буынга тапшырырга кирәк.