ЯҢАЛЫКЛАР
Бәйрәм кысаларында районның спорт учреждениеләре хезмәткәрләре һәм алдынгы спортчылар бүләкләнде. «Татарстан Республикасы Физик культура һәм спорт отличнигы» исеме «Теләче» спорт мәктәбенең волейбол буенча тренеры Рәшит Габделхәевка физик культура һәм спортны үстерүгә озак еллар керткән өлеше өчен «Яшьлек» спорт мәктәбе хезмәткәре Камил Ибраев Татарстан Республикасы спорт министры Рәхмәте белән бүләкләнде. Шулай ук Теләче муниципаль районы Башлыгының Рәхмәт хаты белән районның спорт мәктәпләре тренерлары да бүләкләнде.
Тантаналы өлеш тәмамланганнан соң, чарада катнашучылар барысы да ГТО НФСК сынауларын үтәргә керештеләр (6-11 дәрәҗә)
- Кыска һәм озын дистанцияләргә йөгерү
- Турникта тартылу
-Сыгылу
-Гимнастик эскәмиядә алга авышу
-Озынлыкка сикерү
- Күтәрү туловища
- Граната ыргыту
- Гер күтәрү
- Пневматик винтовкадан ату
Сәяхәт барышында туган як табигатен өйрәнделәр, сулыклардагы үсемлекләр белән таныштылар. Төрле уеннар, ярышлар белән үрелеп барган очрашу барлык катнашучыларга бик ошады.
Нәкъ менә бу көнне балалар үзләренең зирәклеген сынап карау мөмкинлегенә ия булдылар . Барлык табышмаклар да флора, фауна һәм экология темасына сайлап алынды . Балалар үзләре язган табышмаклар, шулай ук башка катнашучыларның табышмакларын чиштеләр.
Чарада авылыбызның урта яшьтәге мәктәп балалары катнашты. Кичәдә катнашучы балаларга физик яктан актив булырга, саф һавада күбрәк вакыт үткәрергә, дөрес тукланырга, көн режимын сакларга, шулай ук иртәнге гимнастиканың, физик культураның кеше сәламәтлеген ныгытуга ни дәрәҗәдә файдалы икәне турында мәгълуматлар бирелде. Кичә ахырында катнашучылар китапханәче тарафыннан “Китап һәм спорт – алга хәрәкәт!” дип исемләнгән китап күргәзмәсе белән таныштылар.
Туган җиребезгә мәхәббәт, игенче хезмәтенә хөрмәт, ихтирам тәрбияләү максатыннан Айдар авылы китапханәсендә 5 август көнне “Иң бәхетле кеше - игенче ул, иң саваплы кеше - игенче!” дип исемләнгән күргәзмә тәкъдим ителде. Районыбыз кырларындагы урып-җыю эшләренең барышы турындагы материаллар, игенче, икмәк темаларын яктырткан якташ язучыларыбызның әдәби әсәрләре, шигырьләре урын алган әлеге күргәзмә киң катлам китап укучыларыбызга тәкъдим ителде.
4 август көнне Теләче мәдәният һәм ял паркында китапханә хезмәткәрләре тарафыннан «Китап – иң якын дус!» дип исемләнгән библиофреш үткәрелде.
Кулга яңа китап алу, аның беренче битләрен ачу күңелгә рәхәтлек бирә. Китап укырга яратучыларга бу хис таныш. Бүген һәркем күргәзмәдән үзенә ошаган китабын сайлап ала алды.
Ачык төстәге рәсемнәре һәм мавыктыргыч сюжеты белән күзләрне иркәли торган тылсым һәм маҗаралар турында да, нәниләр өчен кызыклы әкиятләр дә, хайваннар һәм табигать доньясы турындагы китаплар да бар иде күргәзмәдә.
Уку һәм тест сорауларын тапшырганнан соң, районның 12 сан алучысы сораштыру үткәрү өчен үз объектларына чыкты. Шул ук вакытта аның мәгълүматлары тулысынча зарарсызланачак. Мәгълүмат хәтта косвенно түгел мөмкинлек бирәчәк идентифицировать катнашучы сораштыру. Алдагы халык санын алу белән чагыштырганда сораулар саны кимеде: планшетта исәпкә алу битен тутыруның уртача вакыты 10-15 минут тәшкил итәчәк.
Росстатта мәгълүмат җыюның бөтен методологиясе халыкара тәҗрибәгә нигезләнгәнлегенә игътибар иттеләр. Илебездә Авыл хуҗалыгы исәбен алу беренче тапкыр узган елдан соң түгел, ә биш елдан соң уза. Бу илнең ресурс базасын һәм агросекторның потенциалын җентекләп бәяләргә, шулай ук авыл хуҗалыгындагы соңгы структур үзгәрешләрне җентекләп бәяләргә, авылга, эре аграр һәм фермер хуҗалыкларына, кече ярдәмче хуҗалыкларга ярдәм итү һәм аны үстерүнең актуаль программаларын эшләргә мөмкинлек бирәчәк.
Республикабызда туган телләр һәм халыклар бердәмлеге елы уңаеннан,Балыклы авылы мәдәният йортында "Туган телдә укыйбыз" дигән чара узды. Балалар белән татар халык һәм чит телдән тәрҗемә ителгән әкиятләр укылып, үзләре яраткан геройларны кәгазьгә төшерделәр.
Бүген - 5 августта Халыкара светофор көне билгеләп үтелә. 1914 елның 5 августында Американың Кливленд шәһәрендә заманча светофорларның иң беренче моделе уйлап табылган. Ул кызыл һәм яшел төсле яктырткычлардан торган. Утын сүндереп яндырган вакытта сигнал биргән.
Шул уңайдан Теләче 2нче балалар бакчасында балалар бакчасында Светофор көненә багышланган тематик чаралар узды. Тәрбиячеләр балалар белән берлектә юл йөрү кагыйдәләрен кабатладылар, кызыксындырган сорауларына җавап алдылар, ә кечкенәләр светофорның төсләрен искә төшерделәр. Зурлар төркеменә йөрүчеләр балалар бакчасы кырыендагы юл билгеләре белән таныштылар, җәяүлеләр үтәргә тиешле юл кагыйдәрен ныгыттылар.
3 август көнне Ямбулат авылы китапханәсендә берләшмәгә йөрүче балалар белән «Күңеле матур кеше матурлык ярата» дигән әдәби сәгать үткәрелде. Матур күңелле кеше нинди була дигән сорауга җавап таптылар, Әмирхан Еникиның «Матурлык» хикәясен укып анализ ясадылар. Соңыннан авылдагы матурлык турында сөйләштеләр. Матур эшләр, матур кешеләр күп икән Ямбулат авылында! Шушы авылда 32 ел терлекчелек тармагында эшләүче Вәлиуллина Рәсүлә апалары үстергән чәчәкләргә карап сокландылар. Шулай ук, Ногмановлар, Насировлар, Хәлиуллиннар, Мәхәммәтгалиевлар, Дәүләтшиннар ишек аллары да шау чәчәккә күмелеп ята.