ЯҢАЛЫКЛАР
22 нче ноябрьдә Теләче урта мәктәбенең 6 б сыйныфы укучылары Әниләр көненә багышланган бик матур кичә үткәрделәр. Укучылар әниләренә багышлап җырлар җырладылар, шигырьләр сөйләделәр. Соңыннан балалар әниләренә үзләренең бүләкләрен бирделәр. Кичәдә балаларның һәм әниләрнең бергә күңелле сөйләшүен сыйныф җитәкчесе Е.Я.Нуртдинова оештырды.
Тантанада Әбде авыл җирлеге халкының барлык гүзәл яртысы катнашты.
Хәзерге вакытта һәр гаиләнең яраткан бәйрәме ул. Олылар да, балалар да бу көнне әниләрен котлыйлар, бүләкләр бирәләр. 23 ноябрь Максабаш авылы китапханәчесе мәдәният йорты белән берлектә «Халык җәүһәрләре» берләшмәсенә йөрүче укучылар һәм аларның әниләре белән “Галиҗәнәп әни” дип исемләнгән чәй өстәле артында күңелле кичә үткәрелде. Балалар әниләренә багышлап шигырьләр сөйләделәр. Балалар да, әниләр дә рәхәтләнеп ял иттеләр: төрле уеннар уйнадылар, табышмаклар әйтештеләр, җырлар җырладылар.
Бу көнне әниләргә бүләкләр тапшыру кабул ителде, шуңа күрә дәрестә балалар матур открытка ясарга тырыштылар. Иҗади эш вакытында балалар әниләре турында сөйләделәр, әниләр турында шигырьләр һәм хикәяләр искә төшерделәр, «Әнине бел» викторинасында катнаштылар.
Бәйрәм уңаеннан Шармыш авылында "Быть, матерью завидней доли нет" дип исемләнгән бәйрәм программасы оештырылды. Чара барышында авыл халкы бәйрәмнең тарихы белән танышты. Үзешчән сәнгатьтә катнашучылар концерт белән чыгыш ясадылар, анда җырлар җырладылар һәм әниләргә багышланган шигырьләр сөйләделәр. Тамашачылар белән «Мамина шкатулка» һәм «Мамины дела», «Ответь на вопрос ромашки» дигән уеннар үткәрделәр, табышмакларга җавап бирделәр. Китапханәнең уку залында «Быть, матерью завидней доли нет» дип исемләнгән күргәзмә оештырылды.
2019-20 уку елына еллык план нигезендә, бүген Теләченең беренче номерлы бакчасында " Балалар бакчасында экологик тәрбия "дигән тема астында педагогик киңәшмә узды. Әлеге темага кагылышлы сорауларга җавап әзләү максатыннан өлкән тәрбияче Нуруллина А.Х. доклад укыды, аннан Мөлекова Г.Ф.үзенең эш тәҗрибәсе белән уртаклашты.Җыелешның икенче өлешендә педагоглар ике командага бүленеп, эшлекле уен формасында, экологик тәрбия буенча фикер алыштылар. Бакчада булачак конкурсларның нигезләмәләре белән таныштылар, яңа ел бәйрәмнәре вакытынна куркынычсызлык кагыйдәләре буенча инструктаж үттеләр. Гомумән алганда, киңәшмә бай эчтәлекле, күңелле, мавыктыргыч булды.
Әниләр көне ел саен ноябрь аеның соңгы якшәмбесендә үткәрелә. Хәзерге вакытта һәр гаиләнең яраткан бәйрәме ул. Олылар да, балалар да бу көнне әниләрен котлыйлар, бүләкләр бирәләр. 24 ноябрь Олы Мәтәскә китапханәчесе дә үзенең актив укучыларының әниләрен китапханәгә чакырды. Алар өчен мул итеп табын әзерләнде. Әниләр рәхәтләнеп ял иттеләр: төрле уеннар уйнадылар, табышмаклар әйтештеләр, җырлар җырладылар.
23 ноябрь көнне Халыкара Әниләр бәйрәме көне уңаеннан Казаклар авылы китапханәсе клуб белән берлектә «Әниемнең җылы кочагына изгелекнең сыйган барысы да» дип исемләнгән бәйрәм чарасы уздырды. Бәйрәм тантаналы һәм күңелле үтте. Әни булу бәхетен сынаган хатын-кызлар сәхнәдән яңгыраган дулкынландыргыч сүзләрне бик җылы кабул иттеләр. Бәйрәм җыр һәм биюләр белән үрелеп барды.
24 нче ноябрьдә Теләче урта мәктәбенең 8 а сыйныф укучылары әниләрен матур концертка чакырдылар. Әниләр көненә багышланган кичәдә балаларның һәм әниләрнең бергә күңелле очрашуын сыйныф җитәкчесе Э.Р. Казакова оештырды.
2019 нчы елның 23 нчы ноябрендә Айдар авылында 2020 нче елда үзара салым кертү һәм гражданнарның җирле әһәмияттәге мәсьәләләрне хәл итүгә үзара салым акчаларын куллану мәсьәләсе буенча халык җыены булып узды. Үзара салым кертү турындагы карар ачык тавыш бирү юлы белән үткәрелде. Җыенда торак пунктта яшәүчеләрнең яртысыннан артыгы катнашты. Бертавыштан 2020 елда гражданнарның үзара салымын кертү һәм алынган акчаларны җирле әһәмияттәге мәсьәләләрне хәл итүгә куллану турында Карар кабул ителде.