ЯҢАЛЫКЛАР
20 июньдә Олы Мишә урта мәктәбе базасында «Ак каен» сәламәтләндерү лагеренда талантлар конкурсы узды. Яшь катнашучылар чыгыш ясау өчен бик җитди әзерләнделәр, һәр номер үзенчәлекле, әмма дулкынланмыйча да булмады. Барлык балалар да үз номерлары белән бик яхшы чыгыш ясадылар. Конкурс балаларда якты тәэсирләр, уңай эмоцияләр һәм энергия калдырды.
Олы Мишә урта мәктәбенең «Ак каен» лагерена балигъ булмаганнар эшләре һәм аларның хокукларын яклау секторының баш белгече Ханафиева М.Ф. һәм «Родник» халыкка һәм балаларга социаль ярдәм күрсәтү бүлекчәсенең социаль педагогы Гайнетдинова Ф.Т. килделәр. Алар балаларны җәйге каникуллары белән котладылар һәм җәмәгать урыннарында тәртип кагыйдәләрен аңлаттылар, юл аша чыгу һәм велосипед белән куркынычсыз идарә итү кагыйдәләрен кабатладылар, яктылык кайтаручы элементларны куллануның мөһимлеген искә төшерделәр. Моннан тыш, белгечләр мәктәп укучыларына билгесез урыннарда, бигрәк тә ата-аналардан башка су коенырга ярамаганлыгын төшендерделәр.
Казаклар авылы китапханәчесе“Хыялый балачак” берләшмәсе кысаларында “Чишмәләр иле син туган як” исеме астында экскурсия оештырды. Экскурсия вакытында балалар “Әҗекә" чишмәсенең тарихы белән таныштылар, төрле күңелле уеннар уйнадылар, китаплар укыдылар, табышмаклар чиштеләр, ял иттеләр. Бу экскурсия ярдәмендә балалар чишмәләрне саклау мөһимлеге турында тагын бер кат уйландылар. Мондый экскурсияләр оештыру туган як табигатенә һәм су чыганакларына сак караш тәрбияләргә мөмкинлек бирә, ә табигатьнең матурлыгын һәм күптөрлелеген күзәтү балаларда күзәтергә, өйрәнүгә, фикер алышырга, сөйләргә теләк тудыра.
Иске Җөри авылы модель китапханәсендә Баландыш төп мәктәбе укучылары өчен экскурсия үткәрелде. Китапханә хезмәткәрләре кунакларны яңа китаплар белән таныштырдылар, яңа мәгълүмати ресурслар турында сөйләделәр. Алар китапханәнең заллары, китап фонды, вакытлы басмалар белән таныштылар. Китапханәдә укучылар өчен докладлар, проектлар, хәбәрләр, презентацияләр язу өчен кулланыла торган компьютерлар бар. Шулай ук биредә укучылар мәктәптә бирелгән өй эшләрен дә башкару, китаплар уку белән беррәттән, төрле кызыклы интеллектуаль уеннар да уйный алу мөмкинлеге турында белде.
Иске Җөри авылы китапханәчеләре Рузалия Гильмутдинова һәм Хабибуллина Нурия чишмәләрне барлау һәм чистарту максаты белән, балалар белән авылдагы «Изге чишмәгә» экскурсия оештырдылар. Бу сәяхәттә китапханәчеләр балаларны чишмәнең тарихы белән таныштырдылар, балалар белән чишмә тирәсеннән чүпләрне җыештырдылар һәм чишмәнең саф суыннан авыз иттеләр.
Теләче урта мәктәбендә чыгарылыш кичәсе узды. Бәйрәм чарасында район җитәкчелеге дә катнашып, үзенең теләкләрен җиткерде. Мәктәп елларының күңелле вакыйгалары егет, кызлар күңелендә яшьлекнең якты хәтирәсе булып сакланыр.
Наша страна во все времена славилась сильными духом людьми. Чувство патриотизма и любви к Родине неотъемлемая черта людей всех поколений, всех национальностей.
2023 елның 27 июнендә 10.00 сәгатьтә Татарстан Республикасы Тарифлар буенча Дәүләт комитеты рәисе урынбасары С.В. Павлов бәяләрне, тарифларны билгеләү мәсьәләләре буенча гражданнарны кабул итәчәк.
19 июнь көнне МКУ «Мәгариф бүлеге» залында балаларны юлларда куркынычсыз тәртип кагыйдәләренә интеграцияле өйрәтү буенча «Спорт борылышлары» республика смотр-конкурсының муниципаль этабы нәтиҗәләре буенча бүләкләү булды.
Теләче 3нче номерлы балалар бакчасы тәрбиячеләре Шакирова Г.И - 1нче урынны, Биккинина Р. Р. – 3нче урынга лаек булдылар. Котлыйбыз һәм алга таба да уңышлар телибез!
19 июнь көнне “Кояшкай” ял лагерында “Хәтер һәм матәм көне”нә багышланган чаралар уздырылды. Укучылар белән Бөек Ватан сугышында һәлак булган авылдашларыбыз истәлегенә куелган һәйкәл янына экскурсия оештырылды; “Сугыш балалар күзаллавында” темасына рәсемнәр ясалды, укучыларга сугыш темасына кинолар күрсәтелде, сугышка багышланган шигырьләр сөйләнде, җырлар җырланды. Көн ахырында балалар белән “Хәтер шәме” кабызылып, Бер минут тынлык уткәрелде.