ЯҢАЛЫКЛАР

Экскурсия Кукчә авылының тарихи өлеше буенча узды. Старт үзәк урамнан авыл китапханәсе янына кадәр узды. Экскурсиядә катнашучылар “Сабира” исемле чишмә янында булып, аның тарихын белделәр. Катнашучылар иң иске урамнар буйлап йөрделәр, Кукчә авылы барлыкка килү тарихы белән таныштылар, аның күренекле шәхесләре турында сөйләштеләр, кешеләрнең ни белән шөгыльләнүен һәм авылның аның тарихының төрле чорларында ничек үзгәрүен ачыкладылар. 

Балалар өчен китапханә буенча экскурсия үткәрелде. Китапханәче балаларны китапханәчеләрнең эшчәнлеге белән таныштырды, китапханә бүлекләрен күрсәтте һәм аларның әһәмияте турында сөйләде. Балалар хәтта үзләре дә китапханәче ролендә булдылар һәм «Китап тап» уенында актив катнаштылар. Шулай ук, аларга «Китапстан» республика проектының эшчәнлеге, проектның максаты һәм анда ничек катнашырга мөмкин булуы аңлатып үтелде. Ахырда балалар фонда булган китаплар һәм журналлар белән таныштылар.

Туган ягыбызны өйрәнү, тарихы белән кызыксыну буыннар арасындагы бәйләнешне ныгыту өчен кирәк. Шул уңайдан, Айдар авылы китапханәчесе  июнь аеның ямьле бер көнендә "Туган ягым атамалары"  дип исемләнгән экологик сәяхәт оештырды. Әлеге чара укучыларны туган якның, елга-күлләрнең географик атамаларының килеп чыгышы тарихы белән таныштырырга мөмкинлек бирә.  Кече яшьтәге мәктәп укучыларында кече ватанына мәхәббәт һәм аңа сакчыл мөнәсәбәт тәрбияләүгә ярдәм итә. Экологик аң, экологик мәдәният,  рухи-әхлакый сыйфатлар тәрбияләү максатыннан уздырылган чарада балалар туган табигатьнең матурлыгы, аны чолгап алган үсемлек һәм хайваннар дөньясы турында кызыксындылар, авылыбыз атамалары белән таныштылар,  сәяхәттән бик канәгать калдылар, ял итеп, истәлеккә фотоларга төштеләр.

Балаларда кечкенәдән үк табигатьне ярату, аның матурлыгын тою, шуны саклый һәм тудыра белү хисе тәрбияләнергә тиеш. Шул максаттан 20 нче июнь көнне Баландыш авыл китапханәсе мәдәният йорты белән берлектә “Исәнме табигать дустыбыз” дигән экскурсия оештырды. Балалар белән чишмә буенда булды.Төрле табышмакларга,сорауларга җаваплар табып, кызыклы уеннар уйнап табигать кочагында күңелле ял итте.

Дүрт ел дәвам иткән сугыш Җиңү белән тәмамланса да, сугыш башланган көн илебездә Хәтер һәм кайгы көне буларак ел саен билгеләп үтелә. 1418 көнгә сузылган, бик күп кешеләрнең гомерен өзгән, йөзләгән шәһәр-авылларны җимергән, бәһасез матди зыян салган сугыш халкыбызның туган илгә тугрылыгын, фидакарьлеген бөтен дөньяга күрсәтте.

Алан авыл китапханәсенең кечкенә китап укучылары өчен табышмаклар чишү буенча фольклор чара узды. Китапханәче балаларга табышмаклар, мәзәкләр һәм мәкальләр барлыкка килү тарихын сөйләде. Үзләренең белемнәре ярдәмендә балалар яраткан әкият геройлары турында табышмакларны бик җиңел генә чиштеләр. Чарада күңелле һәм шаян атмосфера хөкем сөрде. Катнашучылар үзләренең ни дәрәҗәдә белемле булуларын һәм татар халык иҗатына кызыксынуларын күрсәттеләр, балалар хәтта үзләренең табышмакларын да уйлап чыгардылар.

Алан авыл китапханәсендә  ТР мәдәният министрлыгы ярдәмендә оештырылган “Китапстан” республика проекты кысаларында,җәйге укуларга багышланган ”Җәйге ялым китап белән” дип исемләнгән китап ярминкәсе узды. “Китапстан”- кече һәм урта яшьтәге балалар өчен оештырылучы китап марафоны. Әлеге укучылар һәрберсе җәй дәвамында үзләре теләгән китапны укып, аның буенча алга бара торган юл күрсәтүче карта алдылар. Китапханәче тарафыннан эш тәртибе аңлатылды һәм җәйге укулар өчен яңа китаплар тәкъдим ителде.Укучылар үзләренә ошаган итапларны өйләренә укырга алдылар.

21  июнь көнне  Олы Мишә урта мәктәбенең «Ак каен» сәламәтләндерү лагерена йөрүче  балалар Баландыш авылы паркында һәм авыл музеенда экскурсиядә  булдылар. Музейда балалар өчен иң шаккатыргычы  сугыш  коралы  экспонатлары булды.

20 июньдә Теләче районына эш сәфәре барышында Татарстан Республикасы хезмәт, халыкны эш белән тәэмин итү һәм социаль яклау министрының беренче урынбасары Вәлиуллов Рөстәм Фәйзрахман улы килде.

Шул уңайдан Иске Җөри урта мәктәбе базасында урнашкан " Ак каен" сәламәтләндерү лагерына йөрүче балалар белән  ДБУнең Казан шәһәре территориаль идарәсенең профилактика бүлегенең Саба районы бүлеге начальнигы Ягъфәрова Г.Н. катнашында  "Башваткыч" дип исемләнгән интеллектуаль уен үткәрделәр.  Уенның максаты балалар катнашындагы юл-транспорт һәлакәтен профилактикалау, укучыларны төрле чаралар ярдәмендә урамда һәм юлларда юл йөрү кагыйдәләрен төгәл үтәү, балаларның игътибарлылыгын, мөстәкыйль эзләнүен, иҗади сәләтләрен үстерү иде.   Кичә матур биюләр һәм кызыклы мәгълүматлар  белән үрелеп барды. Уенчылар кроссворд чишеп юл кагыйдәләре турында кирәкле   мәгълүмат тупладылар. Кичә ахырында Россия Эчке эшләр министрлыгының Теләче районы буенча ЮХИДИ дәүләт инспекторы, полиция лейтенанты Киямов Л.Т. балаларга юлда үзеңне тоту буенча киңәшләрен бирде. Бәйрәмдә катнашучыларның барысына да истәлекле бүләкләр тапшырылды һәм алар күтәренке кәеф белән таралыштылар.